هـر گیجه كی مـن یاتیرام، سن اُولمـاسـان اُویانمارام
شـاید شیـرین جـان‌دان دویام، آمّا سـن‌دن دویانمارام
یـرده سنی سـراغلییپ، گـوی‌ده سـنه راسـلامیشام
گـوی‌ده‌كی اولـدوزلاری‌دا، سـن اُولماسان سایانمارام
مـن نــه قــدر اوزخـلاشـیپ، هـر نـه قـدر یـاخینلاشام
بـویـــاخ ایــدر عشقــیمیزی ، آیــریــسینــا بــویانمارام
فــــكر ایــلییپ اُو گــــون‌لــره، تیتــردیــرم اوز جــانیمی
گــل بــاشــیمی قــوجاخلا كی، آیــری یره قـویانمارام
ور منـــه تیــز ال‌لــریــوی، بـــوز باغــلییپ دونــور الــیم
دنیــا اگــر بهشت اولا، ســن‌سیــز اولــوپ، دایانمارام
طاقتیمی طاق ایتمه‌سه، سن‌سیزلیقین چتین‌لیقی
یــاندیــرمــاز آیــری اوت منی، اوت اولا دنیـــا، یانمارام
صبــر ایــلییپ گــوزتــلرم، آیــری یــولا ســو سپــمــرم
هـر بیــر زادین جایماسینا ، من قوشولوپ جایانمارام
صفحــه دونـــر، بــولــود گیــدر، محبتــین گــونی گـــلر
اینــیمــه آق دون گییـــرم ، عمــر بــویی ســویانمارام
عمــریــمی ده، جـــانــیمی ده، لازم اُولار فــدا ایــدیپ
ســن عــزیــزین بیــر ذره ده، اینجیــمــه‌نــه قییانمارام
مگــر ســنین شیــرین‌لیـقین ، فـرهاد ایده منی سنه
اُویــان جانیم یوخســا داغی، فرهاد اُولوپ، اُویانمارام
مــن آینــایا بــاخــان زمــان، گــوزلریمه ســن گلیسن
مــن سمكــم دویــام جـانــا، جــانیم سنـه دویانمارام
اللرین ال‌لریمه دیینجه
فلاكتیم اولوردو آغلاردیم
منی سئومیردین بیلیردیم
بیر سئودیگین واردی حس ائدردیم
چوپ كیمی بیر اوغلان، ایپ اینجه
فایداسیزین بیریدی فیكریمجه
نه زامان قارشیمدا گؤرسم
اؤلدوره‌جه‌ییمدن قورخاردیم
فلاكتیم اولوردو آغلاردیم
نه زامان «ماچكا»دان كئچسم
لیمان*دا هر زامان گمی‌لر اولوردو
آغاج‌لار قوش كیمی گولردی
بیر یئل عاغلیمی آلیردی
سسیزجه بیر سیگارا یاندیراردین
بارماق‌لاریمین اوجونو یاندیراردین
كیپریك‌لرینی اَیَردین باخاردین
اوشوردوم ایچیم دیسكینیردی
فلاكتیم اولوردو آغلاردیم
آخشام‌لار بیر رمان كیمی بیتردی
«ژیزابئل» قان ایچینده یاتاردی
لیمان‌دان بیر گمی گئدردی
سن قالخیب اونا گئدردین
بنزین موم كیمی گئدردین
صاباحا قدر قالیردین
فایداسیزین بیریدی فیكریمجه
گولدو مو جنازه‌یه بنزردی
هله سنی قول‌لارینا آلدی می
فلاكتیم اولوردو آغلاردیم.
بئله سیزیلداما تئلینه قوربان
چالما بوهاوانی اؤلدورور منی
دوداغینا قوربان ، دیلینه قوربان
چالما بوهاوانی اؤلدورور منی
نه گه لیب باشینا ، نه اولوب سنه؟!
یئنه ده تئللرین بورونوب چه نه
كیمسه یانمایاجاق اؤلنده منه
چالما بوهاوانی اؤلدورور منی
بیر تئلین آغلاییر ، بیر تئلین گولور
بیر تئلین گونشین گؤز یاشین سیلیر
سنه یالواریرام ، چالما كیم بیلیر ؟ !!
چالما بوهاوانی اؤلدورور منی
هاوایا باخیرام دوماندی ، قاردی
پرده لر قاریشیر گؤره ن نه واردی!!
بو هاوا باغریمی شاققادی یاردی
چالما بوهاوانی اؤلدورور منی
بیر چیچه یم كوللار اوسته
یورقون آرقین یوللار اوسته
آل قوینونا دسته -دسته
آپار منی - آپار منی
بورا شاختا بورا قاردیر
بوردا دونوب هر نه واردیر
اولوب قالان «سون باهار»دیر
آپار منی - آپار منی
«آی باخیشلی» دنیز قیزی
اؤزون بوغور دان اولدوزو
باس باغرینا قیپ - قیرمیزی
آپار منی - آپار منی
یاریم نیسگیل یاریم یارا
توش گه لمیشم یازدا قارا
گه ل بو قاری یارا - یارا
آپار منی - آپار منی
گه ل كؤكومدن قوپار بیر گون
هئچ اولماسا آپار بیر گون
منی گه زه ن تاپار بیرگون
آپار منی - آپار منی
چكــــرم نازیـنی نازلان گــــوزی جیــــــران منه باخ
منه بـاخ سئـــوگلی جانان ،جان آلانسان منه باخ
حسرتیـن دن یانارام شمـع كیمی هرگون گئجه لر
نه دوربسان سونـور عـومرون شمع جانان منه باخ
سـاخلارام گوزلریم اوستینده عــــزیزم سنی من
سینه ام اوستــــونده یاتان گـــوزلرنی آچ منه باخ
هلــه كی سئویریك بیرـ بیریمیزی
باشقا بیریسینی سئوه بیلمزســـن
بو اوجاق سؤنوب سه توستوسو قالیب
الینده الیمین ایستـی سـی قــــالیب
باشقـا بیریسینی سئـــــوه بیلمزسن
یولونو بیر یوللوق ایه بیلمیــــرسن
منه « یوخ » سؤزونو دئیه بیلمیرسن
باشقا بیریسینــی سئوه بیلمزســن
باهار گوللریمیز غنچه ده سولـــور
هلــه كی گؤزلرین منی آختاریــر
باشقـا بیریسینی سئـوه بیلمزسن
دئییردیك بو ایلقار پئیمان پوزولماز
بئله سئوه ـ سئوه آیریلیق اولمــاز
باشقا بیریسینی سئوه بیلمزسن
نصرت كسمنلی
سن اونوت دئمیشدین
منده اونوتدوم ...
یاشاتدیق اؤمورده نئچه سوالی
دوستلارین «نییه»سی جاواب سیز قالدی
جسارت ایستردیم ایچه سوالی
او نه منده اولدو
نه سنده اولدو
بیر آخشام اللرین گؤیرچین كیمی چیخدی الیمدن
باهارا بو شاختا هاردان دوشدو،
چمنلر سارالدی، گوللر بوزوشدو
آتیلدی دیلیمدن «قاییت!» نیداسی
سن اوندا كولك لر آپاران قاییق-
منسه تنها قالان حسرت آداسی .....
اوزاقدا دئییلدین،
یولون بیر آددیم
ووقاریم قویمادی بیر آددیم آتیم
سن ائله بیلیرسن قورتاردی هر شئی؟
سن اونوت دئمیشدین
منده اونوتدوم ؟؟؟!!!
