نه‌یاخشی كی اوره‌یین‌له گلیب ده،
مسكن سالدین اوره‌ییمین ایچینده
یاخشی تاپدیم ایتیردیییم اؤزومو
اؤله‌جك‌دیم یالنیزلیغین هئچینده
سئویندیردین دامار- دامار قانیمی
چیچك- چیچك مست ائیله‌دین جانیمی
سئوگی- سئوگی آلدین دؤرد-بیر یانیمی
سنی سئچدیم، گؤزل‌لییی سئچنده
آزرائللی قوخویورسا سئوگینی
هئجا- هئجا توخویورسا سئوگینی
شئعیر- شئعیر اوخویورسا سئوگینی
سنی گؤرور میصراعلارین ساچیندا.