قادیرآللاه یامان عصره قالمیشیق
قجله اؤرده گه اوزمك اؤرگه دیر
ایكی ایپی باغلایانمیر بیر-بیره
زرگره ، مروارید دوزمك اؤرگه دیر
اؤردك تك اؤزونو بنزه دیر قازا
ائوینه گئدنده آز قالیر آزا
اؤزو اؤز آدینی باجارمیر یازا
ادریس پیغمبره یازماق اؤرگه دیر
بئش تومن پول تاپیب ایتیریب یولون
مست اولوب تانیمیر ساغ ایله سولون
قازیب چیخاردانمیر بیر یاوشان كولون
فرهادا قایالار قازماق اؤرگه دیر
دده كاتیب دولوب صبرین چاناغی
یامان توتوب چاققاللارین اویناغی
بئش قدم گئدنده آزیر ایاغی
رستمه میداندا گزمك اؤرگدیر

*•.¸¸.•*♥ ♥♥ ♥*•.¸¸.•*♥ ♥♥ ♥*•.¸¸.•*♥ ♥♥ ♥*
آخیر آغلاتـدیـن منـی، بیگـانـه لـر گـولسـون منـه
شمع تك یاخدیـن منـی، پـروانـه لـر گـولسـون منـه
منـده یــالــواررام گــؤزوم یــاشیلــه، پیــر میكــده
ائیله مست ائیتسین منـی، مستـانـه لـر گـولسـون منـه
پرتوِ خـورشیـدِ روییـن جـام ِ مئـی ایچـره گـؤروب
آغـلارام، قـوی دؤره ده پیمـانـه لـر گـولســون منــه
قورخورام سّر دهانین، مئی ایچیـب فـاش ائیلـه یـم
مست اولام كیم، عارفِ میخـانـه لـر گـولسـون منـه
بـاغـلا اول زنجیـرِ زولفـونلـه مـنِ ســر گشتــه نــی
قویما كیم، صحـرا نشیـن دیـوانـه لـر گـولسـون منـه
لیلی وش زولفونـدن آیـری ایستـه رم، مجنـون اولام
قوی ائشیتسیـن بـو سـوزو فـرزانـه لـر گـولسـون منـه
ییخابیلمه زدی، فلك اولسایدی، ییخدی هیجرِ یار
واحـدم، قـوی سـاكـنِ ویـرانـه لـر گــولســون منــه

*•.¸¸.•*♥ ♥♥ ♥*•.¸¸.•*♥ ♥♥ ♥*•.¸¸.•**♥ ♥♥ ♥*

گئتمه ك ایسته یرسن ؟ بهانه سیز گئت
اویاتما مورگولی خاطره لری
سه سین همان سس دیر باخیشین ئوگی
گئدیرسن ؟ سه سینده یاد اولسون باری
سن دنیز قوینونا توللانمیش چیچه ك
اوستونه دالغالار آتیلاجاقدیر
ساختا محبتیین / ساختا سند تك
نه واقت سا اوستونده دوتولاجاقدیر
دوشه نیب یول لار تك آیاغلارینا
سنه یالواریم می ؟ بوممكن دگیل
قویمارام قلبیم تك وقاریم سینا
آلچالیب یاشاماق عومور گون دگیل
دئمیره سن اوجا بیر داغسان اگیل
دئمیره م قالیب دیر علاجیم سنه
نه سن ده محبت قاراپول دگیل
نه من دیلنچی ام ال آلچیم سنه
گئتمه ك ایسته یرسن؟ نه دانیش نه دین
یوخ اول اوزاقلارتك دومان دا چن ده
نه یمی سئومیش دین آ ظالیم منیم
ایندیسه یوز عیب گوریرسن من ده

