ساچلاریم آزادلیق بایراغی‌دیر

شاعیر : رعنا خانیم زارع

یوخولاریمدا ابلیس اولایـــــــیـــــــــــــــــر

یوخولاریمدا شـــیـــطــــانـــــریــــجــــیــــق

یوخولاریمدا عذاب الــــــــهه لری

بو منم گــــــون پـــــاپــــاق كیشی

یوخولاریم اتــــهــــام ســـرگی سی

خبر آگئنت لری  فــــیشدیریق چالیرلار،

غیرت دامارلاری قالخیر

-     بـــه اونلارین خــالاســـــی   +   نــنــه سـیـن...

                                                      اســـتــغـــفـــرالله...

تكجه  "بــی بــی سی"ینن مصاحبتیمیز اولدو آزجا

گـون پاپاقلی شاعیر كیمی دانیشیق كئچدی

و من شعرین خسته لییندن دانیشدیم

امنیّت خسته لییی ،   سئوگی خسته لییی !

.......................................................

یوخولاریمدا شـــیــطــان

                   شــیـطــانـــــــریـــــــــــ....

                                                  تـــانــــریــــــــجیق

یوخولاریمدا دوست اؤلومو ، دوستاق ، ایشكنجه!!!

یوخولاریم زنداندان زندانا داشــیـــنـــــر

یـوخولاریمدا گـــــنجه دن فـــایتون گلیر

یوخولاریمدا لندن دن مـــــــــــــوغانا چارراه وار

                                                   دئمه یین یوخدور!..

یوخولاریمدا قاچاقچی هیجانی

                                    اؤلوم اضطرابی!

یوخولاریمدا عذاب چكیرم  بــــــــو گونلر...   

یوخولاریمدا

         تــــــــــــــــرافیك سئوگی له ییب  هاوا یوللارین...

 مادین چینا...

آغزیمین دادی قاچمیش

بَری گل- گیل

[- شیتَنمه – شیتدَنمه – شینیمه -]

دایان دولدوروم ............ قدر

 آغریسی اولمایاجاق بو سئوگینین!...

اؤزوم اؤلوم ظارافات دئییل

چوخداندی گنجه یایلیغی موددان دوشوب

چینلی لر لیفچییینه ده اَل ائله میش!

كؤینه یینین دؤشونده بیر چینلی یادیگار یازیب...

 - مادین چینا-  (madin china)

[یانی بیر چینلی اوغلان سنی سئویر ایندی]

(تئل نومره سی یاخاندا قالیب،)

دونوندان دؤشلویونه قدر چین – چین ایشله ییب،

«كؤینه یی چین – چین آی یار

هر دونــــو مین چـــین آی یار

اؤزو مــــشــتــــرك بـــــازار

چـــیـــنــلی آراقچـین آی یار»

ســعــــیـد مـــــوغــــانــــلـــــــی

اُحِبُّ دئدیم ایت قاپدی منی

 بوراخما اللریمی ساتن كؤینكلیم

اردبیل كوچه­لرینده ایتَرَم بیردن

یومما گؤزلرینی كتان كؤینكلیم

باخیشینین هاواسی باشیمدا گزیر

                ***

سسینی توراغایی­لار اوخویور

قاتارلار تورموز ائدیر

             ماشین­لار توی سیغنالی چالیر

 سسینی شعیر یازیرام

                      سسینی سئویشیرم.

- باغیشلایین خانیم سسیزی ایتیرمیشم

سیزین موبایلین نومره­سی زیندانا دوشوب

آدینیز سارایین دؤشلویونون جیبینده گئتدی

چایی توللانا بیلمه­دی

                         عشقه ووردو اؤزونو...

آدینیزی خان چوبان بازار آغزیندا

                             یئر آلما چؤرك ساتیر.

