قبریم اوسته گه‌لر اولسوز منه بیر ساز گتیرین
حمدو رحمان یئرینه شور ایله شهناز گتیرین

فاتیحه ایستمیرم اؤزگه دیلیندن بئزارام
اؤز دیلیمده منه روح اوخشایان آواز گتیرین

عالیمین نغمه‌سینی، همده عدالت سازینی
بیرده هابیل كمانیندان منه ائجاز گتیرین

چونكی بیر فایداسی یوخ آغی دئییب آغلاماقین
اوخویون قوشما، گرایلی قیش اؤتوب یاز گتیرین

مئی ایچین تورپاغیمین اوستونه مستانه گلین
هم او مئیدن كی ایچنلر اونو دویماز گتیرین

قبریم اوستونده دوزون یان-یانا آل باده‌لری
نوش ائدین جومله‌سینی سیز یئنه‌ده آز گتیرین



دوشنبه 21 مرداد 1392
بؤلوملر : قـاریشــیق,