سسله میشم گجه گونوز آدینی
اورك هله اونودماییب دادینی
گوزلریمده گزدیریرم یادینی
داغلار بیلیر یولار بیلیر سنده بیل
سن گوزومون ایشیغی سان ,جانیم سان
آیدینلیغیم ,سحریمسه ن ,دانیم سان
اوره ییمی دولدوروبسان قانیمسان
داغلار بیلیر یولار بیلیر سنده بیل
چوخ گوزه للر گوردوم آختاردیم بوتون دونیانی من
تاپمادیم عالمده اوز كونلوم سئـــــــــون جانانی من
بی نوا پروانه لر تك یئتمه دیم مقصــــــــــــود یمه
عشق سوداسیله یاندیردیم بو شیرین جانــــی من
نازنین آهو باخیشلی چوخ پری لرگورمــــــــو شم
سئومه دیم اوزسئوگیلیمـــدن باشقابیرجیرانی من
دئمیرم "سئو" كی سن سئومه یه جكسن
بیلیرم ، چوخداندیر داشا دؤنوبسن
وئردییین سؤزلرین آلتیندان قاچیب
یا سئوگی خیالمیش یا سن چؤنوبسن ؟
سنین بو گونلرین كیمه پای اولوب ؟
بیر چیچك اكمیشدیم آخار ساچینا
بیلمیرم او چیچك هایاندا سولوب ؟
منیم كئچمیشیمی قایتارانمادین
بو گوناه بیر عؤمور سنله قالاجاق
سعادت قوشودا چیینینه قونسا
قارغالار حایفیمی سندن آلاجاق
بیر قوشام غملر یوروب گزمــكده خوش گلمیر منه
باده لر بیر بیر دولور ایچمكده خوش گلمیر منه
غملرونـدن بیـر زامــان شاهلیق ائدردیم عالمه
سن گئدن گونن بری غملر ده خــــوش گـلمیر منه
عطریوی آلریدم هـر سحر یئللره اسنده سئوگیلیم
ایل گلیپ آیلار گئچیپ گونلرده خــوش گلمیر منه
