گوز یاشلاریمین دامجی لاری داشلاری قازدی
گؤردوم آدینی آخیر اولار داشلاری یازدی
اوولده گرك من بو گونون فیكرین ائدئیدیم
لعنت اؤزومه ایندی منه نئیله سه آزدی
بیر ساده باخیش باخدیم اوگون من اونا آمما
یوخ جنبه اوره كده آخی تئز یولدان او آزدی
آلدیم خبر آخیر نه ائدیب سن اوره یه سن
سووزگون گؤزونون گؤرمه یینه بیر بئله بازدی؟
🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽🗽
بلكه ده گلدین بیر گئجه ،
بلكه ده آشدین بیر آخشام
گؤروش زیروه لرین
بلكه ده دؤگدون ئیل بارماق لاریلا
سنسیزلیك توزونا قویلانمیش قاپیمی
بلكه ده دولدون بیر گئجه
باخیش آینالارینا :
یادلانماز بیر اؤزلوك كیمی
بلكه ده گلدین
اورگیمه سیغماز بیر سئوینجین
اینامی تك
دویغو كیمی
گؤزلریمدن سوزولوپ
گئتمگینی دوشوندوم
بلكه ده گلدین بیر گئجه
بلكه ده ...
*•.¸¸.•*♥ ♥♥ ♥*•.¸¸.•*♥ ♥♥ ♥*•.¸¸.•*♥ ♥♥ ♥*
آخیر آغلاتـدیـن منـی، بیگـانـه لـر گـولسـون منـه
شمع تك یاخدیـن منـی، پـروانـه لـر گـولسـون منـه
منـده یــالــواررام گــؤزوم یــاشیلــه، پیــر میكــده
ائیله مست ائیتسین منـی، مستـانـه لـر گـولسـون منـه
پرتوِ خـورشیـدِ روییـن جـام ِ مئـی ایچـره گـؤروب
آغـلارام، قـوی دؤره ده پیمـانـه لـر گـولســون منــه
قورخورام سّر دهانین، مئی ایچیـب فـاش ائیلـه یـم
مست اولام كیم، عارفِ میخـانـه لـر گـولسـون منـه
بـاغـلا اول زنجیـرِ زولفـونلـه مـنِ ســر گشتــه نــی
قویما كیم، صحـرا نشیـن دیـوانـه لـر گـولسـون منـه
لیلی وش زولفونـدن آیـری ایستـه رم، مجنـون اولام
قوی ائشیتسیـن بـو سـوزو فـرزانـه لـر گـولسـون منـه
ییخابیلمه زدی، فلك اولسایدی، ییخدی هیجرِ یار
واحـدم، قـوی سـاكـنِ ویـرانـه لـر گــولســون منــه
*•.¸¸.•*♥ ♥♥ ♥*•.¸¸.•*♥ ♥♥ ♥*•.¸¸.•**♥ ♥♥ ♥*
گئتمه ك ایسته یرسن ؟ بهانه سیز گئت
اویاتما مورگولی خاطره لری
سه سین همان سس دیر باخیشین ئوگی
گئدیرسن ؟ سه سینده یاد اولسون باری
سن دنیز قوینونا توللانمیش چیچه ك
اوستونه دالغالار آتیلاجاقدیر
ساختا محبتیین / ساختا سند تك
نه واقت سا اوستونده دوتولاجاقدیر
دوشه نیب یول لار تك آیاغلارینا
سنه یالواریم می ؟ بوممكن دگیل
قویمارام قلبیم تك وقاریم سینا
آلچالیب یاشاماق عومور گون دگیل
دئمیره سن اوجا بیر داغسان اگیل
دئمیره م قالیب دیر علاجیم سنه
نه سن ده محبت قاراپول دگیل
نه من دیلنچی ام ال آلچیم سنه
گئتمه ك ایسته یرسن؟ نه دانیش نه دین
یوخ اول اوزاقلارتك دومان دا چن ده
نه یمی سئومیش دین آ ظالیم منیم
ایندیسه یوز عیب گوریرسن من ده
من سنی اونودا بیلمیرم ، آخی
اونوتسام نه لری اونودام گرك
گؤیلره باخمیشیق آیلی گئجه ده
اونوتسام گؤیلری اونودام گرك!
دنیزی اونودوم، یا دالغالاری
خاطیرن یادیمدان چیخایدی باری
پاییزدا خزانی، قیشدا سا قاری
باهاردا گوللری اونودام گرك!
دئ نئجه اونودوم من سنی نئجه؟
سئوگی دورنا دئییل پاییزدا كؤچه
یوخوما گلیرسن منیم هر گئجه
آیلاری، ایللری اونودام گرك!
سنین خیالین دیر حسرتله باخان
آدین دیر هر ساعات قارشیما چیخان
قاریشیب شكلینه گؤزومدن آخان
یاغیشی، سئللری اونودام گرك!
سینمده پشیمان اورگیم قالدی
اوچدون اللریمده لعلگیم قالدی
نه لری ایتیریب، باخ نییم قالدی
نه لری، نه لری اونودام گرك! 
دئییرسن : « سئومیرم ، چكیل یولومدان ... »
بس كئچن ایل منه دیل نییه وئردین ؟ !
ایلك باهار چاغیندا چیخیب قارشیما ،
قیزارا – قیزارا گول نییه وئردین ؟
گل اوخو عشقیمین جان كیتابینی ،
قیرما ، اورَییمین قیرما ، ساپینی ،
بیر زامان اوزومه آچیب قاپینی ،
گوللو باغچانیزدان یول نییه وئردین ؟
دیندیرسم بو یئرده ایندی هر كیمی ،
دئیجك دردیمین سن سن حكیمی ،
اگر سئومیردینسه ، خاطیره كیمی ،
ایپك ساچلاریندان تئل نییه وئردین ؟
سنده گل آرتیق گولوم.
گوزلیییرم سنی،
گونوز،گونشی گوزلیین گیبی،
گئجه،آیی،
یئر،یامورو،
بولبول،گولو،
عاشق،معشوقی گوزلیین گیبی،
گوزلیییرم سنی.
گل،
باهاریم باهار اولسون،
یازیم دا قوی اول یازلاردان اولسون.
گل،
عالمه سویلیییم،
گولوم،
گونشیم،
آییم،
یاموروم،
آشكیم،
آشكیم گلدی،
گوزوم آیدین اولسون.