بیر ده شهریارین هئیكلینین اؤنونده قاییشینی آچیب، برك باغلا
دیشینین دیبیندن چیخانی داغ لارا سؤیله
آلت انگینی بوش توت،
بیر الین جیبینده،
داماغیندا اوجوز بیر سیگارت،
ساكیت بیر كوچه بویو،
فیشدیریق چالا- چالا میزیلدا كی؛
                    حیدربابا؛ ال چك بو ایشلریندن...

گؤزلیم !

سئومه یه جك ایدین سه

ندنسه گؤزلریمه توخونماق ایسته دین ؟ !

بلكه ده سن دئییلمیش سن

بلكه ده من

كابوس لار ایچینده

سئومیشم سنی .

بیر غریب آخشامین

غریب یولچوسو

بیر دلی شهرین ، دلی بالاسی

آه ...

سنی سئویرم .

باخمازسان اوزومه

گئدیرم اینان

لاپ بو یوللاردا

منی ساخلاماز

لاپ بو شهرده آنلاماز منی

آه ...

لاپ دلی جه سینه

اونوتسان منی 

سئویرم ، گؤزلیم ، سئویرم سنی .

گئجه ... 

تبریز ... 

من ... 

و ...

ندن سئومه یه جكسن منی ؟

گئدیرم ... 

گئدیرم ... 

« گؤروشه قدر » !

 «جعفـری»یـم، سـؤز بحرینده اوزرم

اینجـی تاپیب، «ساری تئل»ه دوزرم

مضـراب اولـوب، تئـل اوستونده گزرم

اهل ایسترم؛ سؤز قاندیرا، سؤز قانا 

 مادین چینا...

آغزیمین دادی قاچمیش

بَری گل- گیل

[- شیتَنمه – شیتدَنمه – شینیمه -]

دایان دولدوروم ............ قدر

 آغریسی اولمایاجاق بو سئوگینین!...

اؤزوم اؤلوم ظارافات دئییل

چوخداندی گنجه یایلیغی موددان دوشوب

چینلی لر لیفچییینه ده اَل ائله میش!

كؤینه یینین دؤشونده بیر چینلی یادیگار یازیب...

 - مادین چینا-  (madin china)

[یانی بیر چینلی اوغلان سنی سئویر ایندی]

(تئل نومره سی یاخاندا قالیب،)

دونوندان دؤشلویونه قدر چین – چین ایشله ییب،

«كؤینه یی چین – چین آی یار

هر دونــــو مین چـــین آی یار

اؤزو مــــشــتــــرك بـــــازار

چـــیـــنــلی آراقچـین آی یار»

ســعــــیـد مـــــوغــــانــــلـــــــی

مــن یـورورم یــانـه یـانــه
عشق بویادی منی قانه
نـــه عــاقیلم نه دیـوانـه
گل گؤر منی عشق نئیله‌دی

گــاه اسه‌رم یئللر كیمی
گــاه دورارام بئللر كیمی
گاه آخارام سئللر كیمی
گل گؤر منی عشق نئیله‌دی

یا الــیم آل قـالـدیر مـــنی
یا وصلیـنه یــئنـدیر مــــنی
چوخ آغلاتدین گولدور منی
گل گؤر منی عشق نئیله‌دی

مـــن یــورورم ائــلــدن ائــلـه
دوست سورورام دیلدن دیله
غربتده حالـــیم كــیم بـیلــه
گل گؤر منی عشق نئیله دی

بنیزیم ساری گؤزله‌ریم یاش
باغــریـم یارا جـیگه‌ریم باش
حالـیم بیلن دردلی قارداش
گل گؤر منی عشق نئیله دی

عشق منی مست ائیله‌دی
آل كؤنلوم خسـته ائــیله‌دی
اؤلـدورمـه‌گه قصد ائــیله‌دی
گل گؤر منی عشق نئیله‌دی


یونوس امره

بلكه بو یئرلره بیرده گلمدیم

بلكه بو یئرلره بیرده گلمدیم

دومان سالامات قال ، داغ سالامات قال

دالیمجا سو سپیر یوخسا بولاقلار

لئیسان سالامات قال ، باغ سالامات قال

...

