- سنین عشقیندی گؤزل سالدی بیابانه منی
- آلدی آرامیمی گؤر سالدی نه هیجرانه منی
- سن جفا قیلدون ازلدن منه رحم ائتمدون هردم
- شوق رویون ائلیوب والح و آواره منی
- سن گؤزللر گؤزلی داش نه دن اولدی اؤرگین
- منه رحمین دگشوب ایلمه دیوانه منی
- رقیبه باخما بیر آن ائیلمه قان یار اؤرگین
- گؤزل حسرت چکیرم ائیلمه بیچاره منی
- آغلیرام من گجه گوندوز قلمه درتلشیرم
- چوخ جفاکاریدی یاریم ساتیب اغیاره منی
- هر قدر ظولم ائده سن جور ائده سن گوجلو وارام
- سنه بیرده چاتارام سالما بو افغانه منی
- ائلشن .، آخیرداپشیمان اولاجاق شک ائلمه
- چکه آغوشه سنی شاد ائلیه بیرده منی
سنی جوخ سئویرم،بو دونیا بیله،
اورییم دئینی،گتیردیم دیله.
هئج كئسه ائییلمز قوروروم ایله،
تك سنه ائیلدیم،من بویون ایدیم،
باغیشلا سئوگیلیم،خطرینه دئیدیم...
بئلكه سن ملكسن،گویدن ائنمیسن؟!
اللهین ایزنییله یئره دونموسن،
بیر خئیر آلمیشام،خستلنمیسن،
كاش سنین یئرینه خستلنئیدیم.
باغیشلا سئوگیلیم،خطرینه دئیدیم...
من سنین عشقسنله یاندیم آلیشدیم،
نازینلا اوینادیم،كوسدوم-باریشدیم.
دیلیم لال اولایدی،آجی دانیشدیم،
باغیشلا سئوگیلیم،خطرینه دئیدیم... 
گوز یاشینی آخیتماغا دیرمی
سونوندا بیر گوله جه یی یوخدوسا
هر گوروشه سئوگی دئمه، عزیزیم
اگر اونون گله جه یی یوخدوسا
سئوگی یوخسا، اوره ك قورو قفسدی
كور اومیده نه غرضی، نه قصدی؟
مین یول گئری چاغیرماغین عبثدی
اگر گئری دونه جه یی یوخدوسا
هر كول آلتدا گیزله نه نه كوز دئمه
هر خاطیره قیریغینا ایز دئمه
هر اوره كدن كووره ك نغمه گوزلمه
ساری سیمده دینه جه یی یوخدوسا
اودا سالسان، بوز باغلاییب دوناجاق
الدن اوچدو، یاد بوداغا قوناجاق
كونول وئرسن، نه قیمته آلاجاق؟
كونول قدری بیله جه یی یوخدوسا
اوجالتدیغین كیچیلنده گوره سن
ارییرسن گوزون گوره- گوره سن
سوفره سینه نه قویاجاق گوره سن
سننن تیكه بوله جه یی یوخدوسا
دئمه منه: نه لر گلیر آغلیما
وای اوندا كی قارا سندن آغ اوما
اوره ك سیزه اوره ك وئریب آغلاما
بیر گون سن سیز اوله جه یی یوخدوسا...
سونوندا بیر گوله جه یی یوخدوسا
هر گوروشه سئوگی دئمه، عزیزیم
اگر اونون گله جه یی یوخدوسا
سئوگی یوخسا، اوره ك قورو قفسدی
كور اومیده نه غرضی، نه قصدی؟
مین یول گئری چاغیرماغین عبثدی
اگر گئری دونه جه یی یوخدوسا
هر كول آلتدا گیزله نه نه كوز دئمه
هر خاطیره قیریغینا ایز دئمه
هر اوره كدن كووره ك نغمه گوزلمه
ساری سیمده دینه جه یی یوخدوسا
اودا سالسان، بوز باغلاییب دوناجاق
الدن اوچدو، یاد بوداغا قوناجاق
كونول وئرسن، نه قیمته آلاجاق؟
كونول قدری بیله جه یی یوخدوسا
اوجالتدیغین كیچیلنده گوره سن
ارییرسن گوزون گوره- گوره سن
سوفره سینه نه قویاجاق گوره سن
سننن تیكه بوله جه یی یوخدوسا
دئمه منه: نه لر گلیر آغلیما
وای اوندا كی قارا سندن آغ اوما
اوره ك سیزه اوره ك وئریب آغلاما
بیر گون سن سیز اوله جه یی یوخدوسا...
