یوخدوسا

گوز یاشینی آخیتماغا دیرمی
سونوندا بیر گوله جه یی یوخدوسا
هر گوروشه سئوگی دئمه، عزیزیم
اگر اونون گله جه یی یوخدوسا

سئوگی یوخسا، اوره ك قورو قفسدی
كور اومیده نه غرضی، نه قصدی؟
مین یول گئری چاغیرماغین عبثدی
اگر گئری دونه جه یی یوخدوسا

هر كول آلتدا گیزله نه نه كوز دئمه
هر خاطیره قیریغینا ایز دئمه
هر اوره كدن كووره ك نغمه گوزلمه
ساری سیمده دینه جه یی یوخدوسا
اودا سالسان، بوز باغلاییب دوناجاق
الدن اوچدو، یاد بوداغا قوناجاق
كونول وئرسن، نه قیمته آلاجاق؟
كونول قدری بیله جه یی یوخدوسا

اوجالتدیغین كیچیلنده گوره سن
ارییرسن گوزون گوره- گوره سن
سوفره سینه نه قویاجاق گوره سن
سننن تیكه بوله جه یی یوخدوسا

دئمه منه: نه لر گلیر آغلیما
وای اوندا كی قارا سندن آغ اوما
اوره ك سیزه اوره ك وئریب آغلاما
بیر گون سن سیز اوله جه یی یوخدوسا...


بازدید div>
[ یکشنبه 15 دی 1392 ] [ 10:07 ] [ یــــازار : علٰـ ـﮯ مــوغـ ـاٰنـ ـلٰـ ـﮯ ]
|

کد ِکج شدَنِ تَصآوير


+ افزایش اندازه متن | + کاهش اندازه متن

ساخت كد آهنگ