یئل اسیر داغ سینه سینده اویناییر نازلی چیچك
یئل سورور هردن حالین
كیمسه دویمور خیالین
گیزله دیر نه ایسه خالین
بیر نیشاندیر اون وئرمیش داغیلان ائل اوباسی داغ لالاسی

یئل اسیر داغ سینه سینده اویناییر نازلی چیچك
بورا دونیادیر،
یووارلاق بیر یئر كوره سی،
اینسانلارین بیری گلیر، بیری گئدیر!
بورا یالان دونیادیر،
بیر-بیر هامینی آلدادیر!
اینسانلار دونیانی چوخ سئویر،
دونیا آج قالماسین دئیه، اینسانی یئییر،
اینسان،
اینسانیت،
دونیادان گئدیر،
حیات هله ده داوام ائدیر...
منیم ای نازلی دلداریم ، منیم ای دردیمه درمان
منیم ای دولتیم ، واریم ، باغیشلا ، گئچ گناهیمدان
سالاندا سن منی بنده ، یاخینلیق اولماسا سنده
اگر قانیمی تؤكسنده ، یولومدان دؤنمرم بیر آن
شیریندیر لبلرین دلبر ، او گول رخسارینی گؤستر
یازیق كؤنلوم سنی ایستر ، منی الدن سالیر هجران
جمالین پرده یه سالما ، بو عاشیقدن اوزاق قالما
گؤزومدن انتقام آلما ، منی قویما بئله حیران
بدخشان لعلی سنسن یار ، اوزون یاقوت كیمی پارلار
سنون حسنونده دیر گلزار ، جمالیندیر نگارستان
كاش دویغو كیمین گؤزلرینه حال یارادایدیم،
اؤز كؤنلومه ده یئر اهمال یارادایدیم
گیزلین سؤزومون آرزیسی دا باشه چاتایدی،
میضرابی چكیب سیملره قیقال یارادایدیم
سن گول، من آری، آمما ساشماقیلان یوخ،
گؤز گؤزده باخیشلاری دادیب بال یارادایدیم
كاش الله اولایدیم بیر دفعه من سنه خاطیر
سوز سینه ده جوشغون دیلیمی لال یارادایدیم
یا رسام اولوب كونلومو بیر شیكل آراسیندا،
وولكان ائیله ییب بوینونا قاندال یارادایدیم
كاش سن دنیزین ساحیلینه سئیره گلئیدین
من ده او دنیز لرده چاشیب حال یارادایدیم
سنین ده بیر گون اولار نوبهارین ای بولبول،
بو ذوق سوز، بو صفاسیز بهاره یالـــــوارما!
یاندین اوره ییم كیمسه سنه یانمادی جان جان
شم تك اریدین صوبحون ایشیقلانمادی جان جان
هركیمسه دن ال توتدون آیاقدان سنی سالدی
یانسین او اوره كلر كی سنه یانمادی جان جان
هر غملی باخیشدا بولاق اولدون گوزوم آنجاق
بیر گوزده سنه دونیادا ایسلانمادی جان جان
آجی بیر حسرتی چاتیب سیرتیما
قلبیمه داش باسیب دؤزورم
هله
دنیزخاطیرلادیر منه گؤزلرین
كرم گؤزلریم ده آلیشیر له له
اینجی تك
دوزولور آرزی داملاسی
گؤزومون كدرلی تاخجالارینا
ینه ده سن سیزلیخ یامان
درد اولور
سانجی لیر گؤزلریم كدر قارینا
بو اولدوزلو دونیا بو گؤزل
دونیا
سنسیزچوخ آجیدیر،آجی دیر منه
دنیز سینه سینده سنن آرالی
بؤغولور
گؤزلریم دومانا چنه
منی باغیشلاسین آلا گوزلرین
ساحله چاتماغا توكنیب
نفس
سنسیز آنلامی یوخ گولون چیچه یین
گوی اوتسون بو دونیا سینسین بو قفس..
منی مننن آلیر سوزه ن گوزلرین
آماندی گوزونه تاپیشیر بیر آن سوزمه سین
ده كی
بیر آزاجیخ اینصافلی اولسون
سوزگون سوزه كن جانیم اوزمه سین
گوزلریم
گوزونن آچیلان كیمی
گیزلی بیر آغلاماخ بؤرؤیؤر منی
دیلیمده گوج یوخكی سنه
سئویلییم
دییم كی كی نه قدر سئویرم سنی....