سنده ن اوتور داغی داشی آشارام
ده نیز ته كین دالغالانیب داشارام
بیر سن اولسان گورر منی یاشارام
داغلار بیلیر یولار بیلیر سنده بیل
سن كی گئددین من تك قالدیم آغلادیم
شاملار كیمی یاندیم ,دالدیم ,آغلادیم
یالقیزلیغین سازین چالدیم آغلادیم
داغلار بیلیر یولار بیلیر سنده بیل
اولموشام ایرمی بیر ایل من سنه حیران ، مارالیم
سن ده كی ائیله میسن جانیمی تالان ، مارالیم
كیم بو دونیادا سنه فرق قویار كافریله ؟
یوخدو قلبین ده سنین ذرّه جه ایمان ، مارالیم
من بیچاره یه بیگانه گؤزویله باخاسان
ایل ده گر بیر گئجه اولسام سنه مهمان ، مارالیم
گئجه گوندوز یارا ووردون یارا اوستن منه سن
گؤرمه دیم بیر ائده سن دردیمه درمان ، مارالیم
اختیار صاحبی سن هر نه روا دیر منه ائت
حاضرم گر وئرسن قتلیمه فرمان ، مارالیم
هر زمان دؤره دوشدور بیر ایكی دلبر الینه
ایندی ده سن سن اولان دلبر دؤران ، مارالیم
هر نه غم اولسا فراموش اولو فرهاد كیمی
بیر شیرین سوز منه سن ائیله سن احسان ، مارالیم
او قارا گوز نه فقط بیر منی آواره ائدیب
باغلاییب چاره یولون ، عالمی بیچاره ائدیب
بیلمیسیز سیز لو پریزاده نه ظالم بلادیر
بیر قارانلیق گئجه تك آغ گونومی قاره ائدیب
بیر طبیب دیر كی نه تنها ائیله مز درده دوا
بلكه یوز مین نَفَرین ده اورگین یاره ائدیب
بیر زمان خنجرایله قلبیمی هر لحظه یاران
بو زماندا هدف موشك و خمپاره ائدیب
گرچه گون دوشمه ییب عؤمرونده اونون گول اوزونه
اؤزونو حوری رضوان كیمی مه پاره ائدیب
گؤزلرین گؤزدور ولیكن عین دریا دیر منه
پیكرین پیكر ده گیل تندیس رؤیا دیر منه
من كی بوعالمده یم بیرعؤمردور آواره یم
منزلیم هر هاردا اولسا، اوردا مأوادیر منه
من او گون كی درد وغمدن ساغ سلامت قورتلام
عید نوروز و غدیر و فطر و اضحی دیر منه
یوخ یئری باغ و گولسوتانه گئدم سئیر ائیله یم
چون سنین فكر و خیالین خوش تماشا دیر منه
یاخشی لیقدا هئچ تایین یوخ، حیف چون مغرور سان
بو غورورون هر زماندا بیر معّما دیر منه
وفا هر كیمسه دن كیم ایستدیم آندان جفا گؤردوم
كیمی كیم بی وفا دنیادا گؤردوم،بی وفا گؤردوم
كیمه كیم دردیمی اظهار قیلدیم ایسته ییب درمان
ئوزومدن هم بتر بیر درده آنی مبتلا گؤردوم
مكدّر خاطریمدن قیلمادی بیر كیمسه غم دفعین
صفادان دم اوران همدم لری اهلِ ریا گؤردوم
اگر سو دامنین توتدوم ،روان دؤندردی ئوز مندن
و گر گؤزگودن اومدوم صیدق،عكسِ مودّعا گؤردوم
آیاق باسدیم دَرِ امّیده سر گردانلیق ال وئردی
هنر سر رشته سین توتدوم،الیمده اژدها گؤردوم
بئنه گؤستردی گردون تیره بختیم كوكبین یوز گز
منِ بدبخت آنا هرگاه كیم باخدیم،قارا گؤردوم
فضولی عیب قیلما أوز چئویرسم اهلی عالمدن
نه دن كیم هر كیمه أوز توتدوم آندان یوز بلا گؤردوم
سنده آخیر عشق بازاریندا اویناتدین منی
بی وفالار مكتبیندن درس آلیب آتدین منی
