زلیم خان یعقوب اف

ناحاق ائندیك او داغلارین باشیندان

گره ك اوردا قال اوغلی قال اولایدیق

عؤمروموزو گؤل عؤمرونه دؤندریب

زیروه ده قار ، پتك ده بال اولایدیق

آللاها تن ، حاققا یاردی زیروه لر

یارانیش دان دوم آق قاردی زیروه لر

عؤمروموزو اوجالداردی زیروه لر

ناحاق ائندیك او داغلارین باشیندان

اوفوق لرده قوش اولماق دا گؤزه ل دیر

شیمشك لره توش اولماق دا گؤزه ل دیر

لاپ او یئرده داش اولماق دا گؤزه ل دیر

ناحاق ائندیك او داغلارین باشیندان

حاق ائوی دیر هر داش اوتاق هر كاها

سالام وئریر دان یئرینه ، صاباحا

تئزه تئزه قووشوردوق آللاها

ناحاق ائندیك او داغلارین باشیندان

سن گئتدین ائله بیل دونیا داغیلدی

یاز دا كؤچوب گئتدی ، یئری بوش قالدی

باهار اوره ییمی سن‌سیز قیش آلدی

من یازا وورغونام ، قیشی نئیلیره م ؟؟؟

عشقیمی آپاریب سن گئتدین دئمك

عشق سیز بیر كؤنول نه ییمه گره ك ؟

سویوق داشا دؤندو او گونده ن اوره ك

سینه م دن آسیلان داشی نئیلیره م ؟؟؟

همیشه آیریلیق، گئجه - گوندوزوك

بیریمیز تپه ییك بیریمیز دوزوك

اوستونون قاشی لا تانینار اوزوك

اوزویوم یوخدورسا ، قاشی نئیلیره م ؟؟؟

نیه یاشاییرام من نییه سن ‌سیز

نه یئره باخمارام ، نه گؤیه سن ‌سیز

من كی كور اولموشام هر شئیه سن ‌سیز

كور گؤزون اوستونده قاشی نئیلیره م ...

دانلود فایل (pdf) توركی اوغلان آدلاری:

http://s1.picofile.com/file/6863355130/oglan_adlari.pdf.html



توركی قیز آدلاری:

http://s1.picofile.com/file/6863356136/qiz_adlari.pdf.html

گلمیشم اوتاقینا اویادام سنی

قاراگیله ، اویادام سنی

نه گؤزل خلق ائله ییب یارادان سنی

قاراگیله ، یارادان سنی

گؤتوروب من قاچارام آرادان سنی

قاراگیله ، آرادان سنی

دولانارام باشینا

مارال قاچار داغ اوسته ، بولبول اوچار باغ اوسته

نیه مندن كوسورسن ، داغ چكیرسن داغ اوسته

گئتمه گئتمه مارالیم ، نه كی دردین وار آلیم

گؤزلرینه باخماسام ، گؤزلریمدن سالاریم

سئو كی سئون مرد اولار

سئومه ین نامرد اولار

بولبول ده گول باغیندا

بیرجه گوله بند اولار

سئوگیلینی قئناما ، اینانبرسان سئناما

دولانارام باشینا ، گلین اولسان آناما

سنه كونول باغلادیم ، چایلار كیمی چاغلادیم

من سنی بیر دویغو تك ، اوره گیمده ساخلادیم

قوشا خالین زیل قارا ، كیپریگینده میل قارا

اینانماسان عشقیمه ، آند ایچره م ایلقارا

تنها بیر اوتاقدا تك قالا‌جاقسان،

          پنجره اؤنونده دایانا‌جاقسان،

                      من گلن یول‌لارا بویلانا‌جاقسان،

                                   آرتیق بو دونیادا من اولمایاندا ...

یاشاسین تراختور

یاشاسین تراختور

1

گون آیدین تانریم
راحات یاتا بیلدین می؟
چووخ شوكور
ایچیمیزدن بیریسی
كابوس سوز اویانمیش!


2

شهرده‌كی ایشیق‌لاری سؤندوروب

بیر شام یاندیرین
گله‌جك كپنك‌لرین ساغلیغینا !



3


بو شئعیرده‌كی سؤزجوك‌لر
آنام باجیم اولسونلار
یاشماق وورسالاردا
وورماسالاردا
حیالارینی پوزمادان
سئوگینین سرینلیغینی
منیمله پایلاشیرلار

  1)

سئوگیمیزین قورتولان چاغی...
ایكیمیزده آغلاییریق،
من یاناق‌لاریمی قارالدان
سورمه‌لی گؤز یاشلاریمی دوشونورم،
سن‌سه گؤز یاشلاریندا
نئچه قیز بوغدوغونو چؤككه‌یه سالیرسان!

