بیل كی، داها منه گرك دئییلسن،

ایزن وئر عشقیمله قالیم باش-باشا.

اترینه اؤلدویوم چیچك دئییلسن،

گئت، اؤزگه باغیندا سولاراق یاشا.


قئیس مجنون آدلاندی، بیلیرسن نییه؟

هیجرانی وصالدان اوستون توتدو او.

دوشوب صحرالارا یار دئیه-دئیه

سئودی... اونوتماغی هئی اونوتدو او.


یوخ، من قیس دئییلم، مجنون دئییلم،

ترتمیز آدیم وار، گؤتورمز لكه.

چتین درد اؤنونده سینام، اییلم،

كیشی گرك دردی گیزلینده چكه.


گئجه‌نین یاریسی منی اوشودن،

شاختا، سازاق دئییل، او سویوق عشقین.

گئت، سویوق سئوگینی ایستمیرم من،

سؤز وئریرم، سنه بسله‌مه‌رم كین.

چهارشنبه 18 دی 1392
بؤلوملر : سئوگی,