اگر بو دونیادان واقت سیز كوچرسم
آغلاما آغلاما آنام آغلاما
گوزونده گوز یاشی ؛ اوره گینده غم
آغلاما آغلاما آنام آغلاما
چمن گوللریندن آلیب عطریمی
سن داها ایسته مه منیم خطریمی
قبیریمین اوستونده منیم عكسیمی
سن گوروب آغلاما آنام آغلاما
دوروب عصر لری بیر بیر واراقلا
اوخو بو دونیانین مین بیر ماراقلا
ایسترسن سن آنا ، یوز ایل سراغلا
من گلن دئگیلم آنام آغلاما
آغلاما آغلاما آنام آغلاما
ایلاهی، گؤزومه اینانمیرام من،
بو گلن سئودیگیم او قیزمی گؤرن؟
ساریلدی بوینوما اؤپدو اوزومدن
ائله بیل دونیایا تزه گلمیشم
باخدی گؤزلریمه، روحوم ایسیندی،
چكیلدی بولودلار، گؤی یئره ائندی.
گئتدین، یاشامادیم، اؤلموشم ایندی
سئوگیلیم، من سنی بئله سئومیشم.
گلینلیك دونوندا گلمیسن قوناق،
"سوس" دئدین "دانیشما، اؤپ منی آنجاق""
اورگیم اود توتوب، روحوم یاناجاق
بو گئجه یوخومدا سنی گؤرموشم.
كوسدی یاریم نه بیلیم كوسمگی مندن ندن
اولدی
بلبولون شكوه سی خاراوسته بیتن
غنچه دن اولدی
چوخ تمنا ایله دیم بلكه
جفانون داشین اتسون
اودا سیندردی منیم
قلبیمیی چون شیشه دن اولدی
هر چالاندا
مژه سین بیربیرینه اوخ سپه لندی
سینه
مون یاره سینون هربیری بیرگوشه دن اولدی
گر دوشیدی اوجفا داغلارا داغلار
داغلاردی
او ستملر كی منه یار جفا پیشه
دن اولدی
منده پروانه كیمین دوشدوم
اونون عشقینه یاندیم
هامی بیلسون بو عطش
خامییه اندیشه دن اولدی
یازیقام وورما
وفا ریشه سینه تیشه نی هر د م
قوریان
گوللریمون ریشه سی بیر تیشه دن اولدی
اوجفا دن نه دئیم دوتدی چوروتدی منی
صادق
او تنومند اغاجون آفتی چون ریشه دن
اولدی
آدیمی قلبیندن آتا بیلرسن
اوزاق آرزیلارا چاتا بیلرسن
مندن گؤزلینی تاپا بیلرسن
... منیم تك سئوه نین اولمایاجاقدیر
بیر گون سؤنه جكدیر بو اود ، بو اوجاق
كدر یوواسی دیر بوش قالان قوجاق
دیزینه باش قویوب ، یاتان اولاجاق
باشینا دؤنه نین اولمایاجاقدیر
عؤمرونه بیر سئوگی گلر ، بیلیرم
سن ایله آغلاییب ـ گولر ، بیلیرم
كیمسه سئوینجی نی بؤلر ، بیلیرم
دردیندن اؤله نین اولمایاجاقدیر
سئوگیلیم ! عذابدان اوزاقسان هله
بیر گون ارییه رسن سن گیله ـ گیله
یاناغیندان اؤپه ن اولسادا بئله
گؤز یاشین سیله نین اولمایاجاقدیر
...اونودا بیلمیرم... سئوه بیلمیرم...
سنسیز داریخیرام،
سنله تنهایام،
بئله آنلاشیلماز،
بئله باریشماز
دویغولار الینده قالیبدیر یاخام.
اونودا بیلمیرم... سئوه بیلمیرم...
سیزین قاپینیزا،
سیزین كوچه یه
آیاق اؤزو چكییر،
گله بیلمیرم...
بو نییه بئله دیر، هله بیلمیرم...
اونودا بیلمیرم... سئوه بیلمیرم...
بو سیررین جوابین
بیله بیلمیرم.
یاش ائله یاشدیر كی،
بو گییزلی دردی
بیر كسه دانیشیب، بؤله بیلمیرم.
اونودا بیلمیرم... سئوه بیلمیرم...
اغلارام اخشام اولان وقتیده سنسیز گوزلیم
تك قالان دونیادا سن اغلاما منسیز گوزلیم
سن منیم نازلی گولوم سن گوزلیم دردین الیم
اوزون انصاف اله سنسیز نجه دونیاده قالیم
سن سیز گئجه لر آغلی یاراخ یاتمامیشام من
عشقیوی اینان دونیایادا ساتمامیشام من
كاش آنلی یاسان سن حالیمی آزداهی اولسا
دیل خوش لوغا گئتدین گئدلی چاتمامیشام من
آتدین منی سن اوز یورگیندن آما بیل كی
یورگون یوركیمدن سنی هیچ آتمامیشام من
تك عشقیمیدین دونیادا،سندن سورا یاریم
عشقین ناغیلین كیمسیه آنلاتمامیشام من
