حمید نطقی - بنیانگذار و پدر روابط عمومی نوین در ایران

یاواش- یاواش

 شعر:تورك اوغلو

یاواش- یاواش

عاشیغام اؤلدورمه انصافین اولسون

آلساندا جانیمی آل یاواش- یاواش

گل اوتور یانیمدا یانیر اوره‌ییم

قولونو بوینوما سال یاواش- یاواش

گل چیخاق چمنی سئیر ائد‌ك قوشا

اغیارین اوره‌یی چیرپیلسین داشا

من سرو قدینه ائدیم تاماشا

سنده اؤز سازینی چال یاواش- یاواش

سئومیشم گلنده سنی، بولاقدان

عطرینی آلارام گؤرسم اوزاقدان

گل باسیم باغریما اؤپوم یاناقدان

سوروشسون باشیندان شال یاواش- یاواش

«تورك اوغلو» سئویله‌ییر دوشدوم دیللره

منی مجنون ائدیب سالدین چؤل‌لره

سئوگیلیم قولاق آس بونیسگیل‌لره

دوشدو اوره‌ییمه خال یاواش- یاواش

اوچ قیسا شعر

1)
ﺩﻧﯿﺰ ﺷﻬﺮﯾﻨﺪﻩ
ﺳﺌﻮﮔﯽ خیابانیندا
ﺗﮏﻟﯿﮏ ﮐﻮﭼﻪﺳﯿﻨﺪﻩ ﮔﺆﺯﻟﺮﯾﻤﯽ یومموشام...
ﮔﻞ..
ﺗﻮﺕ دوداقلاریمی
قارماقلی دوداقلارینلا
آی اووچو قیز


2)
سؤزلرین یالان دا اولسا
سؤیله...
سنین ده منیم ده
سیقاریمیز سئوگیلی دوداغیندا قالیب



3)
آل..
آچ...بیر نوشابه
یاشاسین اؤزگورلوك
اوچون جوشان بیر نوشابه

ال‌لرین ال‌لریمه دیینجه

فلاكتیم اولوردو آغلاردیم

منی سئومیردین بیلیردیم

بیر سئودیگین واردی حس ائدردیم

چوپ كیمی بیر اوغلان، ایپ اینجه

فایداسیزین بیریدی فیكریمجه

نه زامان قارشیمدا گؤرسم

اؤلدوره‌جه‌ییمدن قورخاردیم

فلاكتیم اولوردو آغلاردیم

نه زامان «ماچكا»دان كئچسم

لیمان*‌دا هر زامان گمی‌لر اولوردو

آغاج‌لار قوش كیمی گولردی

بیر یئل عاغلیمی آلیردی

سسیزجه بیر سیگارا یاندیراردین

بارماق‌لاریمین اوجونو یاندیراردین

كیپریك‌لرینی اَیَردین باخاردین

اوشوردوم ایچیم دیسكینیردی

فلاكتیم اولوردو آغلاردیم

آخشام‌لار بیر رمان كیمی بیتردی

«ژیزابئل» قان ایچینده یاتاردی

لیمان‌دان بیر گمی گئدردی

سن قالخیب اونا گئدردین

بنزین موم كیمی گئدردین

صاباحا قدر قالیردین

فایداسیزین بیریدی فیكریمجه

گولدو مو جنازه‌یه بنزردی

هله سنی قول‌لارینا آلدی می

وطنیم! بیر قاداغان دیلده سنه آند ایچیرم

آنامین سؤیله دییی لایلایا من آند ایچیرم

آرازین باغلادیغی یوللارا من آند ایچیرم

سنه من آند ایچیرم...

سنی مندن آلانی تورپاغینا قایتارارام

اونودولموش نیشانی بایراغینا قایتارارام

«سو» یو «آب» اولمادا من بارداغینا قایتارارام

یئنه بیر خیردا بالیق ماوی دنیزدن سؤز آچیر

اونو بوغماز قره سو سولدوغو گولدن گول آچیر

دنیزه بیر یول آچیر

وطنیم! تك دئییلم سانما سسیم تئز بوغولا!

گون او گوندور كی گرك گؤنده مین آصلان دوغولا!

ائوی ظولمون داغیلا!...

وطنیم! گون اولار! دونیا گؤره ر! توپراغینا گول بیته جك!

خالقیمین قوردوغو بایراق دا یئره یئنمه یه جك...

...

 وطنیم! اؤلسه م اگر، منده وطن قوربانییام

سنی بیر گؤرمك اوچون قورخو نه دیر، آتمالییام

یازاسان باش داشیما، بوردا وطن قوربانی وار

یاتیب هردن اویانیر، گؤزلرینین آل قانی وار

وطنین سئومه یه نین كیم دی دئیه ن ووجدانی وار

بو نه یاتماقدی، دورور گؤز تیكیر هردن اوتایا

دئییر آخر یانیرام، هم اوتایا، هم بو تایا!

☪☪☪☪☪☪☪☪☪☪☪☪☪☪☪☪☪☪☪

 ساچلارینـــا بنزتمیشــــــم گئــجه می 

 اوزاق گزمه یانـــیما گـــل ســـئوگیلیم 

 دوداغیندا ایتیــرمیشــــــم ســــؤزومو 

 گولوشــــونله جانیمی آل سئوگیلــیم

 
 ســـن او تایـــــدا مــن بو تایـــدا آرالی

 كؤنـــلوم درد ایلنـدن اولـوب یـــــارالی 

 یانیــما گــــل آذربــایجـــــان مــــارالی

گولوشـــــونله جانیــمی آل سئوگیلیم

 گولوشـــونله جانیمی آل سئـوگیلیم

☪☪☪☪☪☪☪☪☪☪☪☪☪☪☪☪☪☪☪