سن جانیمسان، جگریمسن، گوءل آچان باختیمسان
اولموشام حوءسنونه حیران دئمه ییم، بس نه دئییم؟
یوخ منیم باشقا گؤزل لرده بیلیرسن كی، گؤزوم
سنی ایستر بو سلیمان دئمه ییم، بس نه دئییم؟
سئوگیلیم من سنه جانان دئمه ییم بس نه دئییم؟
جانیمی جانینا قوربان دئمه ییم، بس نه دئییم؟
اؤز جانیندان، نفسیندن جانیما جان وئردین
گوءنده مین دفعه سنه جان دئمه ییم، بس نه دئییم؟
ـــــــــــــــــــــــــــــــــــــــــــــــــــــــ
آیریلیب گئدنده بو اوزاق یولو
دالینگچا گلمه دیم منی باغیشلا
من سنی گؤزه‌لیم گؤزلریم نورو
تانییب بیلمه دیم منی باغیشلا
بو یوللار گؤتوروب آپاردی سنی
آپاریب محنتدن قوتاردی سنی
اوره‌گیم چوخ گزیب آختاردی سنی
تاینگی بولمادیم منی باغیشلا
ترپندی دوداغینگ ملك خویونگدا
بالیق كیم توردایدینگ آستا بویونگدا
شانلیگینگ چاغیندا سنینگ تویونگدا
آغلادیم گولمه‌دیم منی باغیشلا
روزگار بئلمه فورصت وئرمه دی
تا عومور آلمادی عبرت وئرمه‌دی
غوروروم الیمه رخصت وئرمه‌دی
یاشینگی سیلمه‌دیم منی باغیشلا
آیریلیق چاغیندا دئدینگ گله رم
گلمه‌دینگ قدرینگی ایندی بیله رم
اؤزوم اؤز یانیمدا دئدیم اؤله‌رم
من سن سیز اؤلمه دیم منی باغیشلا
زومار (آذر) آیی-90 شیراز
باخدین اوزانان یوللارا…
گئتمه- دئدیم!
گئتدین.
یولوموز هاچالاندى.
نه قارا گئیدیم، نه ده قیرمیزى.
دؤشلرده شلالهلر شاققیلتیسى،
تورپاقدا ساریلیق آزارى،
نؤودانلاردا بوز سالخیمى،
اؤتوب كئچدى پرده- پرده.
سسینى آلدیم ،
اوزانیب گلن یوللاردان
گلمه – دئدیم!
گلدین.
آه،
دوغروسو حئیرانام
بو گئدیشه، بو گلیشه…!
یاواش- یاواش
عاشیغام اؤلدورمه انصافین اولسون
آلساندا جانیمی آل یاواش- یاواش
گل اوتور یانیمدا یانیر اوره‌ییم
قولونو بوینوما سال یاواش- یاواش
گل چیخاق چمنی سئیر ائد‌ك قوشا
اغیارین اوره‌یی چیرپیلسین داشا
من سرو قدینه ائدیم تاماشا
سنده اؤز سازینی چال یاواش- یاواش
سئومیشم گلنده سنی، بولاقدان
عطرینی آلارام گؤرسم اوزاقدان
گل باسیم باغریما اؤپوم یاناقدان
سوروشسون باشیندان شال یاواش- یاواش
«تورك اوغلو» سئویله‌ییر دوشدوم دیللره
منی مجنون ائدیب سالدین چؤللره
سئوگیلیم قولاق آس بونیسگیل‌لره
دوشدو اوره‌ییمه خال یاواش- یاواش
هاوالار تك اوره گیم دولغوندور
قورویان داغلارا یاغماق دیله ییر
سئل اولوب ظالیم ائوین ییخماقا آخماق دیله ییر
ایلدیریم تك گئجه باغرین یارا شاخماق دیله ییر
آچین آققیشقالاری!!!
منه یوخ......
