گتیــریبـــــدیر گوزلیــــم آیریلیقیــــــن زاره منـــی
هـر گـورن ایمـدی سانیـر عشقده بیچاره منـــی
نـــه منیــم دردیمــه بیــر چـاره ائـدن وار نـه بیلن
ائــله بیــر كیمســه تاپیلمـــاز یتیـــره یاره منـــی
وئـــرمه نادان الینــه ، كونلومــی یـــوز پــاره ائده
اوزون آزاد ائـــله یـــا چــــك گوزلیـــم داره منـــی
مـــی ه ، میل ائیله مدیم دوزمك ایچون بو درده
اینـــدی ده ظـــن ائلییر هر گورن میخواره منـــی
صنعتیــــم بلكـه ده قیـرخ ایلـدی غـزل یازماخدیر
اوخشادان "مایل" ، هله یوخدی غزل خوانه منی
فلكین قانلی الیندن بیر آتیلمیش یئره اندی،
بیر فلاكت آنانین جان شیره سیندن سودون امدی،
بوللو نیسگیل شله سین چیگنینه آلدی .
تای توشوندان دالی قالدی،
ساری گول مثلی سارالدی.
گونو تك باغری قارالدی.
خان چوبانسیز سئله تاپشیرسین اوزون،
یوردوموزا بیر سارا گلدی.
بیر وفاسیز یار الیندن یارا گلمز سانا گلدی.
بیر یازیق قیز ، جان الیندن جانا گلمز جانا گلدی.
كئچه جكده “الموت” دامنه سیندن بورایا درمانا گلدی.
بیرآدامسیز “سوری” آدلی، الی باغلی، دیلی باغلی!
“سوری” كیم دیر؟
سوری بیر گول دی جهنمده بیتیبدیر .
سوری بیر دامجی دی، گوزدن آخاراق اوزده ایتیبدیر.
سوری یول- یولچوسودور، ایری ده یوخ ،دوزده ایتیبدیر.
سوری، بیر مرثیه دیر اوخشایاراق سوزده ایتیبدیر.
او كونول لرده كی ایتمیش دی ازلدن، اودو گوزدن ده ایتیبدیر.
سوری بیر گوزلری باغلی، اوزو داغلی سوزوداغلی،
اولوب هاردان هارا باغلی!
بوشلاییب دوغما دیارین، اوموب البته یاریندان.
ال اوزوب هر نه واریندان.
قورخماییب،شهریمیزین قیشدا آمانسیز بورانیندان، نه قاریندان.
گزیر آواره تاپا، یاندیریجی دردینه چاره، تاپابیلمیر.
چوخ سئویر عشقی باشیندان آتا، آمما آتا بیلمیر.
اووا باخ آووچی دالینجا قاچیر، آمما چاتا بیلمیر.
ایش دونوب، لیلی توشوب چوللره مجنون سوراغیندا.
شیرین الده تئشه، داغ پارچالاییر فرهاد اوتورموش اوتاغیندا.
تشنه لب قو نئچه گور جان وئری دریا قیراغیندا.
گوزده حسرت یئرینی خوشله ییب ابهام دوداغیندا.
وارلیغین سون اثری آز قالیر ایتسین یاناغیندا.
سانكی بیر كوزدی بورونموش كوله وارلیق اوجاغیندا.
كوزه ریر پیلته كیمین، یاغ توكه نیب دیر چراغیندا.
بوی آتیر رنج باغیندا. قوجالیر گنج چاغیندا،
بیر آدامسیز، سوری آدلی، الی باغلی، دیلی باغلی!
سوری جان !
اومما فلكدن ، فلكین یوخدو وفاسی،
نه قدر یوخدو وفاسی، او قدر چوخدو جفاسی،
كوهنه رقاصه كیمین، هر كسه بیر جوردی اداسی،
او آیاقدان دوشه نی، ایستیر آیاقدان سالان اولسون.
او تالانمیش لاری ایست�
اگر من من اولماق ایسته ییرم كیمسه نین یوكو سوزو آلتیندا قالما مالییام كیمسه یه كوله اولما مالییام
یاشاماق نه قدر زور اولسادا شرفله و بیر اینسان كیمی یاشاماق داها زوردو
تانری بیزی اوزگور یارادیب و بیز ندن بو اوزگورلوگو پول ویا بیر یالان هوس ایچین اودوزاخ. ندن؟
سنی بیلمیرم ....
اونودا بیلمیرم....
.من كیمی یاشاماق.من كیمی اولماق.گوروندوگوم كیمی اولماق
و اولدوقوم كیمیده گورونمك.من من اولماق ایسته ییرم
اوزوم ایچین یوخ آذربایجان ایچین 
گؤره سن من نییه یارب بئله نالان اولـــــــدوم؟
غلط ائتـدیم كی سنه واله و حئیران اولــــــــدوم.
