زلیم خان یعقوب اف
دونیا
آ بوْستانچێ! بوْستانێنا گۆوه‌نمه
دونیا اؤزۆ بوْستان اكه‌ن دونیادێ
آغلار قوْیۇب آناسێنێ، توْرپاغێن
بره‌كه‌تینی گؤیه چكه‌ن دونیادێ
اَیری‌سیده، دوْغرۇسۇدا یالاندێ
یوْل كسیب بختی الده‌ن آلاندێ
ایلان كیمی قێورێلاندێ، چالاندێ
لئیله‌ك كیمی تئز-تئز سكه‌ن دونیادێ
سن گؤینه‌مه اؤزۆ چكسین دردینی
شئش وئرسه‌ده گل اوْیناتما مردینی
یاشاتمادێ نسیمی تك مردینی
باش آپاران زهره تؤكه‌ن دونیادێ
سوْراخ بیته‌ر، سیرر گیزله‌نه‌ر، سؤز باتار
گــۆنــه‌ش دوْغــار عزیزلـه‌نـه‌ر تئـز باتار
آی زلیـم‌خـان دیش تـؤكـۆلـه‌ر، اۆز باتار
قۇردۇغـۇنـۇ بیر-بیر سـؤكـه‌ن دونیـادێ
