منیم تك آغلادین منیم دردیمه
آخدی گوزلرینن یاش گیله گیله
سنین گوز یاشینا دوزه بیلمدی
گوردومكی آغلاییر داش گیله گیله
من سنی آغلاددیم سنده داشلاری
داشین گوز یاشینی كیمسه گورمدی
ائله سیزیلدادی یاندی یاخیلدی
یارالی قلبینی كیمسه گورمدی
ندن یاشا دولدی یاشلی گوزلریم؟
ایچیمده آغلادیم بو دفعه خلوت
قوخدوم كدریمه دوزه بیلمیه
اود توتوب آلیشا یانا طبیعت....

كونلومون قاپیسین باغلادیم
عشقیمین یاسینی ساخلادیم
هر گئجه هرگئجه آغلادیم
سنن سونرا سنن سونرا
گئتدین بیر داها گلمدین
طالعین اوزومه گولمه دین
نه اولدو بیلمدین سنن سونرا
حسرتین سینه مده ایلندی
كوله لره آدینی سویلدی
گل گور درد نیلدی سنن سونرا سن سونرا
گئجه لر كونلومه یار اولدی
گونلرین آهو زار اولدی
بو دونیا باشیما دار اولدی
سنن سونرا سنن سونرا
تنهالیخ رو حومو سویوددی
یوخلوقون بختیمی اویوددی
منی نغمه لر اوود دی
سنن سونرا سنن سونرا

آیرې قالدېق بیر عؤمۆر
آمما قلبیمده عؤمۆرلۆك یاشادېن
یۏلا دۆشدۆم ،
                        یۏلا دۆشدۆن آی تك
من دایاندېقدا دایاندېن سن‌ده
بیلمیرم آمما نه‌دن،
بیر قدم گلمه‌دین آنجاق یاخېنا
كی داشام من‌ده دنیزلر سایاغې

گلدیم گؤردوم سؤزلر دۆزدۆ

اۆرگیمی كدر اوزدو

سئوینج منه دوداق بوزدو

 نه جور دئییم گله‌جكسن

سن‌سیزلیگه دؤزمك نه سایاق مۆمكۆن اولارمیش

سال داغلارا های، گؤیده بولوتلار دیله گلسین

هجران تورو دونیانی قفس تك بورویوبدور

نه قدر آغلاسان آغلا كی ،سنین آغلاییشین

بو قارانلیق گئجه‌نین قلبی ایچینده اریییر

هاچانسا قاییدیب گله‌جگم من

بیر داها دانیشیب گوله‌‌جگم من

گؤزونون یاشینی سیله‌جگم من

حسرتله آغلاما، حسرتله باخما

گؤزونون یاشینی سیله‌جگم من

سئوگیلیم داریخما، گولوم داریخما!

گؤزلریم دولوپدور دیندیرمه منی

نیسگیللی سؤزلرله یاندیرما منی

قوروروم سینماییپ سیندیرما منی

اونسوز دا ییخیلمیش ائویمی ییخما

قوروروم سینماییپ، سیندیرما منی

سئوگیلیم داریخما، گولوم داریخما!

اوزاقدا اولسامدا یانیندایام من

فیكرینده روحوندا جانیندایام من

لاپ سنین قلبینده، قانیندایام من

اؤزونو اله آل، قلبینی سیخما

سئوگیلیم داریخما، گولوم داریخما

آزربایجان یوردوموز ---تراختور بزقوردوموز

آزربایجان دیاریمیز --- تراختور افتیخاریمیز



هواداران تراختور در ابوظبی



یاشاسین تراختور

گوزلیم  رحم ایله آغلاتما منی عشقیمین قدرینی بیل آیریسینا ساتما منی

 من سن جان دئمیشم باغریمی قان ائیلمیشم بو غریبانه لرین محملینه ساتما منی

سنده ن اوتور داغی داشی آشارام
ده نیز ته كین دالغالانیب داشارام
بیر سن اولسان گورر منی یاشارام
داغلار بیلیر یولار بیلیر سنده بیل

سن كی گئددین من تك قالدیم آغلادیم
شاملار كیمی یاندیم ,دالدیم ,آغلادیم
یالقیزلیغین سازین چالدیم آغلادیم
داغلار بیلیر یولار بیلیر سنده بیل

ایسته مز گلدیم

آغلار یاشادیم

حسرتلی گئتدیم اورك ائوین دن

چوخ وفاسیز میشسان

آی "........" آدلی یارانمیش

اولموشام ایرمی بیر ایل من سنه حیران ، مارالیم
سن ده كی ائیله میسن جانیمی تالان ، مارالیم

كیم بو دونیادا سنه فرق قویار كافریله ؟
یوخدو قلبین ده سنین ذرّه جه ایمان ، مارالیم

من بیچاره یه بیگانه گؤزویله باخاسان
ایل ده گر بیر گئجه اولسام سنه مهمان ، مارالیم

گئجه گوندوز یارا ووردون یارا اوستن منه سن
گؤرمه دیم بیر ائده سن دردیمه درمان ، مارالیم

اختیار صاحبی سن هر نه روا دیر منه ائت
حاضرم گر وئرسن قتلیمه فرمان ، مارالیم

هر زمان دؤره دوشدور بیر ایكی دلبر الینه
ایندی ده سن سن اولان دلبر دؤران ، مارالیم

هر نه غم اولسا فراموش اولو فرهاد كیمی
بیر شیرین سوز منه سن ائیله سن احسان ، مارالیم

او قارا گوز نه فقط بیر منی آواره ائدیب
باغلاییب چاره یولون ، عالمی بیچاره ائدیب

بیلمیسیز سیز لو پریزاده نه ظالم بلادیر
بیر قارانلیق گئجه تك آغ گونومی قاره ائدیب

بیر طبیب دیر كی نه تنها ائیله مز درده دوا
بلكه یوز مین نَفَرین ده اورگین یاره ائدیب

بیر زمان خنجرایله قلبیمی هر لحظه یاران
بو زماندا هدف موشك و خمپاره ائدیب

گرچه گون دوشمه ییب عؤمرونده اونون گول اوزونه
اؤزونو حوری رضوان كیمی مه پاره ائدیب

گؤزلرین گؤزدور ولیكن عین دریا دیر منه
پیكرین پیكر ده گیل تندیس رؤیا دیر منه

من كی بوعالمده یم بیرعؤمردور آواره یم
منزلیم هر هاردا اولسا، اوردا مأوادیر منه

من او گون كی درد وغمدن ساغ سلامت قورتلام
عید نوروز و غدیر و فطر و اضحی دیر منه

یوخ یئری باغ و گولسوتانه گئدم سئیر ائیله یم
چون سنین فكر و خیالین خوش تماشا دیر منه

یاخشی لیقدا هئچ تایین یوخ، حیف چون مغرور سان
بو غورورون هر زماندا بیر معّما دیر منه