یاتاق
بیر اوشاق،
وارییدی دونیادا.
یاشاییردی، خییاوانلاردا.
آتاسی آلیشقان،
آناسی آرالیقدا.
یاتیردی، كارتن لاردا،
ایستی ایسه سویوق لاردا.
آرزیسین، هر زامان،
اوندان سوراندا،
دئیردی: اولاردی منیم اوچون،
بوتون دونیادا،
بیر اوتاق،
بیر یورقان،
بیرده تك یاتاق!
سؤز: حسین واحدی
اوشاق
بیر اوشاق آغلاییرسا
آسیادا
آفریقادا
دونیادا
او اوشاق بیزیمدیر.
آغلایان اوشاقلار گولورسه
آسیادا
آفریقادا
دونیادا
او دونیا هامیمیزین دیر.
اورهان موراد
بلكه!
بیر بنده آللاهدان سوروشدو:
منیم آلین یازیمی یازیبسان سا، ندن دوعا ائدیم؟
تانرى دئدى: بلكه یازمیشام هرنه دوعا ائتسه...
عالم گؤزل...
تانریم،
منه دینجلیك وئر، سئومك، الدن یاپیشماق، اؤز گوونج، یولداشلیق، باریش سئورلیك و بوتون گؤزلیك‌لری وئر...
بوتون اینسانلاری سئومك ایسته‌ییرم، باریشی، گؤزل‌لییی اونلارلا پایلاشماق ایسته‌ییرم...
عزیز تانریم، نه گؤزل اولار بئله یاشام،
یولداش اولوب، باریش ایچینده ال- اله وئریب سئوینج له یاشایاق...
اوشاقلاری سئوك، سینیرلاری قالدیراق، اوركلره ایشیق ساچاق، كیمسه‌یه ضرر وئرمه‌ییب، الدن توتاق، بیر-بیریمیزه گولمك یئرینه، بیرگه گولك، سئوینجی بوتون گؤیه، یئره سه‌رك...
عالم گؤزل، حیات گؤزل، سئونلرین گؤزلرینده...
یاغیش
آیین‌شایین، هاوا چاخدی. بولودلار دیسكینیب آغلادی.
Yağış
واختین خئیر آللاهیم
یازار:حسین واحدی
سلام آللاهیم، هر واختین خئیر اولسون، یئنه اوره‌ییم داریخدی و یئنه سنه گلدیم آللاهیم، اوره‌ییم چوخ دولودور، یامان كیمسه سیزله‌ییب، یئنه سؤزلریمی دئمه‌یه كیمسه تاپا بیلمه‌ییرم، یانی دئمك اولار، كیمسه یوخدوركی! آللاهیم دئدیگیم كیمی اوره‌ییم چوخ دولودور، چوخ!
اینسانلاردان چوخ داریخمیشام، كیمسه‌یه نه قدر یاخشیلیق ائدیرم، عوضینه پیسلیك گؤرورم، نه قدر چالیشیرام بو پیسلیك‌لره قارشی اولوب عوض آچام ائده بیلمه‌ییرم و گئت- گئده بو اینسانلار اوره‌ییمی داها چوخ سیندیریرلار، آللاهیم نه ائدیم، نه ائتمه ییم، قالمیشام، اؤزون كؤمك اول، سندن سونرا كیمه گیلئیله‌نیم، كیمه دئییم سؤزومو، كیمه آچیم اوره‌ییمین سوفراسینی؟!
آللاهیم چوخ سئویرم هامی‌یا فایدالی اینسان اولام، یاخشیلیق ائدم، الدن توتام، دؤزملو اولام، سینمایام، هرآن یاشایام و یاشاماقدان داد چیخارام، سنه یالواریرام آللاهیم سندن سونرا كیمسه منه یاردیم ائده بیلمز.
اومود وئر منه، گؤزل حیات، صالح اؤولاد، غم‌سیز یاشات، اوغور یارات، اینسانلیغی- باریشی چوخات، آللاهیم- آللاهیم، آنجاق فقط سندن ایسته‌ییرم، گؤزل حیات، گؤزل حیات.
بیلمزدیم درد نـدیر سن اولماسایدین
گؤزلریمدن آخـــان قان اولماسایدین
ایگیدلر باغیـــندا شنلیك قوراردیم
نامردلر بالـــتاسی سن اولماسایدین
آمان ائللر منی واختسز قوجاتدی
ناموس دردی غیرت دردی عار دردی
سیزائله بیلمیین چكیرم بوگون
دولت دردی شهرت دردی وار دردی
ایتیرمیشم وطنیمی ائلیمی
سینه مین اودلاری یاخیر دیلیمی
كسیب طاقتیمی بوكوب بلیمی
باهار دردی امك دردی بار دردی
آنا دردی وطن دردی یار دردی . . .
یئل اسیر داغ سینه سینده اویناییر نازلی چیچك
سنین ده بیر گون اولار نوبهارین ای بولبول،
بو ذوق سوز، بو صفاسیز بهاره یالـــــوارما!
اوْ چرخی-فلكدن شیكایتیم وار،
چۆنكی اوْندا بیر عدالت گؤرونمور.
وئریب آغالارین الینه بیزی،
چكدیگیمیز آغری، ذلت گؤرونمور.
بۇ نئجه ایّامدیر، نئجه زاماندیر؟
اۆركلر قان آغلار، الله آماندیر!
ایشله‌ین رعیّت، كئیف چكن خاندیر،
آغلایانا بیر اینایت گؤرونمور. 
قالمشام حسرته من هر دم سنی یاد ایلرم
آغلارام ساعت به ساعت عمرو برباد ایلرم
ایسترم نامه یازام بادی صبادن گوندرم
یازماز قلم تو تماز الیم آخر دا فریاد ایلرم