قفس غمده قناریلره بیر رحم ائله یین
بیر گولون سولماسینا سولمامیشام
قلبیمین دولماسینا دولمامیشام
قورخورام توستو وورا گول خانامی
آچین آققیشقالاری
بیر گوروم اولكه م آرا بیرلشن ائللر نئجه اولوب؟!
كوچه لرده یوموروق توسپورو بایراق اولان اللر نئجه اولوب؟!
بیزیم ائللر نئجه اولوب؟!
آچین آققیشقالاری
بو نه ائودیر كی ایشیقلیق یولو یوخدور!!!
بیلمیره م قبله م هایاندیر؟؟؟
ائویمین ساغ سولو یوخدور
بیرینی بغض توتوبدور دانیشانمیر
بیری بیر شیردی دوشوب دار قفس ایچره، چالیشانمیر
آنا ایستكلی بالایلان باریشانمیر
ایكی تورپاق قاریشانمیر
قول بویونلا ساریشانمیر
آچین آققیشقالاری
ائله بیل كی قولاغا وای سسی گلدی
آنالار قالمیش اوغولسوز
" اوغول ای وای !" سسی گلدی
دئیه سن های سسی گلدی
یا گورن قانلی بئشیك اوخشورو لای-لای سسی گلدی
قاپی تاختا-دالی سالغین
پاجا باغلی - سسیم آرغین
نه گئدیر سس
نه چیخیر های
اولدو كال كلمه لر اوسته امگیم زای
وای یاساق دیللی ائلیم وای
وای یاساق دیللی ائلیم وای!
-------------------------------
آققیشقا(پنجره)
گؤزلیم عاشیقینی سالما نظردن
حسرتیندن اؤلورم، گل بیزه هردن
سنه چوخدان وورولوب بو دلی كؤنلوم
نئیله ییم كی خبرین یوخدو خبردن
گل منه ناز ائله مه آی دلی جئیران
او قارا گؤزلرینه اولموشام حیران
بیر دؤنوب باخماق ایله جانیمی آلدین
منی مجنون ائله ییب چؤللره سالدین
من ایناندیم سنه، اؤز كؤنلومو وئردیم
منی آتدین گئدیب اغیار ایله قالدین
گل منه ناز ائله مه آی دلی جئیران
او قارا گؤزلرینه اولموشام حیران
سن گزیرسن گؤزلیم غیر ایله من سیز
یوخو گئتمز گؤزومه بیر گئجه سن سیز
اؤزون اینصاف ائله ای سئوگیلی دلبر
هانسی بولبول یاشایار باغ و چمن سیز؟
گل منه ناز ائله مه آی دلی جئیران
او قارا گؤزلرینه اولموشام حیران
شاعر : علی آغا واحد
مونان سورا ایلدیریملار شاخمازلار
سللر سولار شاقیلدیوب آخمازلار
قیزلار اونا صف باغلیوب باخمازلار
كهلیك لرین قانات وروب اوچمازلار
چونكه بو اولكه، داها توركون دییر
تورك اوغلانار سوز بیر و ال بیر دییر
اروم گولو بوینوو چوخ سیخیبلار
گوزلریوی چایلاقلارا یوموبلار
كورپونو قامچی بلیوه وروب لار
دریا گوشون سنن اوزاق سالیبلار
گوی هامی نینیر السین ایبی یوخ
بیر یتیمین هشكیمه امیدی یوخ
اوروم گولو اولوم گونون هاواقدی؟
كاظیم داشی سنن داهی اوزاقدی
ملت دییر آذربایجان اویاقدی
بو انقلاب نجور سنه دایاقدی؟
كفن گییب اولوموو دوزورسن
سوسوزلوق دان بو دونیادا اولورسن
اوروم گولو! سویچولرین لال اولوب
دورو سویون قانه باتیب آل اولوب
ملت سنن اوز دوندروب زار اولوب
شهریارین سوزو منه فال اولوب
«چرك غمی چیخوب خلقین آینا
هر كس قالیب اوز جانین هاینا»
شعر از :مهدی مصطفی زاده
اوخویوب اوزان اوللام،
بختینی یازان اوللام.
