سن گئدندن آرتیق نئچه ایل كئچیب
هله ده اؤزومه گلمه میشم من
قلبیمه آدینی نئجه یازمیشام،
ائله ده قالیبدی،سیلمه میشم من
** ** **
سن گئتمك ایسته دین،من قوجاخلادیم
گئتمه یالواریرام،دئییب ساخلادیم
یادیندامی،او گون نئجه آغلادیم
او زاماندان بری،گولمه میشم من.
** ** **
هز آلیردین منی اله سالماقدان
ایچیمدن سیرریمی بیر-بیر آلماقدان
دئینده قورخورام تنها قالماقدان
قورورلا دئییردین اؤلمه میشم من؟
ائلــه بیــلدین اؤتَـــری بیر هـــوس دی
سَن بیلمه دین بو سِئوگینین قـدرینی
نــه بیلَیدیم چَه كدیكلَریــــم عـبث دی
سَـن بیلمَدین بو سِئوگینین قدرینی
اوره َگیمده نِـــئچه كَـــــــدَر ســــیزلادی
باخیشلاریم داییم سَـــنی ایـــزلَدی
حَســـرَتیله یوللارینــی گــــؤزلَدیــــم
سَـن بیلمَدین بو سِئوگینین قدرینی
یوخی ایدی بلكه سـنه بو ســئوگی
سـاچلاریمدا دؤنـدی دَنه بو سِئوگی
حئییف بیرده هاچان دؤنه بو سِئوگی
سَن بیلمَدین بـو سِئوگینین قـدرینی
بیر قوجاق گول باغلادیم گؤز یولدا قالدی گلمه دینعطریوی گاه دردیگیم گوللردن آلدیم گلمه دینسن یوباندین انتظاردا سولدی بیر بیر گللریمتئز سولان گوللر كیمی سولدوم سارالدیم گلمه دینباغریما سالدیم سازی سنسیز دونن آخشام چاغیآغلاییب بیر آیریلیق آهنگی چالدیم گلمه دین..
گئتمك ایسته ییرسن،
نه دانیش، نه دین
یوخ اول خیال كیمی دوماندا، چنده.
نه ییمی سئومیشدین،
دئیه بیلمه دین
ایندی سه یوءز عئیب گؤرورسن منده
گئتمك ایسته ییرسن،
بهانه سیز گئت
اویاتما موءرگولو خاطره لری
سسین همین سسدیر، باخیشین اؤگئی
گئدیرسن سسین ده یاد اولسون باری
ــــــــــــــــــــــــــــــــــــــــــــــــــــــــــــ
نصرت كسمنلی
بیرگئجه غمدن آلیشدیم سنده بیلدین؟ بیلمه دین
اود، دوتوب یاندیم چالیشدیم سنده بیلدین؟ بیلمه دین
بیر دلی آشیق سازیندا سئزلیان بیر تئل كیمین
اودلانیب،قوپدوم قاریشدیم سنده بیلدین ؟بیلمه دین
گؤرنه حالدایدیم كی،سؤكدوم پرده اسراریمی
تك سنه آشدیم ،دانیشدیم سنده بیلدین؟بیلمه دین
بیراوشاق تك عالم رؤیاده سندن صوبحه تك
اوینادیم، كؤسدوم، باریشدیم سنده بیلدین؟بیلمه دین
من بیلیردیم یاندیرارسان عشق اؤتوندا سن منی
ائوز جانیملا من سالیشدیم سنده بیلدین؟ بیلمه دین