اودا یاخدین من بیچاره نی پروانه كیمــــــــــی،
آجیغین گـــــلدی مگر عاشیق انسان اولـــدوم؟
سود و سرمایه می مجموع ألیمدن آلــــــــــدین
نییـــــه كیم زاهید اولوب مسجده دربان اولــدوم!
شیخ صنعان كیمی بوینوما سالدیم زنــــــــــار،
اینــــــــــدی گل گؤر كی كلیسالارا رهبان اولدوم.
ائتدیم اول دلبر ترسایا بوگون بیر سجـــــــــده،
ایندی بیلدیم كی یقین من ده موسلمان اولــدوم!
لله الحمد كی من كوفرده بولدوم ایمـــــــــــان،
كئــــــچن ایامه نه حاصیل كه پشیمان اولــــدوم!
گل نباتی،دولانیم باشینا،وه! وه! نه گــــــؤزه ل
جام وئریب، یاره وفا راهینه قوربان اولــــــدوم
دسته دسته گول دردیم سردیم یولووا , گلمه دون
گوز یاشیمی سئزقین سئزیپ سپدیم یولووا ،گلمه دون
اوتدیم یولوندا گوز تیكدیم انتظارلا تا گله سن
گوز یاشیمی دانه دانه منجیق ایله دیم دوزدیم یولووا ،گلمه دون
اوره گیم قانه دوندی یول گوزله مدن هاردا قالمیسان؟
یاره اوره كدن سوزن قانی ، سوزدیم یولووا ، گلمه دون
دوزممیرم ؛چرپنان اوره گیم كوز كیمین آلیشیر
كوز كیمین یانان اوره گی هدیه قویدیم یولووا ،گلمه دون
یانیما عكسووی قویدیم باشلادیم سنیله درد دیلی
جوشقین داشان اوره كدن شعر قوشدیم یولووا ،گلمه دون
آغلادیم ،آغنادیم سیزقیدیم سنون فراقونده
یاندیریب اوره گی شمع تك ساشدیم یولووا ،گلمه دون
گئجه یاتدیم بیر اوزون یول گوردیم كه اوردان گلیسن
هوله سك دوروب شادمان قاشدیم یولووا، گلمه دون
سینمده غم سیغیشمیری شان شان ائدیر اوره گی
سینه دن چئخان آهی اوخ تكین تاخدیم یولووا ،گلمه دون
دییردیم دوزرم من یالان ددیم
آیریلیق چتیندی دوزه بیلمیرم
ناشی اوزنچییم غم دریاسینین
سویی چوخ دریندی اوزه بیلمیرم
گوز یاشیم اود توتوب آلشدی گیلم
یول اوسته داغلمش قارا بیر كولم
باغشلا سوگیلیم خسته بولبولم
نغمه لر دوداغدا دوزه بیلمیرم
سوگیمیز اولممیش گوری قازلمش
آریا حسرتین یولی آزلمش
یا آننین یازیسی بله یازلمش
یادا كی گلمیشیخ گوزه بیلمرم
وراغیم جیریلمش ایتیب قلمیم
وصال دنیزینده سینیبدی گمیم
بیره دوزنمیردیم یوز اولوب غمیم
نجه دوزه جه یم یوزه؟ بیلمیرم
سن منی آتیبان توتون اوزگه نی
پای وردین كونلومه غمی.غصه نی
مهرانام ددین كی سومیرم سنی
نه دییم بله بیر سوزه بیلمیرم
بیر گون یووا قوراجاغام
بیر گون آنا اولاجاغیم
گولمه سه ده سنسیز اوزوم
اولاجاق دیر اوغلوم، قیزیم
باغریما باسیب بالامی
دویا دویا قوخلایاجام
مندن لای لای ایسته سه لر
بو نغمه نی اوخویاجام یار:
دئیه جم كی، قاووشماغا قویمادیلار بیزلری
آیریلار كن بولوت كیمی دولموش ایدی گؤزلری
دئیه جم كی، داغیلسایدی بوكولمزدی دیزلری
آیریلیق بوكدو بئلینی، آلدی الیمدن الینی
اویالانچی ایللر گونه دیمزمیش
گول وئردیم،وئردیییم گوله دیمزمیش
گوزوم ده چاغلایان سئله دیمزمیش
حئیف او سئوگییه ، او محبته
بیر دفه اوره كدن گوله بیلمه دیم
كونلومو كیمسه یه وئره بیلمه دیم
سندن باشقاسینی سئوه بیلمه دیم
حئیف او سئوگییه ، او محبته
سن سیز گئجه لریم یوخی بیلمه دی
ایچیمده آلیشان آهی بیلمه دی
من بیلدیم ، سن بیلدین، چوخو بیلمه دی
حئیف او سئوگییه ، او محبته
اوزومون اوزومدن آجیغیم گلیر
دوستلاریم كدرلی ، دوشمنیم گولور
اولن سئوگیمیزه یازیغیم گللیر
حئیف او سئوگیه ، اومحبته
سولطانق تاختیمیز دوریلدی نئجه
كولكسیز ، طوفانسیز سورولدی نئجه
او سئوگی نیفرته چئوریلدی نئجه
حئیف او سئوگیه ، اومحبته
اوزگه لر نه وئردی كی،اوزلویومدن تئــز كئچـدیم
داندیم اوز سوی - كوكومو،اوزگه دن لله سئچدیم
عومرومو سوووم دئیه،غم یئدیم،حسرت ایچــدیم
وطـن قهرمانلاریــن،سـاتقین،یــاد،یـاغی بیلــدیم!
