قوربان بایرامینیز موبارك اولسون

qurbaN bayramınıZ mubarəK olsuN

قوربان بایرامی اس ام اسلری (ساوجیق لاری)

qurbaN bayramI smSlərİ

اوره گینه داملا-داملا اومود, گونلرینه مین دادلی موتلولوق دولسون, سئودیكلرین هرگون یانیندا اولسون, اوزون و گولون هئچ سولماسین, قوربان بایرامین قوتلو اولسون

قوربان بایرامی عهدینه عمل ائدنلرین الله طرفیندن عزیزلندیگی،دعا‌لارینین قبول اولدوغو گوندور. الله دعالاریزی قبول ائتسین.قوربان بایرامینیز قوتلو اولسون.

گؤزللیك، بیرلیك, برابرلیك دولو, داها گؤزل و موتلو بیر قوربان بایرامی دیله ییریك. بؤیوكلریمیزین اللرینده و كیچیكلریمیزین گؤزلریندن اؤپوروك.

قوربان بایرامینی سئودیكلرینیزله برابر ساغلیق و حضور ایچینده گئچیرمنیزی دیله ییریك. بایرام بوتون اینسانلیقا خئیرلی اولسون!..

تانری  سؤیلدیگین دوعا‌لاری، ائتدیگین عمل‌لری، كسدیگین قوربانلاری، وئردیگین صدقه‌لری قبول ائتسین. قوربان بایرامینیز قوتلو اولسون

sevəcəyəm səni
söz: Arzu muradi


səni özləmək duyğudan üstündür

بئش یاشلی اوشاق تئلفونون زنگ سسینی ائشیدیب دسته‌گی قالدیریر:

ـ آلو، بویورون.

ـ آتانی یوخسا آنانی چاغیر.

ـ ائوده یوخدورلار.

ـ اوندا، ائوده سندن باشقا بیر آدام وار؟

ـ بلی وار، باجیم ائوده دیر.

ـ اوندا اونو چاغیر.

بیر دقیقه   سونرا اوغلان دئییر:

ـ آلو، او چوخ آغیردیر، بئشیكدن چیخارا بیلمه‌دیم.

بلكه!
بیر بنده آللاهدان سوروشدو:
منیم آلین یازیمی یازیبسان سا، ندن دوعا ائدیم؟
تانرى دئدى: بلكه یازمیشام هرنه دوعا ائتسه...

عالم گؤزل...

تانریم،

منه دینجلیك وئر، سئومك، الدن یاپیشماق، اؤز گوونج، یولداشلیق، باریش سئورلیك و بوتون گؤزلیك‌لری وئر...

بوتون اینسانلاری سئومك ایسته‌ییرم، باریشی، گؤزل‌لییی اونلارلا پایلاشماق ایسته‌ییرم...

عزیز تانریم، نه گؤزل اولار بئله یاشام،

یولداش اولوب، باریش ایچینده ال- اله وئریب سئوینج له یاشایاق...

اوشاقلاری سئوك، سینیرلاری قالدیراق، اوركلره ایشیق ساچاق، كیمسه‌یه ضرر وئرمه‌ییب، الدن توتاق، بیر-بیریمیزه گولمك یئرینه، بیرگه گولك، سئوینجی بوتون گؤیه، یئره سه‌رك...

عالم گؤزل، حیات گؤزل، سئونلرین گؤزلرینده...

یاغیش

آیین‌شایین، هاوا چاخدی. بولودلار دیسكینیب آغلادی.

Yağış

واختین خئیر آللاهیم

یازار:‌حسین واحدی

   سلام آللاهیم، هر واختین خئیر اولسون، یئنه اوره‌ییم داریخدی و یئنه سنه گلدیم آللاهیم، اوره‌ییم چوخ دولودور، یامان كیمسه سیزله‌ییب، یئنه سؤزلریمی دئمه‌یه كیمسه تاپا بیلمه‌ییرم، یانی دئمك اولار، كیمسه یوخدوركی! آللاهیم دئدیگیم كیمی اوره‌ییم چوخ دولودور، چوخ!

اینسانلاردان چوخ داریخمیشام، كیمسه‌یه نه قدر یاخشیلیق ائدیرم، عوضینه پیسلیك گؤرورم، نه قدر چالیشیرام بو پیسلیك‌لره قارشی اولوب عوض آچام ائده بیلمه‌ییرم و گئت- گئده بو اینسانلار اوره‌ییمی داها چوخ سیندیریرلار، آللاهیم نه ائدیم، نه ائتمه ییم، قالمیشام، اؤزون كؤمك اول، سندن سونرا كیمه گیلئیله‌نیم، كیمه دئییم سؤزومو، كیمه آچیم اوره‌ییمین سوفراسینی؟!