سنده آخیر وئرمه دین عشقه بها ای بی وفا
سنده آخیر چوخ اوجوز بیر قییمته ساتدین منی
سن كی عشقیلن محبتدن دییه‌ردین هر زمان
پس نئجه اینصاف ائدیب بیر بئیله آغلاتدین منی
سن دئمیشدین ائیله‌رم اثبات من عشقین گوجون
اما آخیر بیر سحر یالقوزلارا قاتدین منی
سن كناریمدا اولاركن سانكی بیر دریا ایدیم
سن گئدیب بیر لحظه ده صحرایا اوخشاتدین منی
سن گئده ندن بیلمیرم صوبحیله شامین فرقینی
تار ائدیب صوبحو گوزومده شامه آلّاتدین منی
سن دییه‌ردین تا نفس وار پوزمارام پیمانیمی
سیندیریپ پیمانیوی بیر عؤمر آغلاتدین منی
سن گئده‌ركن یازدی بیر شعریله اؤز دردین شفیق
گئتدین اما داغ هجرانیندا قایناتدین منی
بتول مطیع نوع پرور (شفیق) – بیر آددیم گل یئتیشك
İkimiz bir fidanın güller açan dalıyız
Sen benimle ben seninle
Bu hayatı yaşamalıyız ]
Severek birbirimizi hayatta hep gülmeliyiz
Yaşamanın gayesini
Seni sevince anladım
Senden gelen her cefaya
Bu canımı ben adadım
Bana tozpembe görünmez
Sensiz dünyam çok karanlık
Beni senden daha fazla
Sevecek kimsem yok artık
Sen benimle ben seninle
Bu hayatı yaşamalıyız ]
Severek birbirimizi hayatta hep gülmeliyiz
Yaşamanın gayesini
Seni sevince anladım
Senden gelen her cefaya
Bu canımı ben adadım
Bana tozpembe görünmez
Sensiz dünyam çok karanlık
Beni senden daha fazla
Sevecek kimsem yok artık
سنین آدییلا منیم گئچمیشیم یامان دوگون توشوپ
سن قاچیپ قوتاریندین
قاپی‌لار آچیپ گیرمه‌یه‌سن
من دئمدیم
یامان گونه سن توشه سن
من دئمدیم
بیرجه بیكه دیللنمدیم
من گئچمیشی آنماغی دا یاساقلادیم
سنله اولان آنیلاری دوستاقلادیم
سنله دیلیم تایداش اولدوز
اگری اوتوراق دوز دانیشاق
گؤزل شئیلر
یاساقلانار
قلــــبیم ده سنین، من ده سنین، جان دا سنین دیر،
ییخسان، داغیلیب، محو ائدیب، آتسان دا سنین دیر.
گوندوزلری هیــــــــــــــــجرانینا یوخ تاب-توانیم،
هیــــــــــــجران گئجه سینده نه جفا چكمه دی جانیم!
سن، گـــول، منه، گول! گول،... بو حیاتین اوزو گولسون،
بال، شهدی-لبیندن سوزولوب شـــــــــعره توكولسون.
گئتدی، نئیله‌ییم نه سؤیله‌ییم
نییه، گئتدین دئییم
الیمدن یالنێز بیر ایش گلیر
دئییرم، یوْلۇن آچێق اوْلسۇن
... یوْلچۇ یوْلدا گركدی
من اوْنۇن كیمی دئییلم
من، تانرێدا دئییلم كی دئییم
یۆز دفعه ده تؤوبه ائدیب
یئنه‌ده سێندێرسان عهدینی
گئری قایێت، گؤزله‌ییرم سنی
كیمسه كی گئدیر
یوخودا گؤردوم كی،سئومیرسن منی،
باتان آرزولاریم پوچدور ناحاققدیر.
طالعییم سؤیله‌ییر كؤنلوم دئیه‌نی،
اللرین گؤزلرین مندن اوزاقدیر.
یوخودا گؤردوم كی، دوداقلاریندا،
منیم آدیم دئییل باشقا بیر آد وار،
عومرومون معنالی بو گنج چاغیندا،
منه دؤنوك چیخدی وفا اعتبار.
