دورما دئدی!
شعر: دكتر حسین محمدزاده صدیق
كندیمیزده قالما، دئدی.
دئدیم: خۏشدور بوگؤی چیمن،
بوردا اوبا سالما، دئدی.
دئدیم: سېناقدان چېخارام،
دئدی: منده وفادارام.
دئدیم: شهره آپارارام،
اوندا منی آلما، دئدی.
دئدیم: شهره اود باغلارام،
دئدی: داها من دېغلارام!
دئدیم: سنسیز من آغلارام،
اۆره‌ڲیمی چالما، دئدی.
دئدیم: دۀ بیر نه‌دیر چارام؟
دئدی: من بیر كندلی یارام.
دئدیم: سندن آیرېلمارام!
بئله فیكره دالما، دئدی!
دئدیم: گل بس بیر باش قاچاق،
دئدی: یۏل چۏخ، قولدور اویاق.
دئدیم: ائلدیر بیزه دایاق.
گؤزله ناغېل اۏلما، دئدی.
دئدیم: ائلی اۏیادارم،
دئدی: كس بو دیلی بالام.
دئدیم: زۏرلو اۏلوب اۏبام،
ائله‌ده بس دورما، دئدی.
