چاره سیز دردیله داغلاندیم من
نه منیم دردیمه درمان اولاجاق
نه بو عشق عالمی بیر یان اولاجاق
گرك ای عاشیق سرگشته یاناق
چاره سیز دردلره دوشدوك ایناناق
غصه دی غم دی بیزیم عالمی میز
ئوزگه عالم دی بیزیم عالمی میز
بورا یالنیز یول آچار عاشیق لر
یول آچانماز بورا تزویریله زر
بوردا عاشیق نه می ایستر نه ملك
قالماز عاشیق ده نه آرزی نه دیلك
ایسته سن یول تاپاسان اؤلكه میزه
قاتاسان طالعیوی سنده بیزه
قالمیا سنده نه آرزی نه دیلك
دینله نئی دن كی دئییر اوندا گرك
وئره سن قلبیوی جاندان كئچه سن
باده ی فقر و فنادان ایچه سن
یاناسان شمع كیمی باشدان آیاقا
دؤنه سن داغ كیمی سینماز دایاغا
قویاسان باشیوا عشقین تاجینی
داداسان هم شیرینی هم آجینی
یاراسان ظلمتی بیر نور اولاسان
منه تای شعر اولاسان شور اولاسان
توتاسان عشق مقامینده قرار
گؤره سن پرده نین آردیندا نه وار
(1368-فروردین آیی/عقیل مورادی ائلدار)
یوواسیز قوشلار تك دربِدر اولدو
یازان بئله یازدی طالیعمیزی
سنه چوخ یالواردیم آییرما دئیه
آییردین آللاهیم آییردین بیزی
یئنه آیریلیقین یئللری اَسدی
فلك یامان یئرده یوللاری كسدی
گوز یاشی هئچ نئیی قایتارماز یئری
آغلاما گوزلریم آغلاما بسدی
اؤ گئتدی یئریه دونمز بیر داها
گئتدی آیرلیقا یامان تلسدی
آیرلیق هر شئین سونو دئییل كی
آغلاما گوزلریم آغلاما بسدی
ــــــــــــــ
(اوخویور: شفا حسینلی)
ــــــــــــــ
R
بومبالانمیش شهر كیمی دیر
خییالیم
ماهنیلار قیریق بیر كاسئت
توز توپراق باسیب
سؤزجوكلر سؤزسوز
باغیرتیلار توركو شئعیرلر!
نه داغدان سس گلیر
نه دنیزدن
***
ایزسیز یاشاماق اینتحار
ساعات قیشدیر بیتكیلر بیتیب
یوخلاییب باهار
كیمی سی آغلاییر
كیمی سی گولور
هرنه یین سونو گؤزل دیر اینسانین...!
گئت گئدلیم سئوگیلیم
گونشین یوخوسوندا دیرچه لن باشسیزقارالتیلار،
ایاق سسلری هؤرومجك تورو، توخونوربئینیمه
خیاوانلار كؤچموش اوبالارین یورد یئری
اولدوزلارین قولاقلارینی اولایان سرین سس سیز لیك
سحرین گؤزلرینده قارقیش یاغمورو
چیلپاق بیتكیلر قان ترایچینده
دؤنورم گؤزلریندن توستولو شهرین كوسكون اوداسینا
بیرباخیش گوزگویه اوره ییم اسیر
اییلمه دن سینابیلسان كؤورك جه سینه
اسمه یه جك اوره ییم
گوزگودن ساری!
سون باخیشیندا بیتمه یه جم
اووولاجام اووونتولاریمدان گؤیره سن
بوراسی اونودولاسی دئییل تبریز
بیرشیمشك نفسی منی دایاندیر
یالنیز،
بیرشیمشك نفسی.
دیلیمده دمیرگؤزلریمده سازاق
اوچ یولون آیریجیندا دیله نیرم سنی!
دونیانین هاراسیندا اولدوغومو بیلیرسن می ؟
بیر ایچیم سویا بیر دنیز اود دوتوب یانیرام
بورادا چیل ككلیكلر داشلی بولاغ ماهنی سی اؤتوشورلر
سئوگی آج بیر اوشاق، بارماغین سورور
قارقالیقدا بوغدا آختاران بیریسی!
حیات اؤلوم دن باشلانیر
سئوگی سیگارادان
بیرزمان وصل عاشقیدیم ایندی هجران قانلی سی
بیرزمان درد عاشقیدیم ایندی درمان یولچوسی
بیرزمان نوح عمری ائتمزدی كفاف عیشیمی
ایندی اما بیر عموردور عمرومون هر لحظه سی
بیرزمان عالم مددكاری دی یاری دی منه
ایندی یوخدورعالمین ته لیخدا من تك بیر كسی
بی كسم بیگانیم یوخودور بو دنیا ده كسیم
ای خدا تك قویما سن بو چولده من تك بی كسی
دوزدی چوخداندور كی سن نن كوسمیشم ای كوسمیین
سن منی ترد ائتمه كی سس سیز لرین سن سن سسی
یولدا قویما گوزلری ای گوزلرین نورین ویرن
گوز یاشیم سل تك اولوب آیا گلیر شاخ ماخ سسی
بو كونولده ده نور عشق و معرفت چوخدان سونوب
بو اورك یول گوزلوری تا جان ویره چاخماخ سسی
دیزجی جان اوسته دی یوخدور دییرسن طاقتی
گؤیده یاغیش اولوب یاغسان قلبیمه،
پارلاق گونش اولوب ساچسان قلبیمه،
سرین بولاق اولون آخسان قلبیمه،
قلبیمین آیناسی بیله‌رم سنی،
اولكی تك ایستر، سئوه‌رم سنی.
دونوب گلسن، یئنه سئوسن نه اولار؟
اولدوزوم، آییمسان دئسن نه اولار؟
اورگینی بؤلوب وئرسن نه اولار؟
یالواریب تانریدان دیله‌رم سنی،
اولكی تك ایستر، سئوه‌رم سنی.
اومود وئریب منه، دؤنه‌جم دئسن ،
گلنده گؤزوندن اؤپه‌جم دئسن،
سنی عومروم بویو سئوه‌جم دئسن،
همیشه یانیمدا بیله‌رم سنی،
اولكی تك ایستر، سئوه‌رم سنی.
ایچیمی یاندیریب، باخسان گؤزومو،
دردیندن اؤلورم، دئسن اوزومه.
دؤزه‌رم وئردیگین عذابا، ظلمه،
عومرومون معناسی بیله‌رم سنی،
اولكی تك ایستر، سئوه‌رم سنی.
آیلی بیر گئجه‌ده توتسان ائلیمی،
اودلو آتش كیمی یاخسان ایچیمی،
ووران اورگیمین دویسان سسینی،
قلبیمین آیناسی بیله‌رم سنی
اولكی تك ایستر، سئوه‌رم سنی.
