گئجه لر فیكریندن یاتا بیلمیرم
بو فیكری باشیمدان آتا بیلمیرم
نئیله ییم كه سنه چاتا بیلمیرم
آیریلیق، آیریلیق، آمان آیریلیق
هر بیر دردن اولار یامان آیریلیق
اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق
یادیما دوشنده آلا گوزلرین
گویده اولدوزلاردان آلام خبرین
نئیله ییم كسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق
آیریلیق دردینی چكمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق
نئجه كی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق
ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن
آیریلیق، آیریلیق، آمان آیریلیق
هر بیر دردن اولار یامان آیریلیق
اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق
منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق
سئوگی سی هاردادیر، هانی فرهادین
دییه ره ك چیخاجاق جانی فرهادین
آیریلیق، آیریلیق، آمان آیریلیق
هر بیر دردن اولار یامان آیریلیق
ای گل سنی دنیایه مقابل توتــــــارام مــــــــــــــــــــن
دنیا منیم اولسا سنه خاطر آتـــــارام مــــــــــــــــــــن
ناز ایلمه . منن ائوزوی چكمـه كنـــــــــــــــــــــــ ـــاره
اولدوز اولاسان گویده سنه یول تــاپــــارام مــــــــــن...
قانلی اللریله بو قانلی زامان
خیال كؤینییمین دویمه سین آچیر
گوروش دونیاسیننان الیمی ئوزور
یئنه ده بوشلامیر آردیمجا قاچیر
باخیرام بیر اتك كدر اوجادان
باشیما اله نیر بؤز بولوتلاردان
خیالیم تارلاسین بؤرؤیؤر خزان
خیال چیچك لریم آسیلیر داردان
گؤم گؤی ،گؤی گؤزومده قارالیر یامان
سنسیز ئوشویورم ئوشونورم من
ئؤزلم ایاغیندا كدر مئیینین
ایچمه دن آجی سین دوشونورم من
بیلیرسن می سن سیز دؤنوراجاخدی
خزانلا یئتیشن شاختا لار منی
سارلا سارالا یورقون گؤزلریم
یاشاماخ عشقیله گؤزلییر سنی
خیال تارلاسی نین سارالان گولو
سنینله جوجه ریب بیتماخ ایسته ییر
سنین گلیشینی ائشیدیب كدر
گؤزومون ئؤنؤنن ایتماغ ایسته ییر
نه اولار گل سیندیر پولاد قفسی
دومان دالداسیندا گیزله نمه گینن
منیم گونشیمسن ایسیندیر منی
بولود آرخاسیندا گیزلنمه گینن
گلكی بو داغلاردا بو دره لرده
ائله منیم تك سنسیز له ییبدی
وئر الین الیمه بونی بیلیرم
سنینده ئوره یین منسیز له ییبدی...
آند اولسون سحرین سرینلیینه
\
بورا دونیادیر،
یووارلاق بیر یئر كوره سی،
اینسانلارین بیری گلیر، بیری گئدیر!
بورا یالان دونیادیر،
بیر-بیر هامینی آلدادیر!
اینسانلار دونیانی چوخ سئویر،
دونیا آج قالماسین دئیه، اینسانی یئییر،
اینسان،
اینسانیت،
دونیادان گئدیر،
حیات هله ده داوام ائدیر...
منیم ای نازلی دلداریم ، منیم ای دردیمه درمان
منیم ای دولتیم ، واریم ، باغیشلا ، گئچ گناهیمدان
سالاندا سن منی بنده ، یاخینلیق اولماسا سنده
اگر قانیمی تؤكسنده ، یولومدان دؤنمرم بیر آن
شیریندیر لبلرین دلبر ، او گول رخسارینی گؤستر
یازیق كؤنلوم سنی ایستر ، منی الدن سالیر هجران
جمالین پرده یه سالما ، بو عاشیقدن اوزاق قالما
گؤزومدن انتقام آلما ، منی قویما بئله حیران
بدخشان لعلی سنسن یار ، اوزون یاقوت كیمی پارلار
سنون حسنونده دیر گلزار ، جمالیندیر نگارستان
كاش دویغو كیمین گؤزلرینه حال یارادایدیم،
اؤز كؤنلومه ده یئر اهمال یارادایدیم
گیزلین سؤزومون آرزیسی دا باشه چاتایدی،
میضرابی چكیب سیملره قیقال یارادایدیم
سن گول، من آری، آمما ساشماقیلان یوخ،
گؤز گؤزده باخیشلاری دادیب بال یارادایدیم
كاش الله اولایدیم بیر دفعه من سنه خاطیر
سوز سینه ده جوشغون دیلیمی لال یارادایدیم
یا رسام اولوب كونلومو بیر شیكل آراسیندا،
وولكان ائیله ییب بوینونا قاندال یارادایدیم
كاش سن دنیزین ساحیلینه سئیره گلئیدین
من ده او دنیز لرده چاشیب حال یارادایدیم