گؤزلیم !
سئومه یه جك ایدین سه
ندنسه گؤزلریمه توخونماق ایسته دین ؟ !
بلكه ده سن دئییلمیش سن
بلكه ده من
كابوس لار ایچینده
سئومیشم سنی .
بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .
باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .
گئجه ...
تبریز ...
من ...
و ...
ندن سئومه یه جكسن منی ؟
گئدیرم ...
گئدیرم ...
« گؤروشه قدر » !
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
الین الیمده
گؤزون گؤزومده
سون گؤروش بیتدی ده
آیریلدیق یامان !
سن اوتایا
من بو تایا ...
كدردن یاریلدی
كؤرپونون باغری
هله ده یاراسی ساغالماییر هئچ ...
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
☪☪☪☪☪☪☪☪☪☪☪☪☪☪☪☪☪☪☪
ساچلارینـــا بنزتمیشــــــم گئــجه می
اوزاق گزمه یانـــیما گـــل ســـئوگیلیم
دوداغیندا ایتیــرمیشــــــم ســــؤزومو
گولوشــــونله جانیمی آل سئوگیلــیم
ســـن او تایـــــدا مــن بو تایـــدا آرالی
كؤنـــلوم درد ایلنـدن اولـوب یـــــارالی
یانیــما گــــل آذربــایجـــــان مــــارالی
گولوشـــــونله جانیــمی آل سئوگیلیم
كؤنلومده بو حســــرت مــنه درد اولور
اوره ییـــــمدن آخــــیب گؤزومــه دولور
وئردیییـــــن گـــوللرین ایلمــده سولور
گولوشونله جـــــانیمی آل سـئوگیلیم
سن منیم چون یازیلمامیش بیر شعیر
سطیرلر دیـــــنله نیر سطـــــیرلر دئییر
بو كلمه لر مـــــاهنی كؤینه یی گئییر
گولوشونله جانیمی آل ســـــئوگیلیم
بابكیــــن شــــعرینده غم وار كدر وار
ووصــــــالا چاتماغا مین بـــیر تهر وار
هر گئــجه سونوندا یقین ســـحر وار
گولوشـــونله جانیمی آل سئـوگیلیم
☪☪☪☪☪☪☪☪☪☪☪☪☪☪☪☪☪☪☪
