ای گول ، سنی هر كس كی سئویب ، بخته ور اولدو؛

فكرینده‌می، بیر گون گؤزه‌لیم، بیز سیزه گلدیك؟

سیزدن قاییدیب، سونرا برابر بیزه گلدیك؟

گُولدوك و دانشدیق گئجه‌نی، صبح آچیلینجا

بیر غنچه گول اوستونده، سیزینله سؤزه گلدیك

كئف چكدیگیمیز خاطره‌لر، وارمی یادیندا؟

گولشنده بیر آیدین گئجه‌ده، اوز اوزه گلدیك

خیلی دولانوب سئیرائیله‌دیك گول‌لر ایچینده

بیر-بیریمیزه چوخ عشوه‌لی، چوخ بامزه گلدیك

بیزكی، گؤزه‌لیم، جان دئیه‌رك، جان ائشیدیردیك

بس ایندی نه اولدو بیزه، یوخسا گؤزه گلدیك!!

گئتمه ای یار منی هیجرینده پریشان ائلمه

اولرم من آیریلیقدان منی بی جان ائلمه

سن گئدرسن كوسرم منده بوتون عالمه

یار گر سئویرسن منی، بو گؤزلری گیریان ائلمه

آیریلیب گئتسن اگر، بیل سئوینر دوشمانیمیز

نه اولار یالواریرام دوشمانی خندان ائلمه

سنسیزلیك یار باغی بوستانی منه

گئجه لر یوخوسوز قویموسان منی

اویره نه بیلمه دیم اوره ك سیررینی

گل گیزلتمه مندن سن اؤز سیررینی

سئویرم سئویرم تمیز عشقینی

مندن كوسمه یی سانما سعادت

هیجرینه دؤزمه یه قالمادی طاقت

سئویرم من سنی ای گؤزل آفت

قلبیمین ائوینده شاهلیق ائدیرسن

Səninlə ömürlük həyat sürməyin,
Sevgi yaşamağın həsrətindəyəm .
Sənin gözlərindən süzülüb gələn,
O saf baxışların həsrətindəyəm.
Hər səhər sənsizlik oyatdı məni,
Gecələr bitməyən kabusum oldun.
Çox sevdim, sevirəm, sevəcəm səni,
Sənin də sevginin həsrətindəyəm

منیم آغلار گؤزومه رحم ائله جانان ، گئتمه

دایانیب جان دوداغا ، جان سنه قوربان ، گئتمه

قوی منیم جانیمیله صبر و توانیم گئتسین

سن منه تاب و توان ، روح و روان"سان ، گئتمه

سن"ایله هر غمه ، هر درده تحمل ائدرم

آما سن"سیز یوخوموش دردیمه درمان ، گئتمه

نئیلیرم زهره"نی ، چرخ فلكی ، آی گونشی ؟

هامیسی گئتسه گئدیب ، سئوگیلی جانان گئتمه

تو به من خندیدی - حمید مصدق --ترجمه تركی

سن گولدون بیلمه دین نه هیجانلا
باخچادان بیر آلما اوغورلادیم من
باغبان قاچدی منیم آردیمجا آنجاق
آلمانی الینده گوررك بیردن
غضبله – غضبله بیر منه باخدی
دیشله دیگین آلما سنین الیندن
تورپاغا دوشه رك گئتدین ابدی
گئتدین كونلوم ائوین ویران ائتدین سن
ایندی ایللردیر كی آیافلارینین
گئدیش سسی منی اینجیدیر هر آن
دئیرم بس نئچون ائویمیزده من
بیر الما تاپمادیم سنه او زامان