آدینیزی ایستی سیمیشقا چیرتداییرام

آدی       نه ایدی...      سیزین؟؟؟

هه    كلاسیك شعر، فلاش فیكشن

یوخ     آد سیغمیر ادبیاتا

سسیزی یاشاییرام ساده­جه

آخی سئللولوم كیچیكدی بیر آز

سیز سیغیشمیرسیز

             یومروغومدا یئرلشن قلبیمه

یومروغوم آچیلسا

               بوتون قزئت­لر خبردن داشار

داشماسایدی آرپا چایی

                  داشما...  داش...

                    *** 

سسینی یاشاییرام اردبیل كیمی

سسینی "سحر"

                   "سحر- سحر باغا گیردیم"

باغیشلا  خانیم "پیراتملیكدن بالیخلی"­یا نئجه گئدیم من؟

آخی   ساوالانی آشماغیم گلیر

سیزین سسیزی چوخدان گؤرموشم

تئلفونوز زیندانا دوشموشدو مننن

خوشوم گلیردی آدینیزدان

آدی       نه ایدی...     سیزین؟؟؟

تئلفونوز دیلیمین اوجوندان

                          صیفیردن باشلانیردی

سیزینله "یاشماق"یم گلیر

            یاشاماق ...

           یاشاماق اولار

           بو شهرده پولسوز؟

- كیم دئدی من اؤلموشم؟

           هانسی یوسف خیال اوغلو؟

                     آی ائششگ اوغلو!

- سارایین دالییجا گئتمیشدیم  

              قورخومدان چایی توللانانما­دیم!..

- كیم   لووا وئردی منی؟

من بارالاریمی ییغیشدیرا بیلمیرم خانیم

بوردان قبریستانا نئچه اؤلو سیغیشار؟

یانی دیری­لر نئجه كئف چكیرلر ائهمال-ائهمال

بوردان ساوالانا نئچه ؟...

                      گؤزلدی ساعاتیز

                     سوییس­دی كوردوستان؟!.

یانی دئییرم من ساختا قلبدن باش چیخاردیرام

اللریزی وئرین الیمه

                   لوطفن

                   منی بیر یئره گؤتورون

خسته­خانایا

             ائوینیز یاخشی­دی البتّه

نومره­زی آلیب قاییدارام

سسیزی ایتیرمیشم اینشیلدن

بوراخما اللریمی نه اولار

"سسین گلسین ساری بولبول"

منه بیر آدرسجیك سسین گلسین.

- سیزین ائوه هانسی پلاك لازیمدی؟

هانسی خیابان، منی فخری خیابانیندان

                           سیزه گتیرر ؟

                          هانسی اوتوبوس؟

اوزوزو چؤندَرین گونشه

بیر - ایكی - اوچ

تولازلانین منیمله دلی­لیگی

سارای توللاندی­ها... قاداسی...

بس اوندا نومره­زی وئرین

بیر شاعیر سیزی شعیرلندیریر

- من آزمیشام خانیم ناز

منی ائویزه،

            پولیسه

                   آپارین.

نومره­سی نه ایدی؟

     ائویزین!    قاپیسی!    پولیسین !!.

دانیشین موبایلیم سسیزدن دولسون

بولوتوث ائدین اؤزونوزو لوطفن

باش اوسته یومدوم گؤزلریمی!..

"سسین گلسین باری بولبول"

        ***

من عاشیقم وطن یاخشی

گئیمه­یه كتن    یاخشی كؤینك    ایسته­میرم

من سیزی گئی....یئمك   ایسته­ییرم

آجام

       اللریزی یئمه­رم واللاه...

              ***                  

قاشسیز اوزویومون قاشلیسیندان

                   جیبیمده اولسایدی

بارماغیزا نه یاراشیر اوزوك

یوخدو منده اوز...

یانی دئمه­لی سیز هارالی­سیز؟

شورابیل سیزه اوخشاییر

                    سیز یوخ...

