گؤزلیم !
سئومه یه جك ایدین سه
ندنسه گؤزلریمه توخونماق ایسته دین ؟ !
بلكه ده سن دئییلمیش سن
بلكه ده من
كابوس لار ایچینده
سئومیشم سنی .
بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .
باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .
گئجه ...
تبریز ...
من ...
و ...
ندن سئومه یه جكسن منی ؟
گئدیرم ...
گئدیرم ...
« گؤروشه قدر » !