چئویرن : علٰـ ـﮯ سئـوداٰلٰـ ـﮯ مـوغـاٰنـلٰـ ـﮯ

سارسینان اورگیم یئنه آیاق ایزینده

آستا آددیم آتاركن یاشماقین آچمیش

كولگیله زلفونون چاشرابین آتمیش

گوزونون دالغالاری حسرت یاناغین

باغرینا آلمیش

یئنه كئچمیشلری اوز فالینی آچمیش

اومیدین بوسقولوقیلا اینتظار یوللارا قالمیش

ایلغی جیلدینده اولان دیلك ایستئی آرتمیش

نه عینادی ، نه گوماندی ، نه گركدیر

اومیدین یوخلوغونا وارلیغین

آرخا دایانسین

كئچمیشین آجیسین یئنیدن یاشاداركن

سونوكن آلولار یانقیلا

پوسكولیقیلا یئنیدن آلیشسین

آرادا بیر زره سئوگیه قالان

اونمده یانسین اوسانسین

سوكوتلوقدا گولوشله یاتان خاطیرلر

ازیلن  تاپتالانان آددیملا

اوزونه جانسیز اویانسین

اولانلار اوچون باخسین اوتانسین

او سیر داش اولان اسكی جیغیرلار

دیدیلن ، پارچالانان ایزینله

سهو دوشن عنوانلا

نیفرته یون آلسین

ایللری دویمه یه گوجوم چاتایدی

بیرجه سنی اوندان الماقدان اوتری

اولانلاری نه اونودوردی

نه سئوگیمیزی گوشدوردی

یالنیز باجاردی بیزه حسرت وئرمه یی

هر شئی داناركن اوزو سوچلو اولاركن

یئنه قارشیسیندا سوچلو من اولدوم

یئنه اودان او اودوزدوران من اولدوم

كئشگه بوغوب گونلری زامان تئلین یولایدیم

دایانایدی بو ساعات ، دایانایدی بو زامان 

گئدیشیله گئجیكدیم ، دایاناركن توكندیم

نه اویردی یئریشی نه ال توتدی الیمله

گون گون اوسته گلركن دوندو یئنی ایل اولدی

ایل ایللره قوشدو ، بیزسه اوزاق دولاندیق

یاساقلاری دیدمه دیك ، سرحدلری آشمادیق

بس نئیه زامان سئویج پایین بیزه وئرمه دی !

ندن اینام سئوگیمیزه ده یر وئرمه دی

آی اوچایدی بو ایللرین تیكیلی دووارلاری

اوندا گونلری الیمله بوغا بیلردیم

ایللری دویمه یه گوجلو اولاردیم

توتوب یاخاسیندان سنی اوندان آلاردیم

گئنیش اللریمله نملی سئوینج گوزومله

قووشماقا تئلرینه ، سارینماقا اللرینه

قاچیب عومورلوك بوینونا ساریناردیم

سن ایسته مه سن منده گزن قان نه یه لازیم؟!
سنسیز داها ای جان جهان ! جان نه یه لازیم؟!

عشقیندی وئــریر روحیمه قول جیسمیمه اینجار
یوخسا گؤزلیم! عشق سیز انسان نه یه لازیم؟!

كؤنلوم باشینا مست دولانمازسا نـه ائـدسین؟!
گؤزلر سن اوچون اولماسا حیـران نه یه لازیم؟!

من شاعیــرم آنجاق اوره گیم اودلـو اوجـاقــدیر
سن اولماسان آخ شعریـله دیوان نه یه لازیم؟!

گـوندوز گونشین ساچلارین آیـدینجا هـؤره ركـن
بیــر بئیـله داهـا بحثیلـه بـرهان نه یه لازیم؟!

یالقیز دادانین دینی ده سن عشقی ده سن سن
سنسیز بو جهان آی سنه قوربان نه یه لازیم؟!

(دادا بیلوردی)

تانیمیرسان منی سن ؟

گئت منی ، داغداكی داشدان خبر آل

منی آیری، سالیب آنلین یازیسی،

                                       داغلاردان

من اوجا داغلارین اؤ

                         پارچالانان سیرداشییام

باخما ایندی جوان اوغلانلارا من ،

                                          باش داشییام

ساوالانین داشییام؛

یادا گل 

كیملیگیمی

              گؤزده كی یاشدان خبر آل

من اؤ صحرالری آباد ائلییه ن گؤز یاشییام

من آراز قارداشییام

چیرپینیر ائل غمی هی، سینه م ایچره دالغالانیر

سیندیریر سدلری بیرده ن 

                               كاغاذ اوسته جالانیر

بیت لر بیر بیرین اوسته قالانیر

 من اؤ دیللرده قالان شهریارین، یولداشییام 

" تایسیزام"

من بیر آز اوندان ناشییام .

بیلیردیم سئومه گین یالان اولاجاق
 
قوردوغون ایلقارلار تالان اولاجاق
 
عشـــقینی الینــدن آلان اولاجــــاق
 
آی منی غربت ده گولوم سسله یه ن
 
یالانچی سوزلر له منی بسله یه ن
 
سنی سئومه گیمه كوسدوم اوُزومدن