گئج گلسن خزان اوللام،
رنگیم سارالمامیش گل.
ایشیق اولوم رنگینه،
سس اولوم آهنگینه.
اجل چكیب جنگینه،
منی یئر آلمامیش گل.
گؤزیم یوللاردا قالدی
صبریم دارالمامیش گل.
آیدینلیغی سئویرسن،
هاوا قارالمامیش گل.
زلیم خان یعقوب اف
دونیا
آ بوْستانچێ! بوْستانێنا گۆوه‌نمه
دونیا اؤزۆ بوْستان اكه‌ن دونیادێ
آغلار قوْیۇب آناسێنێ، توْرپاغێن
بره‌كه‌تینی گؤیه چكه‌ن دونیادێ
اَیری‌سیده، دوْغرۇسۇدا یالاندێ
یوْل كسیب بختی الده‌ن آلاندێ
ایلان كیمی قێورێلاندێ، چالاندێ
لئیله‌ك كیمی تئز-تئز سكه‌ن دونیادێ
سن گؤینه‌مه اؤزۆ چكسین دردینی
شئش وئرسه‌ده گل اوْیناتما مردینی
یاشاتمادێ نسیمی تك مردینی
باش آپاران زهره تؤكه‌ن دونیادێ
سوْراخ بیته‌ر، سیرر گیزله‌نه‌ر، سؤز باتار
گــۆنــه‌ش دوْغــار عزیزلـه‌نـه‌ر تئـز باتار
آی زلیـم‌خـان دیش تـؤكـۆلـه‌ر، اۆز باتار
قۇردۇغـۇنـۇ بیر-بیر سـؤكـه‌ن دونیـادێ
nəqədər sevirəm o insanları!
o insanlar ki, şəkillərin
rəngli, sürtülmüş dünyasında
toyuqlar, dovşanlar və köpəklərlə bərabər
yaşayan insanlara bənzəyirlər.
♦orxan vəli♦
باخدیم دالیسیجا یار گئدنده
بیر یولدا دئدیم باخار گئدنده
باخدی قاپیدان كئچنده گولدو
بیلمیردی اوره ك اومار گئدنده
باغلاندی دیلیم اوره كده ن آمما
آز قالدی چئكم هاوار گئدنده
گئتمه گئدیسن ؟ یاواش – یاواش گئت
جانیم بیلی سن چیخار گئدنده
دؤندر گؤزونو خومار – خومار باخ
قویما منی ده ، خومار گئدنده
سن سیزلیگه دوزمه گیم چتیندی
گل جانیمی آل قوتار گئدنده
سندن سورا عشقی نئیلیرم من
آل عشقینی ده آپار گئدنده
مهر ائیله نوازش ائیله بلكه
گول بیتسین اورك ده قان گئدنده
من گؤر نه دئییردیم اؤز اؤزومنه ن
قول بوینوما بیر سالار گئدنده
بیچاره اوره ك بولود كیمین دیر
گؤردوكجه سنی دولار گئدنده
دای « جعفری » بسدی سیزلاما چوخ
سؤز اوستادی شهریار گئدنده
ایراندا هونر دیلنچی لیك دیر
باخما كی تاپار ویقار گئدنده
یاشام نه‌دیر، منجه؟
قلیانین خورتا خورت خورولتوسو...
توستونون باش آغری‌سی...
باش آغری‌نین گیجلتی‌سی...
یاشام آلییه‌نین گونشده دیلنچی‌لییی‌دیر...
كابارا‌لاردا رقصیله كئچیرتدیغی گونلر...
یاشام ساری پیشیكین دیری‌لییی‌دیر...
اؤلوم‌دن قورتولماسی!
هر ندن سونرا...
یاشام یاشانتیلاری یاشادیب یاشایا یاشایا یاشاماق‌دان....
اكیلمك‌دیر!
یاشام اؤلوم‌دور!
یاشادیم...
اؤلومو دویماقدا!
اؤلمك اؤلمك‌دیرسه...
خورتا خورت‌لو خیریلداماغا نه گلیب‌دیر!؟!