سونــرالار دوشونــركن، نئجه یاندیم،توكولــدوم؟!
گــره گ بونـو بیلــم كی هاردا دونیایــا گلـدیم
زمــانــــه جاینـاغیــــلا هـــــارالارا چكیلـــــدیم
نئجه زور گوج گلنــده گــوز اونونــدن اكیلــدیم
یالان سوزه اینانـدیم،دوغرونـو ایری سانــدیم
قینیمی بینمــه دیم،اوزلویومـــدن اوسـانـدیم
✫☾ ✫☾ ✫☾ ✫☾ ✫☾ ✫☾ ✫☾ ✫☾ ✫☾
اگر سئوسـه ائل سنی!
یئخا بیلمز سئل سنی!
نامرده بویون ائیمه!
قوی آپارسین سل سنی!
✫☾ ✫☾ ✫☾ ✫☾ ✫☾ ✫☾ ✫☾ ✫☾ ✫☾
بیلیرسن گویلومون نه‌دیر آرزیسی
من سنی سئوه‌یدیم سن بیلمه‌یه‌یدین
گیزلین ساخلایایدیم ایستكلریمی
من سنه گوله‌یدیم سن گولمه‌یه‌یدین
اورگیم باشیندا تیكه‌یدیم قالا
بوتون سئونلری ییغایدیم اورا
گلن گلمه‌یه‌نین قاداسین آلا
من اورا گله‌یدیم سن گلمه‌یه‌یدین
آرزیمدیر فلگی بیر ده گؤره‌یدیم
اوندان ایكی عؤمور آلا بیله‌یه‌دیم
اؤله‌یدیم، دیریلیب بیر ده اؤله‌یدیم
سنین عوضینده، سن اؤلمه‌یه‌یدین
اولادیم مه ن اولادیم
هادی قارداش اولادیم
اولادیم
اولاماخداندا یورولدوم
آخی بوردا قوزولار قورد بالاسی
یوخویا وورسا اگر ئوز ئوزونی بیر میلله ت
اویادانمازسان اونو
داها ستار خان اؤلوبدور
باغیرا ارك یده ن او ئوز ائلینه
دویوشه ن تئللییه باخ قان آپاریب
بئله بیر قهرمانی اصلینده
یاراماز ائل یارادانماز
هر یاغیش سئل یارادانماز
ایندی او ائلله ری سئلله ر آپاریب
داها" صابیر" قلمی شئر یازمیر
كی او"میلله ت نئجه تاراج اولور اولسون نه ایشیم وار"
بلكه"دوشمنلره مؤحتاج اولور اولسون نه ایشیم وار"
ایندی "معجز " اومودی یوخدو بیزه كی معللیم كیلاسیندا آناسی دیلده ده تعلیم ائلییه دا كوروغلو سه سینی داغلار ائشیتمیر
بوردا چوخدان آپاریب سئل سارانی
دیلیمیزده ن یارالی ائلیمیزده ن آرالی
اوتوروب كؤرپونون اوستونده قوجا خان چوبانی
قوناغیخ ئوز ائویمیزده
اولموشوخ بیزده یابانجی ائلیمیزده
بیر هه جه ر قوچ نبی سیز نئیلییه بیلسین
قوچ نبی ائلسیز اولوب
گؤز یاشینی بس نئجه سیلسین
قوچ كوراوغلو ده لی سیز چه نلی بئله بیرده گئده نمه ز
سه ن گؤره ن اییده آغاجلار
داها چوخدان كه سیلیب تاختالیغا
آرازین لیل سویو قویمور هاوا گه لسین بالیغا
دا قاطارلار واقونو دوپدولودور دیل یوكونه ن
بوشادیر بوردا ,آپاریر او قیزیل بوغدا لاری یئر كوكونه ن
هامی بوردا یئییری
ئوز چوره یین میننه تینه ن
اولادیم مه ن اولادیم
"كی سه سیم سینه م دوتولدو"
هه ره بیر داش گؤتوروب ووردو دؤشومده ن