ناغیلیمین ایلك صحفه‌سی
منیم گؤزل سئودیجه‌ییم...
سئوگیمین آلتین قفسی
منیم گؤزل سئودیجه‌ییم...
دیلیمه آدین سوواشیر
سسین آغزیمدا آلیشیر
دوداغیم سنی دانیشیر
منیم گؤزل سئودیجه‌ییم...
قوی سنی اَینیمه بیچیم
قادانی گؤزومله ایچیم
اری‌ییم ایچینه كئچیم
منیم گؤزل
سئودیجه‌ییم...
گؤزومو گؤزونده یاتیر
دیلیمه دادینی بیتیر
آل منی اؤزونده ایتیر
منیم گؤزل
سئودیجه‌ییم...
ساچینا بوینومو آسیم
اوستونه تیتره‌ییب اسیم
بو سنی آغزیما باسیم
منیم گؤزل
سئودیجه‌ییم...
یالقیزلیغی ایكی بؤلوم
عشقینی گؤزومه دولوم
آماندی قوی سنی اؤلوم
منیم گؤزل
سئودیجه‌ییم...