قالغانلو گولو - خان كندی - گرمی - شرق آزربایجان


قالغانلو گولو - خان كندی - گرمی - شرق آزربایجان

آلیب خزان قوخوسون یامان خزانلاشیرام

دولوب- دولوب خزانادنیزله نیب داشیرام

دوروخسانیرخیالیم گؤزوم داشیر ایچیمه

یاشیل یاشیل باخیشیم گؤرورساری، چاشیرام

پاییزدولوباهارام نه گول گولور،نه ده یاز

اؤلوشكه میش چیچه یم سه ، اپریمیش یاشیرام

نه لاله وار نه چیمن نه نسترن گؤرونور

گولون سینیب گولوشو،سینیقلرین داشیرام

پاییزلاییب بوشهرنه بیرگولوش نه ده گول

شهردولو اؤلویم  باخیر گؤزوم،  یاشیرام!

اغلارام اخشام اولان وقتیده سنسیز گوزلیم

تك قالان دونیادا سن اغلاما منسیز گوزلیم

سن منیم نازلی گولوم سن گوزلیم دردین الیم

اوزون انصاف اله سنسیز نجه دونیاده قالیم

یــــــاشـــــاسیــــــن

یــــــاشـــــاسیــــــن

قبریم اوسته گه‌لر اولسوز منه بیر ساز گتیرین
حمدو رحمان یئرینه شور ایله شهناز گتیرین

فاتیحه ایستمیرم اؤزگه دیلیندن بئزارام
اؤز دیلیمده منه روح اوخشایان آواز گتیرین

عالیمین نغمه‌سینی، همده عدالت سازینی
بیرده هابیل كمانیندان منه ائجاز گتیرین

چونكی بیر فایداسی یوخ آغی دئییب آغلاماقین
اوخویون قوشما، گرایلی قیش اؤتوب یاز گتیرین

مئی ایچین تورپاغیمین اوستونه مستانه گلین
هم او مئیدن كی ایچنلر اونو دویماز گتیرین

قبریم اوستونده دوزون یان-یانا آل باده‌لری
نوش ائدین جومله‌سینی سیز یئنه‌ده آز گتیرین

او گؤزل حالتی وصف ائتمه‌ده عاجیزدی دیلیم
سئوگیدن نوشأت آلان بیر نئچه خوش سؤز گتیرین

ناز مؤقددسدیر اگر نازلی گؤزل صادیق اولا
ائی صداقتلی گؤزللر منه سیز ناز گتیرین

دوزدی من اؤلمزیدیم ائشوه-ناز اولدوردو منی
ائله بیر ناز كی آشیق جانینا قییماز گتیرین

آتا اولدوقدا كریم یاندی اوغول حسرتینه
چنلی بئلدن گؤروشه بیر دلی ائیواز گتیرین

قیش گئدیب یای, یاز گلیب

گؤله اؤردك قاز گلیب

قیفیل‌لاری آشماغا

حسن كلیدساز گلیب.

×

حسن آقا سوستالما

اوراق زاد اله آلما

كلیدین دسته‌سینی

الیندن یئره سالما!

×

عزیزینم قاچ حسن،

تلس حسن، قاچ حسن

دیلیمیز باغلی قالیب

كلید گتیر آچ حسن!

×

عزیزینم گؤتورمه

داشی یئكه گؤتورمه

محكم دوت سال بوینووا

كلیدلری ایتیرمه!

×

حسن وار آ حسن وار

باریشان وار، كوسن وار

یول چینقیللی، داشلیدی

حرامی، یول كسن وار!

×

 ناامید اولما امیددن

میغایات اول كلید‌دن

ائللر حمایت ائده‌ر

دار گونونده ایگید‌دن!

×

امید وئردین ایرانا

مژده قوجا، جاوانا

محاصره‌نی سیندیر

بیر كلید سال زندانا!

×

كؤرپو كئچمز اولماسین

شربت ایچمز اولماسین

انشالله كی هئچ وده

قیفیل آچمز اولماسین!

×

آز بیزه گل گل ائیله

آیاق گؤتور ال ائیله

وعده‌لری ائشیتدیك

رأی وئردیك عمل ائیله!

محمدحسین طهماسب‌پور شهرك(میرزا)

باغلاریندا اوزوم وار،

گئتمه دایان سوزوم وار،

گوزلریندن قورخورام،

قاشلاریندا گوزوم وار


     
      

آیاقلاریم

بو داغدان آشانمادیلار

یولداشلاریم ...ساواشانمادیلار

یانغین بیر سئوگینی یاشاییر دوداقلاریم!

قوللاریم

اللریم

بارماقلاریم

... آددیم - آددیم اللریمی داغلاییرام!

بیر دنیزین درینلیگینده آغلاییرام

***
دامارلاریمدا قان قورویوب

گؤزلریمده یاش

آیاق اوسته جان وئریرم

یاواش
یا
وا
ش!!!

اوزومو قویدوم چانتاما !

یوكسه لدیم یوكسه لدیم . . . .

زیروه ده الیمی اوزاتدیم
 
سنه  . . .
 
چاتمادیم

چانتادان چیخارتدیم اوزومو

قویدوم ایاقلاریم آلتینا

 اوجالدیم!

آد گونومه
               
. . .. چاغیردیم اوزومو

گلمه دی
             
 اونودولموشسان دئدی !

✫☾ ✫☾ ✫☾ ✫☾ ✫☾ ✫☾ ✫☾ ✫☾ ✫☾
اگر سئوسـه ائل سنی!
یئخا بیلمز سئل سنی!
نامرده بویون ائیمه!
قوی آپارسین سل سنی!
✫☾ ✫☾ ✫☾ ✫☾ ✫☾ ✫☾ ✫☾ ✫☾ ✫☾

قادیرآللاه یامان عصره قالمیشیق
قجله اؤرده گه اوزمك اؤرگه دیر
ایكی ایپی باغلایانمیر بیر-بیره
زرگره ، مروارید دوزمك اؤرگه دیر
اؤردك تك اؤزونو بنزه دیر قازا
ائوینه گئدنده آز قالیر آزا
اؤزو اؤز آدینی باجارمیر یازا
ادریس پیغمبره یازماق اؤرگه دیر
بئش تومن پول تاپیب ایتیریب یولون
مست اولوب تانیمیر ساغ ایله سولون
قازیب چیخاردانمیر بیر یاوشان كولون
فرهادا قایالار قازماق اؤرگه دیر
دده كاتیب دولوب صبرین چاناغی
یامان توتوب چاققاللارین اویناغی
بئش قدم گئدنده آزیر ایاغی
رستمه میداندا گزمك اؤرگدیر