1)
سئوگیمیزین قورتولان چاغی...
ایكیمیزده آغلاییریق،
من یاناق‌لاریمی قارالدان
سورمه‌لی گؤز یاشلاریمی دوشونورم،
سن‌سه گؤز یاشلاریندا
نئچه قیز بوغدوغونو چؤككه‌یه سالیرسان!
2)
سن اونو سئچدین
من‌سه سنی
ایكیمیزده اودوزدوق...
3)
دنیز ده بیر گون قوروسا
نه سؤز قالار
نه سئودامیز...
گؤزلرینده یاشات منی!
اونون یاشی هئچ قوروماز...
4)
اوشاقلیغیمدا سارافون‌دا
ایندیسه ایپك بیر دون‌دا
قالیبدیر گؤزوم...
دویموشام اینسانلیق‌دان!
زنگین اولایدیم كاش
یادا پیلاستیك بیر مانكن!
5)
یئنی جمهور باشقانی
یئنه زنگین دئییلم!
هله ده گیزلینده بهمن‌له اؤپوشورم...
یولداشلاریم سا وینیستون‌لا
فرانسیزجا اؤپوشورلر چار راهدا...!!!