گئدیرسن یاواش گئت!
یاواش گئت گولوم !!!
آردینجا سورونور منیم اوره یم
گئد ه رگیم آستا گئت
یول چینقیل داشدی
بیر آن باخیشینی دؤنده ر دالی باخ؟؟
آلقان آرزیلاریم ایز سالیب یولا
نیسگیله بورونموش اوره یم
منیم
آردینجا یوللاردا
تیلیت قان اولوب
گئدیرسن آستا گئت!
آستا گئت باری....
ﺩﯾﻨﺪﯾﺮﻣﻪ ﻣﻨﯽ ﻏﻢ ﺟﺎﻻﻧﺎﺭ ﺩﯾﻞ ﺩﻭﺩﺍﻏﯿﻤﺪﺍﻥ؛
ﻧﯿﺴﮕﯿﻞ ﺳﺌﻠﯽ ﺑﺎﺷﻼﺭ ﺁﺧﺎ ﺳﻮﻟﻤﻮﺵ ﯾﺎﻧﺎﻏﯿﻤﺪﺍﻥ ؛
ﮔﻮﮔﻠﻮ ﭼﯿﻨﯽ ﻟﺮ ﺗﮏ ﺁﻣﺎﻧﺎ ﺑﻨﺪ ﺍﻭﺭﻩ ﮔﯿﻢ ﻭﺍﺭ ؛
ﻗﻮﯼ ﺗﻮﺯﻟﻮ ﻗﺎﻟﯿﻢ ﯾﻮﺧﻼﻣﺎ ﺍﻧﺪﯾﺮﻣﻪ ﺗﺎﻏﯿﻤﺪﺍﻥ؛
ﻗﺎﻧﺪﺍﻝ ﯾﺎﺭﺍﺳﯽ ﻣﺮﺣﻢ ﺩﯾﻮﺍﻧﻪ ﻟﯿﮕﯿﻤﺪﯾﺮ؛
ﭘﺎﻣﺒﯿﻘﻼﺭﯼ ﺗﺮﭘﻪ ﺗﻤﻪ ﻗﺎﻥ ﺁﺧﺪﯾﺮﻣﺎ ﺩﺍﻏﯿﻤﺪﺍﻥ ؛
ﺗﯿﺘﺮﺗﻤﻪ ﻣﻨﯽ ﺗﮏ ﺁﻏﺎﺟﺎﻡ ﻏﻢ ﺍﺗﮕﯿﻨﺪﻩ؛
ﻧﯿﺴﮕﯿﻞ ﺍﻟﻪ ﻧﺮ ﺷﺎﺧﺘﺎ ﻗﻮﺭﻭﺗﻤﻮﺵ ﺑﻮﺩﺍﻏﯿﻤﺪﺍﻥ ؛
ﺑﯿﺮ ﯾﺎﻟﺨﯽ ﻣﺤﺒﺖ ﺩﻥ ﺍﺅﺗﻮﺭ ﺍﻭﯾﺨﻮﻟﻮ ﺑﺨﺘﯿﻢ ؛
ﻫﺮ ﺳﻤﺘﻪ ﺳﻮﺭﻭﻧﺪﻭﺭﺩﻭ ﻣﻨﯽ ﮐﺆﺭﭘﻪ ﭼﺎﻏﯿﻤﺪﺍﻥ؛
ﻗﻠﺒﯿﻤﺪﻩ ﺍﺅﺯﻭﻡ ﻃﺮﺣﯽ ﺗﻮﻣﺎﺭﻻﻧﻤﺎﻏﺎ ﯾﻮﺧﺪﻭﺭ ؛
ﻭﻭﻟﻘﺎﻥ ﮐﯿﻤﯽ ﺍﻭﺩ ﯾﯿﺮﻗﺎﻻﻧﺎﺭ ﺩﻭﯾﻐﻮ ﺩﺍﻏﯿﻤﺪﺍﻥ
ﺣﻤﯿﺪﻩ ﺭﺋﯿﺲ ﺯﺍﺩﻩ
