بیرزمان وصل عاشقیدیم ایندی هجران قانلی سی
بیرزمان درد عاشقیدیم ایندی درمان یولچوسی
بیرزمان نوح عمری ائتمزدی كفاف عیشیمی
ایندی اما بیر عموردور عمرومون هر لحظه سی
بیرزمان عالم مددكاری دی یاری دی منه
ایندی یوخدورعالمین ته لیخدا من تك بیر كسی
بی كسم بیگانیم یوخودور بو دنیا ده كسیم
ای خدا تك قویما سن بو چولده من تك بی كسی
دوزدی چوخداندور كی سن نن كوسمیشم ای كوسمیین
سن منی ترد ائتمه كی سس سیز لرین سن سن سسی
یولدا قویما گوزلری ای گوزلرین نورین ویرن
گوز یاشیم سل تك اولوب آیا گلیر شاخ ماخ سسی
بو كونولده ده نور عشق و معرفت چوخدان سونوب
بو اورك یول گوزلوری تا جان ویره چاخماخ سسی
دیزجی جان اوسته دی یوخدور دییرسن طاقتی
طبعی تحلیله گدیب دور تكجه سن سن چاره سی