من سنی اونودا بیلمیرم ، آخی
اونوتسام نه لری اونودام گرك
گؤیلره باخمیشیق آیلی گئجه ده
اونوتسام گؤیلری اونودام گرك!
دنیزی اونودوم، یا دالغالاری
خاطیرن یادیمدان چیخایدی باری
پاییزدا خزانی، قیشدا سا قاری
باهاردا گوللری اونودام گرك!
دئ نئجه اونودوم من سنی نئجه؟
سئوگی دورنا دئییل پاییزدا كؤچه
یوخوما گلیرسن منیم هر گئجه
آیلاری، ایللری اونودام گرك!
سنین خیالین دیر حسرتله باخان
آدین دیر هر ساعات قارشیما چیخان
قاریشیب شكلینه گؤزومدن آخان
یاغیشی، سئللری اونودام گرك!
سینمده پشیمان اورگیم قالدی
اوچدون اللریمده لعلگیم قالدی
نه لری ایتیریب، باخ نییم قالدی
نه لری، نه لری اونودام گرك!

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
چرشنبه گونونده، چشمه باشیندا
گؤزلریم آلاگؤز جانانا دوشدو.
آتدی موٍژگان اوخون، كئچدی سینه مدن
قاداسی، بالاسی جانیما دوشدو.
ایشارت ائیله دیم، دردیمی بیلدی
هم چوخ گؤزل ایدی، هم اهل یدیلدی
باشینی بولادی، گؤزوندن گولدو.
 گولنده قاداسی قانیما دوشدو.
علسگرم هر علمدن حالییام
دئدیم سن طبیبسن, من یارالییام.
دئدی نیشانلییام، اؤزگه مالییام
سیندی قول- قانادیم یانیما دوشد
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
▀

گؤز یاشلاری آخار قالماز
زولم آغاجی كولكه سالماز
من یانماسام ایشیقلانماز
اوجاقلاریم
اوبالاریم
هارای هارای یولداشلاریم.
قارا گونلر قالان اولماز
آنا دیین یالان اولماز
زولوم كوك سالماز
قالان اولماز
اوتایلیام
بوتایلیام
قاراباغا من باغلیام
هارای هارای یولداشلاریم.
اوزون دره ، درین دره
وئردون بیزی یاد ائللره
گؤزله بیر گون بابك گئله
ایوازلاریم
دلیلریم
هارای هارای یولداشلاریم.

خاطیرات دفتریم دورور قارشیمدا،
دولاشیر بیر اؤلمز سئودا باشیمدا.
گؤزل قاراباغدا جاوان یاشیمدا
بیر گؤزل سئچدیگیم یادیما دوشدو.
گزدیك قاراباغی قولوم قولوندا،
واریمی، یوخومو گؤروردوم اوندا.
بو شاعیر قلبیمله اونون یولوندا
مین درده دوشدویوم یادیما دوشدو.
كؤنلومون آرزوسو، دیلیییدی او،
نازلی ملكلرین مَلیییدی او،
گؤزومده گؤیچكلر كؤیچیییدی او.
بونا آند ایچدیییم یادیما دوشدو.
او مندن خبرسیز كؤچدو یایلاغا،
بختیمدن نیگاران، سوراق- سوراغا.
قلبیمده ایلك یارا، یار كؤچن داغا
ییغیشیب كؤچدویوم یادیما دوشدو.
اوچدو بیر سونا تك؟ عشقین گؤلوندن،
آدی بو عاشیقین دوشمز دیلیندن
عیسا بولاغیندااونون الیندن
سو آلیب ایچدیییم یادیما دوشدو.
مندن اوزاق گزدی ندنسه آمان،
آیریلیق اؤلومدن یامانمیش، یامان.
هر گون ائولرینین لاپ قاباغیندان
تیترییب كئچدیییم یادیما دوشدو.

