ایسته رم من او گؤلی اؤز گول خندانیم اؤلا
اودا ئوز كونلونی وئرسین منه جانانیم اولا
تك جانانیله بیر یئرده گونوم خوش گئجسین
آرزو ایله مه رم باغ گلستانیم اولا
قیمییان جانینه عاشق دگیل اؤز یاری ایچون
من فدا ایلیه رم یاریمه مین جانیم اولا 
گؤنده مین یول ائده رم جانیمی قوربان او گوله
اودا بیر یول دولانیب باشیمه قوربانیم اولا
بو پری جهره لرین بیرجه گوزل لیك لری وار
سومه رم هئچ بیرین الده اگر امكانیم اولا
نیله ییم كؤنلومه بیر قویماده آسوده اولام 
گوروم ای كاش كی ویران دل سوزانیم اولا
واحد هر شوخه ایناندیم سا وفاسیز چیخدی
بو گوزل لر له منیم حشرده دیوانیم اولا 
(واحد)


یکشنبه 15 دی 1392
بؤلوملر : سئوگی,