حرفلر
آنلادیم گوزلریندهن
ابدییهتین نه اولدوغونو
اویرهندیم اورهیینده ن
لالهنین قان رنگینی
دانیشا بیلمهدیم
دویدوم كلمهلری
هوپدو وارلیغیما
هاوادا اوینایان حرفلر
آ...
زا...
د...
لیق.
سن ،
گوزومون دنیزینین ساحیلینده
ایشیق ساچان بیر مایاك سان.
سن،
عومرومون آخیشیندا
قانادلانان بیر آرزوسان .
سن،
اومیدین – حقیقتین اینامی سان.
محبتین سیناغی سان .
حیاتیمین آجی- شیرین چاغلاریندا
آرخام ، گوجوم
یول یولداشیم ،
اوره گیمین هامیسی سان .
قلب آتیر ، دیل اوخشاییر ، گؤز آغلاییر
هجریده ن یازدیخدا دفتر سیزلاییر
سطرلر ماتم توتور ، سؤز آغلاییر
من بیر یازیق شاعیر م
اؤز وطنیمده یم
غربتده یاشاییرام!!!!!!!
من غربت ائلده یاشایان وطنداشلار تك
وطن حسرتی چكمیر م!!!!!!!!
اؤز وطنیمده درین دوشونجه حسرتینده یم!
درین دوشونجه!!!!!!!!!!!!!!!!!!!!!!!!
نه‌یاخشی كی اوره‌یین‌له گلیب ده،
مسكن سالدین اوره‌ییمین ایچینده
یاخشی تاپدیم ایتیردیییم اؤزومو
اؤله‌جك‌دیم یالنیزلیغین هئچینده
سئویندیردین دامار- دامار قانیمی
چیچك- چیچك مست ائیله‌دین جانیمی
سئوگی- سئوگی آلدین دؤرد-بیر یانیمی
سنی سئچدیم، گؤزل‌لییی سئچنده
آزرائللی قوخویورسا سئوگی‌نی
هئجا- هئجا توخویورسا سئوگی‌نی
شئعیر- شئعیر اوخویورسا سئوگی‌نی
سنی گؤرور میصراعلارین ساچیندا.
یاشیــل گـوزلـریمی گــور؛دومانـــدا چك!
آیـــاق ایـزلـریمــی بـــو زامـــانـــــــدا چك
كونلومـــوز ائوینـــه گــول دامـانــــــدا چك
هـر بیرین چكیرســـن؛چك یوبانمـــا چك!
سئودانـی چكیرســن تـك؛یوبانمـــا چك!
باخدیم دالیسیجا یار گئدنده
بیر یولدا دئدیم باخار گئدنده
باخدی قاپیدان كئچنده گولدو
بیلمیردی اوره ك اومار گئدنده
باغلاندی دیلیم اوره كده ن آمما
آز قالدی چئكم هاوار گئدنده
گئتمه گئدیسن ؟ یاواش – یاواش گئت
جانیم بیلی سن چیخار گئدنده
دؤندر گؤزونو خومار – خومار باخ
قویما منی ده ، خومار گئدنده
سن سیزلیگه دوزمه گیم چتیندی
گل جانیمی آل قوتار گئدنده
سندن سورا عشقی نئیلیرم من
آل عشقینی ده آپار گئدنده
مهر ائیله نوازش ائیله بلكه
گول بیتسین اورك ده قان گئدنده
من گؤر نه دئییردیم اؤز اؤزومنه ن
قول بوینوما بیر سالار گئدنده
بیچاره اوره ك بولود كیمین دیر
گؤردوكجه سنی دولار گئدنده
دای « جعفری » بسدی سیزلاما چوخ
سؤز اوستادی شهریار گئدنده
ایراندا هونر دیلنچی لیك دیر
باخما كی تاپار ویقار گئدنده
ناحاق ائندیك او داغلارین باشیندان
گره ك اوردا قال اوغلی قال اولایدیق
عؤمروموزو گؤل عؤمرونه دؤندریب
زیروه ده قار ، پتك ده بال اولایدیق
آللاها تن ، حاققا یاردی زیروه لر
یارانیش دان دوم آق قاردی زیروه لر
عؤمروموزو اوجالداردی زیروه لر
ناحاق ائندیك او داغلارین باشیندان
اوفوق لرده قوش اولماق دا گؤزه ل دیر
شیمشك لره توش اولماق دا گؤزه ل دیر
لاپ او یئرده داش اولماق دا گؤزه ل دیر
ناحاق ائندیك او داغلارین باشیندان
حاق ائوی دیر هر داش اوتاق هر كاها
سالام وئریر دان یئرینه ، صاباحا
تئزه تئزه قووشوردوق آللاها
ناحاق ائندیك او داغلارین باشیندان