اینگیلیسجه‌دن چئویرن: ائلیار خالیقی
سنی نئجه سئودیییمی بیلمك ایسته‌ییرمیسن!؟
قوی ساییم
سنی یوكسك‌لره
درینلیكلردن
گئنیش‌لیكله سئویرم!
گؤزلریم‌دن اوزاق حیس ائدنده سنی
سنه چاتار كؤنلوم!
تامام وارلیقلا اینجه‌لیك‌لرین سونودور
گونلرین سویه‌سینه سئویرم سنی
گونشله شام آراسیندا اولان ان بؤیوك ییخینتیلیق
اؤزگور سئویرم سنی
ایگیدلرین دوغرولوقلارا شهید گئتمك‌لری تك
اونلارین بهشته دؤنمه‌لری تك
چیلخا سئویرم سنی
آلوو‌لو سئویرم
كئچمیش غم‌لریمله
بیر اوشاق‌لیق اینانجی تك سئویرم سنی!
مندن ایتگین دوشموش سئوگی‌له
سئویرم سنی
ایتیردیییم قوتساللیقلا
سنی نفسیمله سئویرم
یاشامیمدا گولوب آغلادیقلاریم كیمی
تانری ایسته‌ییرسه
سئوه‌جه‌یم سنی
اؤلوم‌دن سونرا، داها یاخشی!