یئنه قیلینجینی چكدی اوستومه، قوربانی اولدوغوم او آلا گؤزلر یئنه جلاد اولوب دوردی قصدیمه، قلم قاش آلتیندا پیالا گؤزلر باشیمدان گئتمیشدی سئودانین غمی، خیالیم گزیردی بوتون عالمی بو دوستاق كؤنلومی، دئیین، ینه‌می چكدینیز سورغویا، سئوالا، گؤزلر؟ سودا یولچوسویام ازل یاشیمدان، كؤنلوم آیری گزیر جان سیرداشیمدان؛ داغی‌دیر هوشومی آلیر باشیمدان سوزولوب گئدنده خیالا گؤزلر گرد‌نین مینا‌دیر، بویون تماشا، آی‌دا حسد چكیر او قلم قاشا بیر جوت اولدوز كیمی وئریب باش- باشا، یانیب شعله سالیر جمالا گؤزلر منیم سئوگیلیم‌دیر او گؤزه‌ل پری، قوی اوزه وورماسین كئچن گون‌لری من قدیر بیلنم ازلدن بری، سیزینله یئتمیشم كمالا، گؤزلر جهاندا هر حكمی بیر زامان وئریر، دونن دوران سورن بوگون جان وئریر ایللر خسته‌سی‌یم، یارام قان وئریر، سیز منی سالدینیز بو حالا، گؤزلر (صمد وورغون)
تمنا ائت گولوم وئررم یوْلوندا نقد جانیم وار
اگر بولبول ده گیلسه م اوْندان آرتیق مین فغانیم وار
قارا گؤزلر سنی آلداتماسین، بیمارم عشقینده
علاجیم سنده دیر، ای گول، سنه آنجاق گومانیم وار
قبول ائتسه ن یوْلوندا جانیمی یوز یوْل فدا قیللام
اسیر عشقینم، سنسیز بو عالمده خزانیم وار
امانت ساخلا قلبینده همیشه عشقیمین سرّین
حقیقی عاشقم هجرینده چشم خونفشانیم وار
آلوب تئز جانیمی بیر دفعه لیك قورتار اذیّتدن
باخیلسا كؤنلومه عشقینده مین درد نهانیم وار
بیر آه چكیپ اورگیمدن آلیشسام
آلولانیپ آلولارا قاریش سام
كپنك تك اود ایچینده چالیشسام
یانیپ سونوپ كوله دونسم گلرسن؟
اوره گیمی اللریمده ساخلاسام
دوره سینه دسته گوللرباغلاسام
سن گلین جك هاوارچكیپ آغلاسام
آخیپ سوزوپ سئله دونسم گلرسن؟
تیكسم یولا گوزلریمین قاراسین
یئرساخلاسام اوره گیمین آراسین
سرسم یولا داغین داشین لالاسین
یانیپ سونوپ كوله دونسم گلرسن؟
چیچك چیچك گوله دونسم گلرسن؟
اوره گیمین قانی آخسا گوزومدن
جان قوتارسام بوجان آلان دوزومدن
غزل غزل بال سوزول سه سوزومدن
بولبول اولوپ دیله دونسم گلرسن؟
سانیردیم عهدینده دوز دایانانسان
یوخ اولدون گؤزومدن ایتدین اوزاقدا
من سنی آختاردیم هر اؤتن ساعات
چیچكلر فصلینده ، قیش دا سازاق دا
سن گئتدین ائله بیل گولوشلریمده
دورنالار سایاغی كؤچدو بو یئردن
باخیردیم یوللارا سنی گؤرم من
آلیشدی اوره ییم تیتره دی بیردن
...
دوشوندوم بلكه ده قسمت بو ایمیش
بیزیم گؤروشوموز آللاها قالدی
بلكه ده سئوگیمیز بیر گوناهیمیش
اونون چون بیزلری بو حالا سالدی
هر زامان سس صدان قولاغیمدادیر
نه اولار بیر داها گل منی چاغیر
گوندوزلر گزیرم خیاوانلاری
گئجه لر غم كدر اوستومه یاغیر
(بابك قوجازاده)
یوخ اولدون گؤزومدن ایتدین اوزاقدا
من سنی آختاردیم هر اؤتن ساعات
چیچكلر فصلینده ، قیش دا سازاق دا
سن گئتدین ائله بیل گولوشلریمده
دورنالار سایاغی كؤچدو بو یئردن
باخیردیم یوللارا سنی گؤرم من
آلیشدی اوره ییم تیتره دی بیردن
...