( سولئیمان روستم )

دئییرسن : « سئومیرم ، چكیل یولومدان ... »
بس كئچن ایل منه دیل نییه وئردین ؟ !
ایلك باهار چاغیندا چیخیب قارشیما ،
قیزارا – قیزارا گول نییه وئردین ؟

گل اوخو عشقیمین جان كیتابینی ،
قیرما ، اورَییمین قیرما ، ساپینی ،
بیر زامان اوزومه آچیب قاپینی ،
گوللو باغچانیزدان یول نییه وئردین ؟

دیندیرسم بو یئرده ایندی هر كیمی ،
دئیجك دردیمین سن سن حكیمی ،
اگر سئومیردینسه ، خاطیره كیمی ،
ایپك ساچلاریندان تئل نییه وئردین ؟

باخیشلارین ایز سالیب، اوره ییمده باسقی تك
عشقیمین قوجاغیندا خاطیره ن وار بیر اتك
آغزیمدا قوروسادا دیله دیییم سون دیلك
هر ایل باهار گلنده، داغلارا چن دوشنده
سئوه جه یم من سنی سن منی سئومه سنده

☆☾☆☾☆☾☆☾☆☾☆☾☆☾☆☾☆☾☆☾☆☾☆☾☆☾☆☾

رشید بهبودف متولد 1915 فرزند مجید یكی از بزرگترین خوانندگان قرن بیستم در سرزمین های تورك زبان محسوب میشود.شهرت اصلی او بخاطر اجرای ترانه های عاشقانه بخصوص آنهایی كه توسط توفیق قلیوف تهیه شده است،میباشد. شهرت او از زمانی آغاز شد كه نقش یك بازرگان ثروتمند را در نمایش موزیكال آرشین مال آلان(پارچه فروش دوره گرد)بازی كرد.او به كشورهای زیادی از جمله ایران، انگلیس، فنلاند، تركیه، چین، بلغارستان، بلژیك، اتیوپی، هند، عراق، شیلی، آرژانتین و ... سفر كرد و در هر كشور حداقل ترانه ای به آن زبان خواند بطوری كه در مجموعه آثار او حدود 50 ترانه به زبانی های غیر آذری و از جمله فارسی موجود است. فعالیت او در زمینه موسیقی محلی بقدری بود كه در سراسر ممالك آذری زبان نام رشید بهبودف همواره در كنار موسیقی فولك به میان می آید.
او در شهر تفلیس (گرجستان) بدنیا آمد و پس از فراگیری مقدمات موسیقی نزد پدر كه او نیز خوانند بزرگی بود، در ایروان (ارمنستان) در یك گروه موسیقی شروع به فعالیت كرد و در اركستر فیلارمونیك ایروان نقش خوانندگی را بعهده داشت وی همچنین در سالهای 1938 تا 1944 خواننده بی همتای تنور درایروان بود و همانند بسیاری دیگر ازهنرمندان مردم دوست بود و برای مصالح عموم كار میكرد. بعد از جنگ جهانی دوم بعنوان نماینده روسیه به مجارستان رفت تا در كنفرانس دمكراسی جوانان در بوداپست شركت كند، در آنجا علاوه بر نقش سفیر به اجرای قطعاتی در ارتباط با موضوع كنفرانس پرداخت و جایزه بزرگ بین المللی نیز دریافت كرد.


☆☾☆☾☆☾☆☾☆☾☆☾☆☾☆☾☆☾☆☾☆☾☆☾☆☾☆☾

سحر اؤلمك ایسته ییرم

گئجه اؤلسم باغبشلا

بیلمیرم نئجه یاشادیم

نئجه اؤلسم باغیشلا

گیزلی اؤلمك ایسته ییرم

خبر توتسان  باغیشلا

قورخورام اونوتمایاسان

یوخ اونوتسان باغیشلا

سس سیز اؤلمك  ایسته ییرم

سسیم گلسه  باغیشلا

سن سیز اؤلمك ایسته ییرم

سن ده اؤلسن باغیشلا...........!

غم چكمه عموغلی هله بو ملت آییلماز

آج لوت قالا داییم، چكه مین ذلت آییلماز!

