اولومه نه واركی ، بیر دفعه لیك دی،
سئویب آیری دوشمك كاش اولما یا یدی
نغمه لر قوش كیمی قانادلا نا ندا
گؤزلردن سوزولن یاش اولمایایدی.
منیم قلبیم كیمی اینله مز كامان،
ایلك عشقی ایتیرمك یاماندی ، یامان!...
كؤنوللر اودلارا قالا نان زامان،
اوره كلر بركییب داش اولمایایدی.
بیر قوجاق گول باغلادیم گؤز یولدا قالدی گلمه دینعطریوی گاه دردیگیم گوللردن آلدیم گلمه دینسن یوباندین انتظاردا سولدی بیر بیر گللریمتئز سولان گوللر كیمی سولدوم سارالدیم گلمه دینباغریما سالدیم سازی سنسیز دونن آخشام چاغیآغلاییب بیر آیریلیق آهنگی چالدیم گلمه دین..
هردن سوزه – سوزه سوزولوب آخار
هردن سلطان كیمی دانیب باخار
گاهدان اوره ییمی یاندیریب یاخار
یامان گیلئلی دیر مندن گؤزلرین
بعضاً آغلار ، بعضاً گولر اوزومه
دوداغیمدا فیكیر وئرمز سؤزومه
اوخ كیمی سانجیلار بیردن گؤزومه
یامان گیلئلی دیر مندن گؤزلرین
بیر آز اوتانجاق دیر بیر آز دا شیطان
دیلین بالدان شیرین دوداغین خندان
ییخیب بخت ائویمی ، ائدیبسن ویران
یامان گیلئلی دیر مندن گؤزلرین
یئنه گؤزلریوه دولدورما یاشی
قاپساما كیپریكین ، چاتدیرما قاشی
اینان كی گؤز یاشین اریدر داشی
یامان گیلئلی دیر مندن گؤزلرین
(بابك قوجازاده)
بو گون دن یاد اولدوق بیر بیریمیزه
اوز اوزه گلسك ده اوزونو دؤندر
بیر جه بیر ایسته ییم واریمدی سندن
یئللرله ساچیوین عطرینی گؤندر
كؤنلومو وئرمیشدیم سس سیز – سمیر سیز
سیندیردین ، سسیندن تیتره دی جهان
گئدیرسن دالینجا سورونممه رم
توكنیب طاقتیم ، سینیخیبدی جان
یئنه ده گون باتیر بیزیم یئرلرده
سیزین ائوینیزده چیراقلار یانیر
بو آخشام او ائوده بیر گؤزل گلین
عؤمورلوك سئودییین ، سئوگیسین دانیر ...
(بابك قوجازاده)
آغلا گؤزوم، آیریلیرســـــــــان جاناندان
هر كسی كی، گؤرسن شكایت ائـــــــیله
اؤلدون گئتدین، بلكه یارین گؤرمه دین
كعن منیم جانانیم، روح و روانـیــــــــم
لب لری شیرینیم، غؤنچه دهــــــــانیم
بیر ساعات گؤرمه سم طـوطی دهانیم
قوپاجاق باشیمـــــــــــــــا قیامت ائیله
واقف بیر شئیدادیر، دولانـــیر بـاغی
خسته دیر، درمانی دلبر دوداغــــــی
او آلما یاناغی، بلور بوخـــــــــــاغی
آللاّه بدنظردن سلامت ائیــــــــــــــله
ــــــــــــــــــــــــــــــــــــــــــــــــــــــــ
موللا پناه واقیف
«سندن سونرا»
من ائله بیلیردیم كی،
هر شئی سویویوب گئدر
سندن سونرا هئچ كسی
سئومدیم سنین قدر.
او قدر یاخین ایكن،
بو قدر اوزاق اولدوق
یورولدوقمو سئوگیدن
بیز یاری یولدا قالدیق.
من عذابلار ایچینده،
سن اؤزون مندن بئتر.
سن اؤزونده هئچ كسی
سئومدین منیم قدر ...
ایچیمده طوفان كیمی
چاغلاییر خاطیره لر
گؤز یاشلاریم قورومور
آغلاییر خاطیره لر.
من كدردن دویموشام
مندن دویماییر كدر،
سندن سونرا هئچ كسی
سئومدیم سنین قدر.
! یئنه بو شهرده اوز اوزه گلدیك...
نئیلیك آیرجا شهریمیز یوخ! ...
بلكه ده بیز خوشبخت اولا بیلردیك...
بلكه ده خوشبختیك خبریمیز یوخ!
آرادان نه قدر ایل كئچیب گورن..............
تانییا بیلمدیم!
منی باغیشلا
من ائله بیلردیم
سنسیز اولرم
من سنسیز اولمدیم
منی باغیشلا
اولمدیم دئیرم
نه بیلیم آخی!
بلكه ده من سنسیز اولموشم ائله...
قبیر سیز...
كفن سیز...
اولموشم ائله...
ظالم
بیر یاغیشلی گئجه ده
گوز یاشلاریملا
اورگیمین دردین
هارای چكدیم سئونله ره!
سئومیرم سن تك ظلمكاری .ظالمی
ایسته یرم اوزاقلاشام سندن
آیریلام ظلمت لردن
اوزوله م حسرتلردن
.
.
.
یاغیش باشاچاتدی
ظلمت قورتاردی
اما من
سنین جلاد اللرینله
هله ده حیات آدلی بیر دوستاقدا
سورونورم...ظالم
