گؤزلر نئجه گولسون بس، سنكی یوخسان یانیمدا،قملی گؤزوم آختاریر، سنی دردلی آنیمدا.

بیلمزدین عذابلار چكجكسن سن،

بیلمزدین دیریلیب اؤله‌جكسن سن.

آغلاماقدان واللاه توكنه‌جیسن،

آغلاما اورگیم آغلاما داها.


قویما دوشمنلرین باخیب گولسونلر،

قویما درت سرینی اونلار بیلسینلر.

ایزین وئر گؤز یاشین دوستلار سیلسینلر،

آغلاما اورگیم آغلاما داها.

گر بیری چپ باخسا سنه دونیاسینی قان اِلرم
اُولدوره رم مـــن اُو ایتی جانینی بی جان اِلرم
قوربانینام ای مارالیم دردین اگـــــــــر داغجا اُولا
داغلاری یئــــــردن گوتوروب دردیوه درمان اِلرم
گَل گؤزلیم سن یانیما كی سن اگر اُولمویاسان
هـــــــر گئجه گوندوز اُوتوروب ناله و افغان اِلرم
آند ایچیرم آللاهیما سُون قانیمین دامجیسی جا
من سنین عشقینده یانیب عالمی حیران اِلرم
سندن اُولان سئوگی ده من بویله یئكتدیم آدیمی
ایندی بو دِینین عوضی جان سنه قوربان اِلرم

گؤیدن یئره نیفرت یاغیر
ساغیم گؤرمور،صولوم دویمور
هر ایكی سی بیر خیالدا
یالنیز بیرجه اؤیونجاخلار اویانماسین
ساغیم چملی،صولوم چیسگین
دؤرد بیر یانا یؤلوم چیسگین
من دوز یولون یولچوسویام
ساغا دؤنمز،صولا دؤنمز اوجالانار
گؤیه انمز یره منیم یولوم
ساغ قارانلیق گئجه كیمی
صول یالاننان ایشیقلانیر
بیر چیچكله یاز یتیشمیر
تام تارلالار گول آچماسا یارینلارا
بیر چیراغلا گونش دوغمور
دان سؤكمه سه قارانلیغی
یالنیز بیرجه اویونجاخلار اویانماسین
بیر سؤز وار بیر دؤرد یولون آیریمیندا
ایتیرمیشم ئوزوموده
 چینییرم سؤزوموده..

من سنن آیریلیب كوسنده یازیخ
سنه قاییداندا ئؤزل له شیرم
گؤز گؤزه گله نده ائولوب دییریلیب
تازادان دوغولوب دوغولوب ازل له شیرم
سنه هر گؤردوهده هؤرولمییچون
ئورییم توكولور دریلمه ییچون
 ایاغلارین آتدا سریلمه ییچون
ساب ساری سارالیب خزل له شیرم
سنین چون ئورییم دیلم دیر دیلیم
سن وصال دنیزیم سئوگی ساحیلیم
چیركین اللریمله گؤزل سئوگیلیم
سنه توخوندخجا گؤزل له شیرم...

اوریـیم غم دولـو غمسیزله میشم

كاش بیلیدین نئجه سنسیزله میشم

هچ زامان گلمه دیم سوگییه قاباق  
دالینجا سوروندیم ایزلرین سایاق
 گتدین الیمه اولمادین دایاق
 سورونه سورونه گلیرم منده

Benim küçük sevgilim
Sen bana neler yaptın
Böldün parça parça
Onlar bilmez onlar bilmez
Bakarlar yüzüme
Sanki yoksun gibi

یار كولگه سین

یار كئولگه سین گورنده

چیلغین-چیلغین تیتیره میش اورگیم

قویمور سوزلریم دوداخلانا

و دیه ...

سئللش میش دامجی گوز یاشلاریم

كیرپییمه آسلانمیش دویغونو بوغور

و قویمور دیه ...

و دیلگیم اوزانیب ایللش میش لحظه لره گیلئی لنیر.

كیم بیلیر

بلكه بیر آز ایره لی ده

قلمیم بوغولموش دویغونون دوداخلانمامیش سوزلرینی

یازا و دیه

یار سیز یاشاییش هئچه ده باهادیر.

بهانه سیز گئت،

اویاتما مورگولو خاطیره لری.

سسین همن سسدیر ،

باخیشین اؤگئی،

گئدیرسن،

سسین ده یاد اولسون باری...