مشروطه اوچون تؤكدوله بو شهرده قانلار

قانون اساسی دئیه جان وئردی جوانلار

آخیرده یئنه حوكمران اولدو بیزه خان لار

كئچدی باشینا توربا داهی امت آییلماز

غم چكمه عموغلی هله بو ملت آییلماز

ساری گلین به معنی عروس زرد(طلایی)كه در افسانه های آذربایجان اشاره به خورشید است برای آن در آذربایجان رقص زیبایی وجود دارد كه حركات آن حس تمنا و خواستن را در انسان زنده میكند. دستها به سمت آسمان باز میشود و با ملودی نرم ۴/۳ حركات پا و دست انجام میشود.در موسیقی هم میتوان ردپایی از آن یافت و از تصنیف های فولكولور آذربایجان محسوب میشود.خواننده های بسیاری این آهنگ و شعر را خوانده اند و به آن افتخار میكنند، از آن جمله میتوان به قدیر رستمف"حسین عیزاده كه همراه با جیوان گاسپاریان در آلبوم endless vision اجرا كرده
همچنین به زبان های فارسی و ارمنی این موسیقی سروده شده است

چوخ گوزل باشلامیسان نارگیله قوربانین اولوم
هامی میز وئرملی ییك ال اله قوربانین اولوم
اومودوم وار گله جك ده چاتاسان زیروه لره
دوشه سن ائللر ایچینده دیله قوربانین اولوم
شعرالهام دی اورك نغمه سیدی موسیقی دی
هم بمه كوكله اونو هم زیله قوربانین اولوم
شعربیر باغچادی كی میوه سی قورتولماز اونون
ییغاسان بیردانا یا بیر سئله قوربانین اولوم
چوخ بیلن یاخشی یازار یاخشی دئیرسوزلرینی
كی گره ك یازماغا اینسان بیله قوبانین اولوم
سنده ائل گولشنی نین نازلی گوزل بلبلوسن
شوقیله قونمالی بلبل گوله قوربانین اولوم
گوج ایلن شعریازیلمازگره ك احساسین اولا
زحمتین اولمویاتانافیله قوربانین اولوم
گنه یاز اهلی اونو تئز اوخویارتحویل آلار
قدرده اولسا اگر بیر گیله قوربانین اولوم
ائلیمین فخرینه لایق گوره رم اوندا سنی
عالمه سالسان اگر ولوله قوربانین اولوم
اولكه میزده اوقدر شعریازان وار بیلیسن
تئزچیخاریوزمه بیلن ساحیله قوربانین اولوم
"ائلدارین"باش تاجی دیر اوز دیلینه خیدمت ائدن
حورمتی چوخدو بوشیرین دیله قوربانین اولوم

شاعیر:مهدی همت زاده(ائلدار)

آمان آللاه یئنه شیطان گلیب ایمان آپارا
قورویون قویمایون ایمانوزی شیطان آپارا
منیم انسانلیغیمین گور نه حصاری یاوادیر
كی گونوز غول بیابان گلور انسان آپارا
خرمنی ساققیزا وئردیك نه یامان چرچی دی بو؟
هی گلیر كنده بیزه درد وریر درمان آپارا
چورگ آلمیش الینه آج نئجه طاقت گتیسین؟
ائله بیر یاز گئجه سی قیز گلیب اوغلان آپارا
قانلی دیرناخلاریلان(انگلیس)ال قاتدی بیزه
باخیسان (روس)دا آرازدان كئچیر ایران آپارا
آرادان بیرده بولسه لر بیزی اربابلاریمیز
قورخورام قیمیالار تبریزی تهران آپارا
قارا طوفانكی داخی خلقله شوخلوق ائله مز
سئل گرك ائل داغیدا ائو ییخا ایوان آپارا
بو قارانقلیق گئجه لرده قاپوموز پیس دوگولور
نه بیلیم بلكه اجل دیر دایانیب جان آپارا
آناملا سویله یین اوغلون ییخیلیب سنگرده
تئللرین باس یاراما قویما منی قان آپارا
سلقه لی اوغرو تاپیلمیشسا بو باشسیز یئرده
شهریارداندا گرك بیر دولی دیوان آپارا