قاشقایلی خالچاچی قیز

قاشقایلی خالچاچی قیز

خالچاچی قیز توختاخ توخو

سن خالچالار تانریسی اول

ایلمه‌ایلمه دارا سیرا

یارات یارات

اورمانلاری

حئیوانلاری

سئوگی‌لی‌لر ناخیشلاری سیرا سیرا توخو

آرخاچ کئچیر

دفه‌نی چال ارکین‌لی‌گین ماهنی‌سینی یاردادیرسان

سن یارادان سن تانری‌سان

گؤرمه‌لی‌دیر نوح گمی‌سین بویالارین دالغاسیندا

دونیا بویو دنیزلرده، فیرتینالار آراسیندا

خالچالارین ائلچی‌لردی گؤنده‌ریبسن

هر بیری بیر قونوشان دیل

هر بیر بویا

آیه‌لردی، سوره‌لردی

خالچالاردا گؤز یاشلارین داملاسی وار

آرازلارین لیغیر لیغیر داشماسی وار

آنالاردان اوخشامالار، بایاتی‌لار، نازلامالار

آتالاردان یهر‌له‌نمیش قیرآتلارین کیشنه‌مه‌سی

قیلینجلارین اؤپوشمه‌سی

بولوتلارین سئویشمه‌سی

خالچاچی قیز توختاخ توخو

یاواش یاواش شیش‌لرله کئچ

دارا چکیلمیش ساپلارین پودلاریسان

ایلمه‌لرین یاتاغی‌سان

جالانییپ‌سان گؤزونده‌کی سورمه‌لری یاراتدیغین جئیرانلارین گؤزلرینه

آی اولدوزسوز گئجه‌لرین سؤزلرینه

گؤزه‌للیگین لاپ اؤزوسن

تانری‌لارین باش سؤزوسن

خالچاچی قیز سسلی توخو

ده‌ده‌قورقوت اوخو توخو

ده‌ده‌م قورقوت اوخو

بازدید div>
[ شنبه 6 تیر 1394 ] [ 01:09 ] [ یــــازار : علٰـ ـﮯ مــوغـ ـاٰنـ ـلٰـ ـﮯ ]
|

کد ِکج شدَنِ تَصآوير


+ افزایش اندازه متن | + کاهش اندازه متن

ساخت كد آهنگ