XXXXXXXXXXXXXX
XXXXXXXXXXXXXX
☪☪☪☪☪☪☪☪☪☪☪☪☪☪☪☪☪☪☪☪☪☪☪
ساواش گونو سـاوار اولــسا آتا تورك
آلقیش دییه ر تورك اوغلونا آتا تورك
داغ دره ده یئل تـوزونا چـاتانمــاز
ایر آتین بـئلی اؤستـــه یـاتا تورك
توتار بوغــار جایناغیـندا قوش كیمی
قاری دوشمن گیرمیش اولسا چاتار تورك
بیر قانینا دوخسان دوققوز قان ائلر
بیر كادینا قویماز قانی باتا تــورك
باشدان آیاق شرف ، غیـرت كانی دیــر
كیم گؤروبدور اؤز ائلینی آتا تــورك
☪☪☪☪☪☪☪☪☪☪☪☪☪☪☪☪☪☪☪☪☪☪☪
باغچامیزا گلدی باهار، یاشیل شالی سردی باهار
گل دئدیم گلمه دی یار ،گلمه دی یار
منی یادا سالسان اگر،اوره ییمی آلسان اگر
آی جئیران سئوگیلیم ، مهربان سئوگیلیم
سیریمی بیلمه دین ، بیلمه دین یار
اوزون دئدین گوزله منی،شیرین سوزله دینله منی
گوزله دیم گلمه دین یار، گلمه دین یار
آی جئیران سئوگیلیم ، مهربان سئوگیلیم
سیریمی بیلمه دین ، بیلمه دین یار
♥♥♥♥♥♥♥♥♥♥♥♥♥♥♥♥♥
او قـــارا زلف كه هردم دولاشــیر شــانه لره
گوستریر عشق كمنـــدین دل دیـــوانه لـــره
مـهررخسارینی مــندن كسیب اول ماه تمام
دوشدو فرصت گینه بـــوندان بئله بیگانه لره
یوخسا ای گل بوقدر بــــاده ناب ایچـــمزدیم
شوق لعــلین منی جلب ایلدی میخــانه لره
قانا دولســون گوروم او باده گلگون سنسیز
بیــرده گر رغــــبت ایدم ساغر و پیـمانه لره
حسرت چشــم خــمارین لب لعلین هوسی
گوستریر گوشه میخــانه نی مـــستانه لره
جورون آزائت منه قورخوم بودی بیرآه چكیم
بیریاناراود دوشه باشـدان باشا كاشـانه لره
واحــــــد شاعـــر آزاده پرســتــم نه غـــمیم
قالماسام رغبت اگـر مســـــجده بتـخانه لره
♥♥♥♥♥♥♥♥♥♥♥♥♥♥♥♥♥
قالماسام رغبت اگـر مســـــجده بتـخانه لره
♥♥♥♥♥♥♥♥♥♥♥♥♥♥♥♥♥
دیلیم سنی لال ائدرم ، نه دئـــــدین یار اینجیدی
زولفوندن اوْوسون گؤتوررم ، قورخورام مار اینجیدی
نئچه نـــاقه گتیــرین، خــالوار ایله گؤتــورون
بیر درده دوچار اولموشام درد مــنده زار اینجیدی
مین بیر یئرده یارام واردی باخ سینه‌مین داغیــنا
پروانه تك دولانــــایدیم هم سولــونا ، ساغیــنا
جان چیخدی، بوش قالدی قفس، وئرین یار قوجاغیــنا
یارسیز مزارا قویمایین گور اولــور دار، اینجیدی
(آشیق قوربانی)
☪☪☪☪☪☪☪☪☪☪☪☪☪☪☪☪☪☪☪
ساچلارینـــا بنزتمیشــــــم گئــجه می
اوزاق گزمه یانـــیما گـــل ســـئوگیلیم
دوداغیندا ایتیــرمیشــــــم ســــؤزومو
گولوشــــونله جانیمی آل سئوگیلــیم
ســـن او تایـــــدا مــن بو تایـــدا آرالی
كؤنـــلوم درد ایلنـدن اولـوب یـــــارالی
یانیــما گــــل آذربــایجـــــان مــــارالی
گولوشـــــونله جانیــمی آل سئوگیلیم
كؤنلومده بو حســــرت مــنه درد اولور
اوره ییـــــمدن آخــــیب گؤزومــه دولور
وئردیییـــــن گـــوللرین ایلمــده سولور
گولوشونله جـــــانیمی آل سـئوگیلیم
سن منیم چون یازیلمامیش بیر شعیر
سطیرلر دیـــــنله نیر سطـــــیرلر دئییر
بو كلمه لر مـــــاهنی كؤینه یی گئییر
گولوشونله جانیمی آل ســـــئوگیلیم
بابكیــــن شــــعرینده غم وار كدر وار
ووصــــــالا چاتماغا مین بـــیر تهر وار
هر گئــجه سونوندا یقین ســـحر وار
گولوشـــونله جانیمی آل سئـوگیلیم
☪☪☪☪☪☪☪☪☪☪☪☪☪☪☪☪☪☪☪
☪☪☪☪☪☪☪☪☪☪☪☪☪☪☪☪☪☪☪
چكیر وارلیغیمی دارا گؤزلری
آپاریر روحومو هارا گؤزلرین
قارا بیر محبس دیر قارا گؤزلرین
بوراخ گؤزلرینین حبسیندن منی
.....................................................