2)
سن اونو سئچدین
من‌سه سنی

من ایندی

عاصی بیر كولك
ایشیق آراركیمی‌یم
دیب‌سیز قارانلیق‌لاردا
بیر باشینا باشسیز كیمی دولاندیغیم
آینالارسان، سولارسان، چیچك‌لرسن
یاشات منی منه و بایقوشلارا
سوورولان قوملارام دا كولك‌لرده
كولك‌لرم ساچلارین‌لا اؤپوشن
 و تنهالیغام بیرباشینا یوخلوغونلا سئویشن
سن
سون نفسیمده‌كی آن قده‌ر غملی بیرحیس
دالغالارین سیغینامادیغی بیر لیمان
زامان سیلنمه‌دی آینالاردان
گؤزلرینین آیاق ایزلرینی
بو یالقیز قالابالیق‌لارا
بو قالابالیق یالقیزلیق‌لارا یاتمادی اوره‌ییم
اوره‌ییم گؤزلرینه قاچقین
اوره‌ییم
زامانین مفتیللی سیم‌لرینده آسیلی
قورتار منی نه اولور
قورتار بو دوعالارین قارغیشیندان
بیر بارداق
گیلاس شارابی كیمی باشینا چك
تبثومونده‌كی لوطفونه سیغیندیریب
دؤشلریندن ائیدیر
بو جیلیز اومودومو
 قییما آرتیق
قارانلیغین ایشیغینا اوتوران بومنه
قاراباغ شیكسته‌سی اوخویان بایقوشلا
یئتمیش میلیون قصورلا یاشاییرام بورالاردا
دَیمه قوی بو آجی‌دان سونرا
دنیزلری آنلاتسین منه گؤزلرین
باخ‌سانا بو داغلار، سولار و گؤی اوزو
سئوگی‌نین اَل یازماسی‌دیر جانلیجا
چایلار دنیزه كؤچورور اولدوزلاری
و دنیزین چیینینده‌دیر
بوتون یاشام آغیرلیغی
دنیزلر گولوشلرین قده‌ر دونیا
گولوشلرین دونیا قده‌ر خزه‌ر
اسگی بیر یئل دَییرمانیندا دئییل
بوز‌قیر بئیین‌لرده ایتیردین
او معصوم گولوشلرینی
شعری بیتیریرم داها
آنلاسانا
آنلاسانا نه اولار
سئوگی دئیه
آنلادا بیلمه‌دیییمی...

اؤنجه
گونشی سیلدیم
گؤی اوزوندن
سونرا
تانرینین یوخلوغونو
سونرا دا
الینه سیقارا وئردیییم
بیر قادینین
كده‌رلی گؤزللییینی
و داها سونرا
رسیم چكمه‌یی بوراخدیم!...

الیم سیزلاییر قلم توتماغدان

گویلوم بیلانیر یالان یازماغدان

اوخشامیر منیم سؤزلریم منه

یوریلمیشام دای اوزگه اولماغدان

اوز گوزیم توتوب یاغیش یاشماغی

توكولوپدی دادامی داماغدان

كوچلرده من تكلیه یورقونو

اینتیحاردایام بویون آسماغدان

گئچن گونلره گویلوم اسركن

چیرپینیر گوزوم دوست آختارماغدان

اما تاپانمیر، نواختی تكدیر

قورخودان اسیر یولا باخماغدان

سونونمز دتدن سارالدی ئوزوم

گویلوم قوجالدی جاوان قالماغدان

بیر گوش تكین من قفسده قالام

گوزلرین چالدی منی
بیر چالاغان ایلان كیمی
بو  قارانلیقدا یاتان
گوزی آچیق  قئوریلانی
او قدر تئز  چالدی ایلان گوزلرین
كی ماجال تاپمادی
گوزلر باش گوتیریب قاچماققا . . .

اوچ قیسا شعر

1)
ﺩﻧﯿﺰ ﺷﻬﺮﯾﻨﺪﻩ
ﺳﺌﻮﮔﯽ خیابانیندا
ﺗﮏﻟﯿﮏ ﮐﻮﭼﻪﺳﯿﻨﺪﻩ ﮔﺆﺯﻟﺮﯾﻤﯽ یومموشام...
ﮔﻞ..
ﺗﻮﺕ دوداقلاریمی
قارماقلی دوداقلارینلا
آی اووچو قیز


2)
سؤزلرین یالان دا اولسا
سؤیله...
سنین ده منیم ده
سیقاریمیز سئوگیلی دوداغیندا قالیب



3)
آل..
آچ...بیر نوشابه
یاشاسین اؤزگورلوك
اوچون جوشان بیر نوشابه