آزادلیغے ایستَمیـــــرَم ذَره- ذَره، قرام –قرام،
قولومداڪے زَنجیرلَرے قیرام گَرَڪـ،
قیرام ! قیرام !
.....
.....
قولومداڪے زَنجیرلَرے قیرام گَرَڪـ،
قیرام ! قیرام !
.....
.....
بیزیم اؤلكه
نه قریبدیر بیزیم اؤلكه
سینه داغلێ، آغێز باغلێ
آرزێلارێ چن بوْیاقلێ
هر بیر یئری بؤلگه - بؤلگه
دۇیمایاراق آل گۆنشین ساچلارێنێ
آخشام چاغێ گؤزله‌ییریك
بوْز آتێنێ یهرله‌یه
ائلیمیزین ایلك اۆشاغێ
اوْ ایللردن قالان كؤلگه
بیرگۆن آصلان اوْلا بلكه
نه قریبدیر بیزیم اؤلكه.
نه قریبدیر بیزیم اؤلكه
سینه داغلێ، آغێز باغلێ
آرزێلارێ چن بوْیاقلێ
هر بیر یئری بؤلگه - بؤلگه
دۇیمایاراق آل گۆنشین ساچلارێنێ
آخشام چاغێ گؤزله‌ییریك
بوْز آتێنێ یهرله‌یه
ائلیمیزین ایلك اۆشاغێ
اوْ ایللردن قالان كؤلگه
بیرگۆن آصلان اوْلا بلكه
نه قریبدیر بیزیم اؤلكه.
هاوا دومان
حالیم توتغون
كوچه - كوچه یاغیش یاغیر شهریمیزه...
نه بیلیم بلكه ده هئچ یاغیش دئییل!
گؤیلر بیر میللتین دردین آغلاییر؟!!!
گؤی اوزره توتولان
قارا بولوتلار
اینان اوره گیمین آهی دیرمنیم...
گؤیلره قالخیب دیر آهیم ، آمانیم
یاغان او یاغیشلار گؤز یاشلاریمدیر
دردیمی - آهیمی گؤیلر آغلاییر!
ائلیم چون چه كدیگیم دردلریم آخی
یئره سیغیشمادان گؤیلره قالخمیش
گؤیلر مظلوملارین آهین آغلاییر
وطن، وطن، وطن،
سسلرم سنی
گوزلریم ببگینده
بسلرم سنی
ایلك اول عشقیمین
یازی سن اولدون
بو عاشیق كؤنلومون
سازی سن اولدون
سنده آچیلیركن چیچگیم گولوم
اوخودو نغمه لر كؤنول بولبولوم
فخر ائدرم من بو سؤزه:
جانیم - قانیمدیر تبریزیم
سؤیله یرم من هر زامان
چوخ یاشا شانلی تبریزیم!
جان دیله سن جان وئررم
مالیم - واریمدان گئچرم
سنین اوچون من اؤلرم
چوخ یاشا شانلی تبریزیم!
گونش كیمی نور ساچیرسان
تاریخه بیر یول آچیرسان
دیلیم ، سؤزوم ، ایمانیمسان
چوخ یاشا شانلی تبریزیم!
آدین دوشوبدور دیللره
ایلهام وئریب شاعیرلره
ایز قویوبسان تاریخلره
چوخ یاشا شانلی تبریزیم!
قوربان اولوم او سؤزلره
( یاشا تبریز ) دئینلره
جاندان گئچن عسگرلره
چوخ یاشا شانلی تبریزیم!
سن قهرمانلار یوردوسان
ظلمه ووروش اوردوسوسان
آذربایجان اولدوزوسان
چوخ یاشا شانلی تبریزیم!
چوخ دوغموسان مرد اوغوللار
ستارخانلار ، باقیرخانلار
باغبان كیمی ائل اوغلولار
چوخ یاشا شانلی تبریزیم!
بیر قوش اولوب اوچایدیم من
آزمانیندا گزیدیم من
هارایلاییب دئیردیم من
چوخ یاشا شانلی تبریزیم!
سن اویانیش بایراقیسان
آنام، آتام، قارداشیمسان
انقلابلار قایناقیسان
چوخ یاشا شانلی تبریزیم!
نسیم لرین سرین - سرین
نه گؤیچكدیر گلینلرین
كؤرپه لریندیر ائللرین
چوخ یاشا شانلی تبریزیم!
( بابكم) وورغونام سنه
گئچمیشینه، تاریخینه
سئویملی او گؤزللره
چوخ یاشا شانلی تبریزیم!