آللاهیم چوخ سئویرم هامی‌یا فایدالی اینسان اولام، یاخشیلیق ائدم، الدن توتام، دؤزملو اولام، سینمایام، هرآن یاشایام و یاشاماقدان داد چیخارام، سنه یالواریرام آللاهیم سندن سونرا كیمسه منه یاردیم ائده بیلمز.

اومود وئر منه، گؤزل حیات، صالح اؤولاد، غم‌سیز یاشات، اوغور یارات، اینسانلیغی- باریشی چوخات، آللاهیم- آللاهیم، آنجاق فقط سندن ایسته‌ییرم، گؤزل حیات، گؤزل حیات.

❤سئوگی تانریدان گلن ایشیقدیر...❤
"تانری, منه دوغرونو گؤره‌ن بیر باخیش وئر سنه یاخینلاشا بیلیم."

گــجــنیــن نـصـفــیدی یـارب،یــوخــی گــلمــیــر گـــوزومــه

بــو نــــه عــــــالمـــدی خــدایــا؟؟؟؟؟ دیــیرم اوز اوزومــه

بـــاخــیــرام تــای تــوشــومـــا هــامــیــسی دلــداره چــاتــیــب

اول آخــشــام ســویــونــوب راحــت و آســـــوده یـــاتـــیـــب

هـــامـــی یـــاریـــن دوداغــیــــن مــنــده بـــالــیـــنــجی ســـورارام

دیـــرم یــــــارب اولـــــار كـــــــی بــیـــرگــون مــنــده آلـــوده اولـــام؟

گؤزلیم عاشیقینی سالما نظردن
حسرتیندن اؤلورم، گل بیزه هردن
سنه چوخدان وورولوب بو دلی كؤنلوم
نئیله ییم كی خبرین یوخدو خبردن

گل منه ناز ائله مه آی دلی جئیران
او قارا گؤزلرینه اولموشام حیران

بیر دؤنوب باخماق ایله جانیمی آلدین
منی مجنون ائله ییب چؤللره سالدین

من ایناندیم سنه، اؤز كؤنلومو وئردیم

منی آتدین گئدیب اغیار ایله قالدین

گل منه ناز ائله مه آی دلی جئیران
او قارا گؤزلرینه اولموشام حیران

سن گزیرسن گؤزلیم غیر ایله من سیز

یوخو گئتمز گؤزومه بیر گئجه سن سیز

اؤزون اینصاف ائله ای سئوگیلی دلبر

هانسی بولبول یاشایار باغ و چمن سیز؟

گل منه ناز ائله مه آی دلی جئیران
او قارا گؤزلرینه اولموشام حیران

شاعر : علی آغا واحد

مونان سورا ایلدیریملار شاخمازلار
سللر سولار شاقیلدیوب آخمازلار
قیزلار اونا صف باغلیوب باخمازلار
كهلیك لرین قانات وروب اوچمازلار
چونكه بو اولكه، داها توركون دییر
تورك اوغلانار سوز بیر و ال بیر دییر


اروم گولو بوینوو چوخ سیخیبلار
گوزلریوی چایلاقلارا یوموبلار
كورپونو قامچی بلیوه وروب لار
دریا گوشون سنن اوزاق سالیبلار
گوی هامی نینیر السین ایبی یوخ
بیر یتیمین هشكیمه امیدی یوخ


اوروم گولو اولوم گونون هاواقدی؟
كاظیم داشی سنن داهی اوزاقدی
ملت دییر آذربایجان اویاقدی
بو انقلاب نجور سنه دایاقدی؟
كفن گییب اولوموو دوزورسن
سوسوزلوق دان بو دونیادا اولورسن


اوروم گولو! سویچولرین لال اولوب
دورو سویون قانه باتیب آل اولوب
ملت سنن اوز دوندروب زار اولوب
شهریارین سوزو منه فال اولوب
«چرك غمی چیخوب خلقین آینا
هر كس قالیب اوز جانین هاینا»

شعر از :مهدی مصطفی زاده

                  
   اوخویوب اوزان اوللام،

   بختینی یازان اوللام.

   گئج گلسن خزان اوللام،

   رنگیم سارالمامیش گل.

ایشیق اولوم رنگینه،

سس اولوم آهنگینه.

اجل چكیب جنگینه،

منی یئر آلمامیش گل.

گؤزیم یوللاردا قالدی

صبریم دارالمامیش گل.

آیدینلیغی سئویرسن،

هاوا قارالمامیش گل.