دوشوندوم بلكه ده قسمت بو ایمیش
بیزیم گؤروشوموز آللاها قالدی
بلكه ده سئوگیمیز بیر گوناهیمیش
اونون چون بیزلری بو حالا سالدی
هر زامان سس صدان قولاغیمدادیر
نه اولار بیر داها گل منی چاغیر
گوندوزلر گزیرم خیاوانلاری
گئجه لر غم كدر اوستومه یاغیر
(بابك قوجازاده)
قوی ساییم سنی یوكسك‌لره درینلیكلردن گئنیش‌لیكله سئویرم! گؤزلریم‌دن اوزاق حیس ائدنده سنی سنه چاتار كؤنلوم! تامام وارلیقلا اینجه‌لیك‌لرین سونودور گونلرین سویه‌سینه سئویرم سنی گونشله شام آراسیندا اولان ان بؤیوك ییخینتیلیق اؤزگور سئویرم سنی ایگیدلرین دوغرولوقلارا شهید گئتمك‌لری تك اونلارین بهشته دؤنمه‌لری تك چیلخا سئویرم سنی آلوو‌لو سئویرم كئچمیش غم‌لریمله بیر اوشاق‌لیق اینانجی تك سئویرم سنی! مندن ایتگین دوشموش سئوگی‌له سئویرم سنی ایتیردیییم قوتساللیقلا سنی نفسیمله سئویرم یاشامیمدا گولوب آغلادیقلاریم كیمی تانری ایسته‌ییرسه سئوه‌جه‌یم سنی اؤلوم‌دن سونرا، داها یاخشی!
اینگیلیسجه‌دن چئویرن: ائلیار خالیقی
سنی نئجه سئودیییمی بیلمك ایسته‌ییرمیسن!؟
گلدین بیتدی دونیا یاخینلاشاراق تبریزین قوخوسونو سورویوردو باشماقلارین قاناییردی تبریز و داملا داملا سئلوللاریمدا دوستاقلانیردی وارلیق! گلدین شه هرین قاپسانمیش گؤزلری آیدین لاشیردی آرتیق و تانری قوربان اولوردو قارشیندا و سانكی آنانین یوخوسو چین... گلدین سوسمادان سؤیله دین داریخمالارینی ایچینین سوموك میله لرینی قیراراق سؤیله دین دویغونون اعتیصابیندان و توتولدو دیلین یئنی دن سس سیز سمیرسیز اؤزونه و گئدیشینه تای ... گلدین قانداللانمیشدی آلنین قیریشیقلیغیندا سؤزجوكلر و اولاییردی آغزینین بوم بوشلوغوندا بیر قورد بوز قورد اووووو "من توركم" دئیه!!!
وئردی شمشیر قاشین قتلییم اوچون فرمانی
سانكی محبوسینه سلطاندیر ائدر دیوانی
حكم ائدیب زولفونه جانان ائده پر بسته منی
كیم كی مجنون اولا زنجیره چكه رلر آنی
طاقی ابرولرینه ائیله ییرم سجده مدام
كویینی سجده گهیم ائیله میشم پنهانی
ایدی بو چرخ منیم قامتیمی قاف كیمی
یئری وار آهیم ائده غرق غمه دونیانی
علی آغا واحید
گؤزللر ایچره سن ای ماهپاره
بیردنه سن
گؤزل لرین گؤزو سن ، زلفی قاره بیرد نه سن
گؤل اؤزلی نازلی صنم
لر دوشر قدم لرینه
بو چشم مست ایله قیلسان اشاره بیرد نه سن
سن اولماسان
منی هجران غمی هلاك ائیلر
شكسته كونلومه عالمده چاره بیرد نه سن
زمانه
اهلینه مشهورسان گؤزل لیكده
بو سر گیزلی دگیل ، آشكاره بیرد نه سن
او
ذوقی دولت دنیایه وئرمه رم هردم
من فقیره ده قیلسان اشاره بیرد نه
سن
گؤزل حیاتینی واحد فنایه صرف ائتمه
سنی زمانه یئتیرمز دوباره بیرد نه
سن