ای كونول! مین نامه یاز بیر گلعذارین عشقینه
جان ائویندن سئیره چیخ بیر خوش گذارین عشقینه
هانسی رسامین الیله جانلانیر دنیا ائوی؟
هر چمن مین غنچه آچمیش نو بهارین عشقینه!
گل. گل. ای سودالی بلبل، گل گزك گلشنلری
سن گولون عشقیله دیللن، منده یارین عشقینه.
انسان اوغلی جان وئریر پروانه تك آتش لره
دوز سوزون، دوز ایلقارین، دوز اعتبارین عشقینه
وورغونون ئوز عالمی، ئوز قلبی، ئوز الهامی وار
مهر الفتدن یارانمیش بیر دیارین عشقینه

شنبه 28 دی 1392
بؤلوملر : قـاریشــیق,