قیی ووران قارتاللار یوخ اولدو چنده

نرگیزلر سولوخدو شئهلی چمنده

ای قارا گؤز پری ، دالیمجا سن ده

بویلان سالامات قال ، باخ سالامات قال

...

گلدیم قارشیلادی گول لر ، چیچك لر

گئدیرم ال ائدیر یوز بیچینكلر

نیدامی چایلارا دئدی كو لكلر

بولاخ سالامات قال ، آخ سالامات قال

...

داغلارین پلنگی شیری ده سن سن

شاعری ده سن سن ، شعری ده سن سن

بینی - بركتی خئیری ده سن سن

چوبان سالامات قال ، ساغ سالامات قال

ممد آراز

بیر یول اوسته

راستلاشدیق اوز-اوزه

نادان دئدیك بیر- بیریمیزه

آیریلدیق

ایكیمیزده بیر-بیریمیز حاقدا

زورنا چالا-چالا

سن من گلن یولا گئتدین

من سن گلن یولا

Bir yol ustə

rastlashdiq uz-uzə,

Nadan dedik bir-birimizə.

Ayrildiq

Ikimiz də bir-birimiz haqda

Zurna chala-chala.

Sən mən gələn yola getdin,

Mən sən gələn yola.

(Fikrət Qoca)

دردی درد اولموشدو ائلینده منه،

آغلادیم، بیر نسیل گولنده منه،

هر كس آغلاماسین اؤلنده منه،

من هئچ واخت، هئچ زامان اؤلمرم داها.

سهراب طاهر

خاطیرات دفتریم دورور قارشیمدا،
دولاشیر بیر اؤلمز سئودا باشیمدا.
گؤزل قاراباغدا جاوان یاشیمدا
بیر گؤزل سئچدیگیم یادیما دوشدو.
گزدیك قاراباغی قولوم قولوندا،
واریمی، یوخومو گؤروردوم اوندا.
بو شاعیر قلبیمله اونون یولوندا
مین درده دوشدویوم یادیما دوشدو.
كؤنلومون آرزوسو، دیلیییدی او،
نازلی ملكلرین مَلیییدی او،
گؤزومده گؤیچكلر كؤیچیییدی او.
بونا آند ایچدیییم یادیما دوشدو.
او مندن خبرسیز كؤچدو یایلاغا،
بختیمدن نیگاران، سوراق- سوراغا.
قلبیمده ایلك یارا، یار كؤچن داغا
ییغیشیب كؤچدویوم یادیما دوشدو.
اوچدو بیر سونا تك؟ عشقین گؤلوندن،
آدی بو عاشیقین دوشمز دیلیندن
عیسا بولاغیندااونون الیندن
سو آلیب ایچدیییم یادیما دوشدو.
مندن اوزاق گزدی ندنسه آمان،
آیریلیق اؤلومدن یامانمیش، یامان.
هر گون ائولرینین لاپ قاباغیندان
تیترییب كئچدیییم یادیما دوشدو.

( سولئیمان روستم )

