سوسوزلوقدان چات چات اولوب دوداقین
نئجه دؤزوم گوندوزلری
نئجه یاتیم گئجه لر
قارا كؤینك گئییب قوشلار
آغ دوزلاری گؤروره م
اورمو گؤلوم.....
كاش كؤر اؤلوم سنی سوسوز گؤرمییم
كاااااش كؤر اؤلوم....
سازین آلیب سینه سینه*
دمیر آشیق سویلور یئنه*
اورمو گؤلوم لای لای سنه*
قادان گلسین بیر-بیر منه
اینسانلیق ایتگین اولوب ....هئئئئئئئی!
وحشیلیك اینسانلار ایچره نه قدر اولابیلر اللاهیم نه قدر؟؟؟؟
بیر گول كی میلیونلار ایلدیر آذربایجانین اوره گی كیمی چیرپینیر ایندی بیر نئچه الله تانیماز قودوز الیله جان وئریر...
بو ناحاقلیغین اوْنونده سوسان اینسانین حایاتی ناحاقدیر...یاساقدیر...
نییه گره ك غزه نین بئكار ایشسیز پولسوز لاری بیزیم دولتین حیمایه سیله ٬ بیزیم میللتین پولویلا نفس آلا آما بیزیم جانیمیز٫دونیانین ائن گوْزه ل٬دیرلی٬بویوك گؤللرینین بیری سوسوزلوقدان جان وئره؟؟؟؟؟نییه آخی؟؟؟؟؟نییه؟؟؟؟؟؟؟؟؟؟
الهی بو رسواچیلیغا نئجه دؤزه ك؟؟؟نئجه؟؟؟؟!!!
اؤ ایگید كی قانینی توكدونوز مجنون كیمی لیلیسینین اوغرونا جان وئردی٬قانی هدر اولمادی٬اولمایاجاقدا!
گره كیرسه آذربایجان میللتی هامیسی جانیندان٬قانیندان كئچر آما بو جینایتده ن كئچمز!
بو بیر بیولوژیكی پرابلمدیر بیر سیاسی پرابلمه چئوریلمه ملیدیر! آما بیزیم سیاستچی لریمیز كی سیاستده ن آنجاق یالانچیلیغینی آنلاییبلار بونا بیر سیاسی پرابلم كیمی باخیب بیر موحاریبه سالماق اوزه رینده دیلر!
آذربایجان میللتی سوسمایاجاق! دونیا سوساماز بو فاجیعیه!
یاشا آنا وطن!
یاشا اورمو گؤلوم!
منی باغیشلا اورمو گؤلوم
آغلادیم، گؤزومون یاشی گلمه دی
هایقیرماق ایسته دیم...
آما دیلسیز نئجه هایقیرا بیلردیم!!!
سن سوسوز، من دیلسیز ... 