( شعر : بابك قوجا اوغلو)
عاریف اوْلانێن سئوگیلی جانانێ وطنـــدیر
هم نامۇسێ هم غیرتی وجدانێ وطنـــــدیر
هر كس وطنین سئومه سه اینسان دئی«ل آسلا
اینسان اوْلانێن جیسمیده هم جانێ
وطنـدیر
اؤلسم وطن اۇغرۇندا بوْنا فخر ائـدرم من
كؤنلۆم نه زامان
ایسترسه قربان وطنـدیر
هركیم سوْرۇشا گر منیم عۆنوانێمێ سێـزدن
اوْ شخصه
دئین ماییلین عۆنوانێ وطندیــر
منه درد اولوب نادیرشاهین، نیظامیلرین، خاقانیلرین، اعتصامیلرین، لاپ بئله شهریارلارین اؤزگه هاواسی
یانیق كرمی هاواسیندا سویولان نسیمییم
شاققا- شاققا شاققالانان بابك
عرب حاكیملرینین قویون قوربانلیغییام
روس ایمپریاسینین قوزو خورهیی
فاس جمهوریتینین دَده دوستاغی
آوروپانین ساری تیكانی.
نانكور اوغوللاریم دا وار،
باغیراوف، كسروی، ذكا
و یوز بئله- بئله اؤز قاپی كؤپكلریمیز
ساتقین كوچوكلریمیز.
تورك تورپاغی بویدا كورهیم
یئر كورهسی بویدا تورك...
وطن بویدا مزارام
و قاراباغ
و قاراباغ
و قاراباغ، جسدیمدن قوپاریلمیش
بیر تیكه اتدیر
غئیرتدیر، جسارتدیر.
( ............ قاراباغ
قارا طالع قارا باخت
جنته دؤنسم یئنه
یاددان چیخماز قاراباغ)
من همن سیف الاسلامآم
عاشورا گونو داردان آسیلان ثقةالسلام
كربلا چؤلونده حسینین(ع) تورك دؤیوشچوسویم
آرژانتینده چهگووارا / توركوستاندا امیرتئیمور / ایستانبولدا فاتحم،
انورپاشا / آنا دولودا آتاتورك / چئچئنده شامیل / هیندوستاندا گاندی/
ویتنامدا دؤیوشورم / كوبادا اؤلورم/ موغاندا نادیرشاهام / باكیدا
ائلچیبَیم / اردبیلده شاه ایسماییل / تبریز ده ستارخانام، چؤهرهقانلییام / عرب چؤللرینده مالك اشترم / مظلوم خیابانییم، آخوندزادهیم.)
زنجان پیچاغیندان ایتی گولگون
حیدربابانین شهریارییام،
تومروس آنانین بختیاری.
آدیم آناجاندیر
جان- جان دئینلره، جانیم جاندیر
آدیم هیجاندیر، آدیم آذربایجاندیر
داریخیر خیالیم ! روحومو یاخیر
باغیریر سكوتلار فریاد لار اوسته
غرورون اوزوندن حقارت یاغیر
باغیریر سكوتلار فریاد لار اوسته
بوغولور حسرتدن دیلیمده سوزوم
قوشا بولاق تك دولوبدور گوزوم
اوزومو گورمگه یوخومدور اوزوم
تئشه لر یاغیرلار فرهادلار اوسته
باغیریر سكوتلار فریادلار اوسته
توپراقلار تیتره ییر بوز داماریمدا
اولدوزلار چیرپینیر سولوم ساغیمدا
اوزانیب قالمیشام زامان یولوندا.
آی دا چابالیری توپراقلار اوسته
باغیریر سكوتلار فریادلار اوسته
اولدوزلاری ساییب آیا چاتمیشام
سوسموشام سوسموشام ، هایا چاتمیشام
گئجه نی سورویوب گونه قاتمیشام
دوداقلار تیتره ییر دوداقلار اوسته
باغیریر سكوتلار فریادلار اوسته
گولملی گولملی آغلایان منم
داغلار اوره گینی داغلایان منم
سوكوتو هارایا باغلایان منم
وولقانام مسكنیم بو داغلار اوسته
باغیریر سكوتلار فریادلار اوسته
یارپاق اولوب تورپاغینا تؤكولسم،
تورپاق اولوب سئل‌لرین له سؤكولسم،
سئل- سئل اولوب دریا‌لارا تؤكولسم،
دویماز گؤزوم، دویماز یئنه بو ائلدن.