آخی تربیه­سیزدی آتلاری

آغ بالیقلاری آنجاق

یانی سیز آغ بالیق

             نئور گؤلو سیزدن

سیز گؤزلسیز دئییرم مطلق

                         گئرچكدن

                ***

اللریمی بوشلاساز، اللریم تؤكولر هاااا

كیم ییغیشدیراجاق بو سویوقدا

بو قدَر سئوگی  بارماقلارینین ایزلرینی.

دئییرم هادیر اولون

من الیزده قالارام

قالسام دا كی "پنجره­دن داش گلیر"

آی سانسور ائتدیم بیر آزین

"آللاها دا خوش گلیر"

 آی منه بیر زنگ ائله...

           ***

منی راپور وئرمه گؤزلرینله

داما وئردیر دامسیزام

سند گتیر آدامسیزام

سن كی زیبا كرباسی­دن ده گؤزلسن

نازپری­دن ده، هم ده...

گؤزوم گؤزونون اویونجاغی­دیر

بوراخما

بوراخما اللریمی نه اولور

اردبیل كوچه­لرینده ایت قاپار منی

سسله آدیمی سسله

من؟   من؟

من گونش اوغلویام       خانیم سن آی   ؟

آدینیز   دیله  -   دیشه     گلمیر

آدی   نه ایدی     سیزین  ؟؟؟

من سیزه گئدیرم

     سیز هاچان گلیرسیز   منی   قوناق   ؟!.

من....   من.....   من.....

نه دیلنن دئییم جوجه­م

آی لاو یو   آی    آی

اُحِِبُ    اُحِِبُ    اُحِِبُ یا حبیبی

قیزا سئوییوروم سِنی

                       بالالی....

گئتمه...

      دایان... 

          دور...

به ائششه­یین قیزی

                     آخی سئویرم سنی...

اوزاد الینی


سون نفه سه بیر آددیم قالمیشكن


اوزاد


آل یورقون اؤزونو سویوق قوجاغینا


سیل اؤگی كؤلگه لرین ایزینی


آلیشدیر وارلیغین آتشینی


یان , یاخیل


كؤزوندن دوغ گئنه سنی


سئو سنی


سن سئو


یئنیدن سای


سای آددیملارینی نفس نفس


بیر, ایكی ...



(راضیه افتخاری)

سنی من اكدیم

وورغون توپراغین سینه سینده !

یاری "توت" یاری "ایده".

بیر یانیندا قار یاغسین

بیریانیندا یاغیش.

بیریانین گئجه اولسون

بیر یانین گوندوز !

یاپراقلاری من ده لی ائتدیم

قولاغلاریندا "فیضولی " پیرچیللادیم

"نسیمی" سسله دیم!

و سونراسی

سس سیز له دیم...

كؤلگه ن دن بیر آز آشاغی

گؤمدوم اؤزومو !

و

قوللارینا قونان هر قوش

دنله دی

سن ده قالان

گؤزلریمی...

یوللار تك دؤشَنیم آیاق لارینا

سنه یالواریم می؟...

بو مومكون دئییل.

قویمارام قلبیم تك وقاریم سینا

آلچالیب یاشاماق عؤمور- گوءن دئییل...

دئمیرم، سن اوجا بیر داغسان، اگیل

دئمیرم، قالیبدیر علاجیم سنه.

نه سنده محبّت قارا پول دئییل

نه من دیلنچی یم ال آچیم سنه

نصرت كسمنلی

گئتمك ایسته ییرسن،

نه دانیش، نه دین

یوخ اول خیال كیمی دوماندا، چنده.

نه ییمی سئومیشدین،

دئیه بیلمه دین

ایندی سه یوءز عئیب گؤرورسن منده

گئتمك ایسته ییرسن،

بهانه سیز گئت

اویاتما موءرگولو خاطره لری

سسین همین سسدیر، باخیشین اؤگئی

گئدیرسن سسین ده یاد اولسون باری

ــــــــــــــــــــــــــــــــــــــــــــــــــــــــــــ

نصرت كسمنلی