سن دنیز قوینونا تولانمیش چیچك،

اوستونه دالغالار آتیلاجاقدیر.

ساختا محبتین ساختا سند تك

نه واختسا اوستونده توتولاجاقدیر.

دوشه نیب یوللارتك آیاقلارینا

سنه یالواریم می...

بو مومكون دئییل!

قویمارام قلبیم تك ووقاریم سینا

آلچالیب یاشاماق عومور-گون دئییل.

دئمیرم سن اوجا بیرداغسان،اییل،

دئمیرم فالیبدیرعلاجیم سنه.

نه سنده محبت قارا پول دئییل،

نه من دیلنچییم ال آچیم سنه...

گئتمك ایسته ییرسن...

او یول اودا سن...

بیر جوت گؤز باخاجاق آرخانجا سنین.

گئتدین می...

نه واختسا دؤنمك ایسته سن

تیكانلی یاستیغا دؤنه جگ یئرین.

گئتمك ایسته ییرسن...

نه دانیش ،نه دین!

یوخ اول اوزاقلارتك دوماندا، چنده...

نه ییمی سئومیشدین؟

دئییه بیلمه دین،

ایندی یوز عیب گؤرورسن منده.

گئتمك ایسته ییرسن،

بهانه سیز گئت،

اویاتما مورگولو خاطیره لری.

سسین همن سسدیر ،

باخیشین اؤگئی،

گئدیرسن،

سسین ده یاد اولسون باری...

بو گئجه یاتماغا تله سیرم من

سئوگیلیم یوخوما قوناق گلجك !

اوتوروب اؤنومده او ظالیم قیزی

گؤزل بیر سحردن ناغیل دئیه جك

بو گئجه منیم یوخولاریمدا

داغلارین باشیندا تونقال یاناجاق

بو گئجه كندیمیزین بور ـ بوجاغیندا

بوتون سئوگی لیلر قوناق اولاجاق

 بو گئجه یاتماغا تله سیرم من

یوخومو سنین چون ناخیشلامیشام

ایسته رسه سحر اولسون ، دورمایاجاغام !

بو گئجه یوخومو سنه وئرمیشم

چوخداندیر سنینله گؤروشمه میشم

بو گئجه یوخومدا گؤروشومه گل

بو اورك ائویم قوی سنین اولسون

اوتوروب ایچینده بیر آزچا دینجل

بو گئجه سنین دیر ، بو یوخوم سنین

بو گئجه عؤمرومون ان خوش چاغی دیر

بو گئجه سن ایله اولدوغوم یوخو

بوتون یوخولاریمین پادشاهی دیر ...

هئچ كس یولداشسیز اولماز

هئچ گوز كی قاشسیز اولماز

یارا چاتان یوللارین

هئچ بیری داشسیز اولماز

لای لای دئدیم گونده من         كؤلگه ده سن، گونده من

ایلده قوربان بیر اولسا             سـنه قـوربان گونده من

***

لای لای دئدیم اوجادان             چئخسین سسیم باجادان

آلله سـنی ساخلاسـین                بوغـمادان، قیزیلجادان

بیر قارانلیق گئجه نین یورغون كوچه سینده

گؤزلردن آسیلی سویوق

یاغیشلاری اوشودور

من گئدیرم

بیر قارا آرابادا

دوداقلاریمدان گولوش دوندوماسی

هله ده آخیر

گؤزلریمدن آیریلیق سالخیم ــ سالخیم تؤكولور

آرابا كوچه یه یاییلیر

كوچه لر ، من سیزلیگی بیر ــ بیریلن پیچیلداشیرلار

پیچیلتیلارسنین قولاغیندا جینگیلده ییر

سن یوبانمادان كوچه یه قاچیرسان

آرابا گؤزلرینین اؤنوندن سوروشور

گئدیرم آمما

آنی لار ، بیر آن بئینینده تولانیر

تله سیك آددیم لاریم ، سنی آردیمجا چكیر

گؤزلرینده كی حسرت یاغیشلا ، آخیر

سن هونكور،هونكورایتگین نیسگیللریمی آغلاییرسان

دورمادان

قارا آرابا یولونو گئدیر

سن خییاوانلارا یاخیلمیش سئوگینی

ایزله یه ــ ایزله یه گلیرسن

بیردن اوره یین بورخولوب دایانیرسان

قارا آرابا دایانیر

بورا . . . !