چوخ گوزل باشلامیسان نارگیله قوربانین اولوم
هامی میز وئرملی ییك ال اله قوربانین اولوم
اومودوم وار گله جك ده چاتاسان زیروه لره
دوشه سن ائللر ایچینده دیله قوربانین اولوم
شعرالهام دی اورك نغمه سیدی موسیقی دی
هم بمه كوكله اونو هم زیله قوربانین اولوم
شعربیر باغچادی كی میوه سی قورتولماز اونون
ییغاسان بیردانا یا بیر سئله قوربانین اولوم
چوخ بیلن یاخشی یازار یاخشی دئیرسوزلرینی
كی گره ك یازماغا اینسان بیله قوبانین اولوم
سنده ائل گولشنی نین نازلی گوزل بلبلوسن
شوقیله قونمالی بلبل گوله قوربانین اولوم
گوج ایلن شعریازیلمازگره ك احساسین اولا
زحمتین اولمویاتانافیله قوربانین اولوم
گنه یاز اهلی اونو تئز اوخویارتحویل آلار
قدرده اولسا اگر بیر گیله قوربانین اولوم
ائلیمین فخرینه لایق گوره رم اوندا سنی
عالمه سالسان اگر ولوله قوربانین اولوم
اولكه میزده اوقدر شعریازان وار بیلیسن
تئزچیخاریوزمه بیلن ساحیله قوربانین اولوم
"ائلدارین"باش تاجی دیر اوز دیلینه خیدمت ائدن
حورمتی چوخدو بوشیرین دیله قوربانین اولوم

شاعیر:مهدی همت زاده(ائلدار)

آمان آللاه یئنه شیطان گلیب ایمان آپارا
قورویون قویمایون ایمانوزی شیطان آپارا
منیم انسانلیغیمین گور نه حصاری یاوادیر
كی گونوز غول بیابان گلور انسان آپارا
خرمنی ساققیزا وئردیك نه یامان چرچی دی بو؟
هی گلیر كنده بیزه درد وریر درمان آپارا
چورگ آلمیش الینه آج نئجه طاقت گتیسین؟
ائله بیر یاز گئجه سی قیز گلیب اوغلان آپارا
قانلی دیرناخلاریلان(انگلیس)ال قاتدی بیزه
باخیسان (روس)دا آرازدان كئچیر ایران آپارا
آرادان بیرده بولسه لر بیزی اربابلاریمیز
قورخورام قیمیالار تبریزی تهران آپارا
قارا طوفانكی داخی خلقله شوخلوق ائله مز
سئل گرك ائل داغیدا ائو ییخا ایوان آپارا
بو قارانقلیق گئجه لرده قاپوموز پیس دوگولور
نه بیلیم بلكه اجل دیر دایانیب جان آپارا
آناملا سویله یین اوغلون ییخیلیب سنگرده
تئللرین باس یاراما قویما منی قان آپارا
سلقه لی اوغرو تاپیلمیشسا بو باشسیز یئرده
شهریارداندا گرك بیر دولی دیوان آپارا

چالیش كی، هر واختی خوش كئچیره سن

واخت اؤتوب كئچه جك واختا نه واركی.

چوخ دا بئل باغلاما طالعه - باختا

طالعه نه واركی ، باختا نه واركی.


                                 گیلئی نه لازیمدیر وعده ده ن واختان

                                  صدقه گؤزلمه طالعده ن ، باختان

                                  تاختین نه وئجینه سن دوشدون تاختان

                                  اؤزگه سی چیخاجاق تاختا نه واركی.

 


دالدالان اوغورسوز اسن كوله كده ن

آستاری شیطاندان اوزو ملكده ن

كئچیر شده رده ن ، اله الكده ن

((بهمن))ین سؤزونده ساختا نه واركی.

بهمن وطن اوغلو

پالتارین جان سویور نه جور اونودوم ؟

جان جانینیدا دویورم نه جور انودوم ؟

بویورسان اونوت باش اوسته ولی

سنی من   سن بویور نه جور اونودوم ؟!

حمیده رئیس زاده

بوتون شعرلیمده بیر سن وار

بیر سن وارسان

بیرآی وار

وآی دا گؤی لری اوخشایان بیرگؤز

گرافیكالاریمدا یوموشاق بیر سن وار

وقالین بیر آی

بوتون آیلاریمین باشیندا بیر سن وار

وتومبول كئچل آی

سن ده وارسان

بوتون شعرلریمده آی سن وارسان

وآیدا سن

و سن آیدا

و آی دا

سعید موغانلی