- سنین عشقیندی گؤزل سالدی بیابانه منی
- آلدی آرامیمی گؤر سالدی نه هیجرانه منی
- سن جفا قیلدون ازلدن منه رحم ائتمدون هردم
- شوق رویون ائلیوب والح و آواره منی
- سن گؤزللر گؤزلی داش نه دن اولدی اؤرگین
- منه رحمین دگشوب ایلمه دیوانه منی
- رقیبه باخما بیر آن ائیلمه قان یار اؤرگین
- گؤزل حسرت چکیرم ائیلمه بیچاره منی
- آغلیرام من گجه گوندوز قلمه درتلشیرم
- چوخ جفاکاریدی یاریم ساتیب اغیاره منی
- هر قدر ظولم ائده سن جور ائده سن گوجلو وارام
- سنه بیرده چاتارام سالما بو افغانه منی
- ائلشن .، آخیرداپشیمان اولاجاق شک ائلمه
- چکه آغوشه سنی شاد ائلیه بیرده منی
منه آند ایچ کی منی
آتمایاجاقسان سوز وئر
بو گولَن گؤزلری
آغلاتمایاجاقسان سوز وئر
سنه مخصوصدو
اورک،ساکینی یوخ مهمانی یوخ
منه اومید وئریب
آللادمایاجاقسان سوز وئر
نِئجَه دَ شادیمانیخ سنله برابر گوزَلئم
بِئله خوش گونلرَ غَم
قاتمایاجاقسان سوز وئر
باخاراخ گؤزلریمه سویله اورکدن بو سوزی
غم کدر ایچره داها
باتمایاجاقسان سوز وئر
اورئین شام و سحر عشقینه صادیق دوراجاق
منی فیکر اِئلَمَدن
یاتمایاجاقسان سوز وئر
بو مَحَبَت بیزیم عالمدَکی تک ثروتیمیز
اونو دونیا مالینا
ساتمایاجاقسان سوز وئر
اورگیم یار سنه صادیق دیر ازلدن بونو بیل
سن اؤزون سئوگی داشین آتمایاجاقسان سوز وئر 