یاندیریب یاخماقدا اؤد قودرتی وار،
تكجه من بیلیرم نه حیددتی وار،
، آخی جزانین دا بیر مدتی وار،
گؤزلرینین حبسیندن منی.بوراخ
.....................................................
مرحمت گؤزله ین باخیش كیمی یم
قفسه سالینمیش بیر قوش كیمی یم
بوراخ گؤزلرینین حبسیندن منی
.....................................................
گونوم ائله سندن شیكایت اؤلوب،
بو سئوگی بیر داستان ،حئكایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
.....................................................
زیندانا كؤنوللو سالدیم اؤزومی
عیبی یوخ، پاییزا دؤندریازیمی
من گوناه ایشله دیم آرتیر جزامی
ساخلا گوزلرینین حبسینده منی
☪☪☪☪☪☪☪☪☪☪☪☪☪☪☪☪☪☪☪
حالیمی سوروشورسان قاداسی
باشیم آغریمیردا داها
آمما
سن وئردیین دستمال اوره ییمین كدریله دولودور .
بیلیمیرم اولدوزوم نئجولدو
داها
گؤزلرینین قاداسین آلیم قاداسی
اؤپوش قوش لاریم سنی تاپمادیلار
داها دا یاز دا گلمه یه جك اینانمازسان؟
بیزده گلنده بیزده گلرسن
اؤزونو ده گتیررسن
یازكی گلمه یه جك
باری سن گل قاداسی ! ! !
مین عذاب دیر سن سیز كئچن هر گونوم
اونوتموشام یاخشی یامان فرقینی
بو سئوگینین داغ اریدن دردینی
من چكرم ایكیمیزین یئرینه
گول دئییرم گول قلبینه دییرم
من سنین چون تانری یازان شعیرم
دوداخلاری ایینجیمه سین دئییرم
من اوپه رم ایكیمیزین یئرینه
طالعیمده سن آچیلان گولوم سن
سوزوب قارا گوزلرینی گولومسه
بو سئوگی نین سونو اگر اولومسه
من اوله رم ایكیمیزین یئرینه
***رحمتلیك نصرت كسمنلی***
بوگون آخشام سنسیز منی آغلاتدی یاغیش
یادیما سالدی سنی , مطلبینه چاتدی یاغیش
كوچه لر اولدو گوزومده یئنه بیر آرپا چایی
منی سنسیز نئجه نیسگیل سئلینه آتدی یاغیش
طاقتیم یوخدی منیم اتش هیجرانه گوزل
بوندان ارتیق المه قلبیمی ویرانه گوزل
چرخی سینسین فلكین قویمادی گولسون اوزومی
ایلییب گور نجه مندن سنی بیگتنه گوزل
اولمویور ، اولمویور
نه یاپسام اولمویور
سنسیز یرین، دولمویور
اغلارام اخشام اولان وقتیده سنسیز گوزلیم
تك قالان دونیادا سن اغلاما منسیز گوزلیم
سن منیم نازلی گولوم سن گوزلیم دردین الیم
اوزون انصاف اله سنسیز نجه دونیاده قالیم
سوروشدو : نه قدر سئویرسن منی ؟ بیر چوخ فیكیرله شدیم جواب تاپمادیم.
ایبهاملی بیر سكوت كؤچدو ذهنیمه. محبتی اؤلچه ن بیر قاب تاپمادیم .
سؤیله دی : اولمایا آزجا سئویرسه ن ؟
اوره ییم توتولوب تیتره دی بیردن.
محبته اؤلچو اولسایدی یقین بو سونكو گیلئیی ائشیتمه زدیم من.
اما هئچ بیریمیز دانانماریق كی هر كسه عزیزدیر آناوطنی ایندیسه نئجه دیر.
سویله سه م اگر آذربایجان قدر سئویرم سنی