قایا كیمی شیمشك‌لره دؤزوم مو ؟
شیمشك اولسام، آز عؤموردن بئزیم می ؟
عؤمور كئچیب، كئچیب اگسه دیزیمی
دویماز گؤزوم، دویماز یئنه بو ائلدن.
ساحیل اولوب دالغا‌لارلا اوولسام،
دالغا اولوب كولك‌لرله قوولسام.
كولك اولوب سما‌لارا سورولسام،
دویماز گؤزوم، دویماز یئنه بو ائلدن.
چئشمه كیمی دامجی- دامجی سوزولسم،
دامجیلانیب چیچك‌لره دوزولسم،
چیچك اولوب واخت‌لی، واخت‌سیز اوزولسم،
دویماز گؤزوم، دویماز یئنه بو ائلدن.
گؤز یاشلاری آخار قالماز
زولم آغاجی كولكه سالماز
من یانماسام ایشیقلانماز
اوجاقلاریم
اوبالاریم
هارای هارای یولداشلاریم.
قارا گونلر قالان اولماز
آنا دیین یالان اولماز
زولوم كوك سالماز
قالان اولماز
اوتایلیام
بوتایلیام
قاراباغا من باغلیام
هارای هارای یولداشلاریم.
اوزون دره ، درین دره
وئردون بیزی یاد ائللره
گؤزله بیر گون بابك گئله
ایوازلاریم
دلیلریم
هارای هارای یولداشلاریم.
غم چكمه عموغلی هله بو ملت آییلماز
آج لوت قالا داییم، چكه مین ذلت آییلماز!
مشروطه اوچون تؤكدوله بو شهرده قانلار
قانون اساسی دئیه جان وئردی جوانلار
آخیرده یئنه حوكمران اولدو بیزه خان لار
كئچدی باشینا توربا داهی امت آییلماز
غم چكمه عموغلی هله بو ملت آییلماز
فیكیـــــــرلر زنجیرده، طالعلر كوسكون
ایچیمــــــده اومیـــدلر اَیری گؤیـــــردی
منی اؤلدورمه‌دی گؤردویوم پیس گون
منـی اؤلــدوره‌جـــــــك بو وطـن دردی
Fikirlər zəncirdə, talelər küskün
İçimdə ümidlər əyri göyərdi
Məni öldürmədi gördüyüm pis gün
Məni öldürəcək bu Vətən dərdi
چوخ یاخشـــی بیــــلیرســیز فیریلداقچیلار
! من نه وطــن سیـــــزم ، نـــه ده گـــؤبلك
دوغـما دیـاریـم وار ، بـــؤیـــــوك ائلیــم وار ،
منیم دیر هم گئچمیش ، هـم ده گله جك...
(یاشـــاسیـــن آزربایجانیـــــــم)
قیرغیزام،اوزبه یم،قازاخ، توركمنم،
باشقیردام ، كركوكم ، ائله گؤرك منم،
سنین گؤزله دییین غریب تئورك منم،سلام دار آغاجی،علیكیم-سلام
او هانسی میللت دیر- طالعی سیردیر؟!
یوز آدلا بؤلوندو یئنه ده بیردیر!
منی حوضورونا بو درد گتیردی،سلام دار آغاجی.علیكیم-سلام
خزری ، بایكالی ، آرالی گؤردوم ،
گؤردوم جان اؤسته دیر ، یارالی گؤردوم
تانرینی بنده دن آرالی گؤردوم ، سلام دار آغاجی.علیكیم-سلام
ائی دارین آغاجی ، كیمدن اسكیكم
یا سنی یئندیرره رم یا سنه یئنم
یادا بوداغیندا یارپاغا دوننم، سلام دار آغاجی ،علیكیم - سلام
باشقیردام ، كركوكم ، ائله گؤرك منم،
سنین گؤزله دییین غریب تئورك منم،سلام دار آغاجی،علیكیم-سلام
او هانسی میللت دیر- طالعی سیردیر؟!
یوز آدلا بؤلوندو یئنه ده بیردیر!
منی حوضورونا بو درد گتیردی،سلام دار آغاجی.علیكیم-سلام
خزری ، بایكالی ، آرالی گؤردوم ،
گؤردوم جان اؤسته دیر ، یارالی گؤردوم
تانرینی بنده دن آرالی گؤردوم ، سلام دار آغاجی.علیكیم-سلام
ائی دارین آغاجی ، كیمدن اسكیكم
یا سنی یئندیرره رم یا سنه یئنم
یادا بوداغیندا یارپاغا دوننم، سلام دار آغاجی ،علیكیم - سلام
