بیر قارانلیق گئجه نین یورغون كوچه
سینده
گؤزلردن آسیلی سویوق
یاغیشلاری اوشودور
من گئدیرم
بیر قارا آرابادا
دوداقلاریمدان گولوش دوندوماسی
هله ده آخیر
گؤزلریمدن آیریلیق سالخیم ــ سالخیم
تؤكولور
آرابا كوچه یه یاییلیر
كوچه لر ، من سیزلیگی بیر ــ بیریلن
پیچیلداشیرلار
پیچیلتیلارسنین قولاغیندا جینگیلده
ییر
سن یوبانمادان كوچه یه قاچیرسان
آرابا گؤزلرینین اؤنوندن سوروشور
گئدیرم آمما
آنی لار ، بیر آن بئینینده تولانیر
تله سیك آددیم لاریم ، سنی آردیمجا
چكیر
گؤزلرینده كی حسرت یاغیشلا ، آخیر
سن هونكور،هونكورایتگین نیسگیللریمی
آغلاییرسان
دورمادان
قارا آرابا یولونو گئدیر
سن خییاوانلارا یاخیلمیش سئوگینی
ایزله یه ــ ایزله یه گلیرسن
بیردن اوره یین بورخولوب دایانیرسان
قارا آرابا دایانیر
بورا . . . !
گئجه لر فیكریندن یاتا بیلمیرم
بو فیكری باشیمدان آتا بیلمیرم
نئیله ییم كه سنه چاتا بیلمیرم
آیریلیق، آیریلیق، آمان آیریلیق
هر بیر دردن اولار یامان آیریلیق
اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق
یادیما دوشنده آلا گوزلرین
گویده اولدوزلاردان آلام خبرین
نئیله ییم كسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق
آیریلیق دردینی چكمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق
نئجه كی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق
ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن
آیریلیق، آیریلیق، آمان آیریلیق
هر بیر دردن اولار یامان آیریلیق
اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق
منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق
سئوگی سی هاردادیر، هانی فرهادین
دییه ره ك چیخاجاق جانی فرهادین
آیریلیق، آیریلیق، آمان آیریلیق
هر بیر دردن اولار یامان آیریلیق
سونمز بیر آلووام سو قارشی سیندا***ئوز حرارتیمله آلیشیرام من***تونقال قالامیشام باغریم باشیندا***یاندیریب اودوملا دانیشیرام من***یازدیغیم شعرلر یالنیز سؤز دئیل***كدرلی باغریمین سیزیلتی سیدی*** بو كاغاذ اوستونه تؤكولن سسلر ***یانان ئورییمین چیرپینتی سیدی***ائله یانیرام كی اینانمایین سیز***نه تورپاخ نده سو سؤندوره منی***وولكانلار پاتلاییر قلبیمده تز تز***كیمدی كی یاخیننان دیندیره منی***سینه مین توستوسی چوخالماخدادی***بیر یانار سال داغام داشیمدا یانیر***الووم یوكسه لیر ئوزومنن اوجا***ایاغیمدا یانیر باشیمدا یانیر***دامارلاریم یولدی قاینار قانیما***قانیم دورولمادان بولانیر هله*** من ئوزوم ائولسمده قانیم دورماییب*** آزربایجان عشقیله دؤلانیر هله
♥♥♥♥♥♥♥♥♥♥♥♥♥♥♥♥♥♥♥♥♥
آغاجــــدا خزل آغــلار
دیبینده گؤزل آغـــــلار
یار یاردان آیری دوشسه
سرگــــردان گزر آغلار
♥♥♥♥♥♥♥♥♥♥♥♥♥♥♥♥♥♥♥♥♥
عاشق ، هارالی داغــلار
قلبی ،
یارالــی داغــلار
ایسته رم ،
دورام گله م
كسیب آرانی داغـــلار
ای گل سنی دنیایه مقابل توتــــــارام مــــــــــــــــــــن
دنیا منیم اولسا سنه خاطر آتـــــارام مــــــــــــــــــــن
ناز ایلمه . منن ائوزوی چكمـه كنـــــــــــــــــــــــ ـــاره
اولدوز اولاسان گویده سنه یول تــاپــــارام مــــــــــن...
قانلی اللریله بو قانلی زامان
خیال كؤینییمین دویمه سین آچیر
گوروش دونیاسیننان الیمی ئوزور
یئنه ده بوشلامیر آردیمجا قاچیر
باخیرام بیر اتك كدر اوجادان
باشیما اله نیر بؤز بولوتلاردان
خیالیم تارلاسین بؤرؤیؤر خزان
خیال چیچك لریم آسیلیر داردان
گؤم گؤی ،گؤی گؤزومده قارالیر یامان
سنسیز ئوشویورم ئوشونورم من
ئؤزلم ایاغیندا كدر مئیینین
ایچمه دن آجی سین دوشونورم من
بیلیرسن می سن سیز دؤنوراجاخدی
خزانلا یئتیشن شاختا لار منی
سارلا سارالا یورقون گؤزلریم
یاشاماخ عشقیله گؤزلییر سنی
خیال تارلاسی نین سارالان گولو
سنینله جوجه ریب بیتماخ ایسته ییر
سنین گلیشینی ائشیدیب كدر
گؤزومون ئؤنؤنن ایتماغ ایسته ییر
نه اولار گل سیندیر پولاد قفسی
دومان دالداسیندا گیزله نمه گینن
منیم گونشیمسن ایسیندیر منی
بولود آرخاسیندا گیزلنمه گینن
گلكی بو داغلاردا بو دره لرده
ائله منیم تك سنسیز له ییبدی
وئر الین الیمه بونی بیلیرم
سنینده ئوره یین منسیز له ییبدی...
آند اولسون سحرین سرینلیینه
\
