اذن وئر تــــوی گئـــــجه ســی من ده سنه دایه گلیم

ال قاتانـــدا ســــــنه مشــــــــاطه تماشـــــایه گلــــیم

سن بو مهتاب گئجه سـی سیره چیخان بیر سرو اول

اذن وئر من ده دالونـــــــجا سورونـــــوب ســـایه گلیم

منه ده باخدیـن او شهــــلا گـــــوزوله من قـــــارا گون

جراتیم اولمــــــادی بیر كلمــــــه تمنـــــــایه گلـــــــیم

من جهنـــــمده ده باش یاســــــدیقا قویســام سنیله

هئچ آییلمــــام كـــــی دوروب جنت مــــاوایه گلــــیم

ننه قارنـــیندا دا سنـــــله اكیــــــز اولســــــایدیم اگر

ایسته مزدیم دوغولوب بیـــــر ده بو دونیـــــایه گلیم

سن یاتیب جنتی رویاده گورنـــــــده گئــــــجه لــــــر

منده جنتده قـــوش اوللام كی او رویـــــایه گلــــــیم

قیتلیغ ایللر یاغیــــشی تك قورویوب گوز یاشیـــمیز

كوی عشقونده گــــــــرك بیــــــرده مصـــــلایه گلیم

سنده صحرایه مارال لار كیمی بیر چیخ نولـــی كی

منده بیر صیده چیخانلار كیـــمی صحــــرایه گلیـــــم

آلــــلاهوندان سن اگر قوخمــــیوب اولســـان ترسا

قورخـــــورام منـــــده دؤنــــوب دین مسیحایه گلیم

شیخ صنعان كیمی دونقـــــوز اوتــــــــاریب ایللرجه

سنی بیر گورمك ایچــون معبـــــد ترســــــایه گلیم

یوخ صنم! آنــــــــلامادیم، آنلامادیــــــم حاشـــــا من

بوراخیم مسجدیــــــمی سنـــــــله كلیسایه گلیم!

(شهریار)

سئوگیلیم

بیر گون منی سورسالارا، سندن

چوخ فیكیره دالما

بوتون غورورلا دئ:

سئویر منی، او منی چوخ سئویر...

قاییت

هر دینده قاییدیرسان قاییت

یالنیز

گؤزلرین دؤنمه‌سین كافرلی‌ییندن

بو سئوگی دن سن قورخورسان عیبی یوخ

من سئورم ایكیمیزین یئرینه

بو عشق اوچون بیر گون دارا چكسه لر

من گئدرم ایكیمیزین یئرینه

مین عذاب دیر سن سیز كئچن هر گونوم

اونوتموشام یاخشی یامان فرقینی

بو سئوگینین داغ اریدن دردینی

من چكرم ایكیمیزین یئرینه

گول دئییرم گول قلبینه دییرم

من سنین چون تانری یازان شعیرم

دوداخلاری ایینجیمه سین دئییرم

من اوپه رم ایكیمیزین یئرینه

طالعیمده سن آچیلان گولوم سن

سوزوب قارا گوزلرینی گولومسه

بو سئوگی نین سونو اگر اولومسه

من اوله رم ایكیمیزین یئرینه

سن زلفینی آچ تؤك اوزونه ، شانه سی مندن

زنجیری نشان وئر منه ، دیوانه سی مندن



سن عاشقی یاندیرماقا ، من یانماقا ماییل

سن شمعینی گؤستر منه ، پروانه سی مندن



زولفون قدری ، عاشق اولان وار سنه ای گول

سن سؤیله اول مجنونلاری ، افسانه سی مندن



سرمست گؤزون ، فتنه لبین ، نشئه لی باده

ایچدیر منه اول باده نی ، پیمانه سی مندن

گئتمه بو نازایله، گؤزه‌لیم، بیر دایان گؤروم

عشقینده من یانان كیمی بیر سن‌ده یان گؤروم

درد اؤلدوره‌ر منی سنی گر بیرده، سئوگیلیم

خائن رقیبلرله گؤلوب اوینایان گؤروم

چشم زمانه‌دن سنه آفت توخونماسین

دائم او قاره زلفی گؤز اوستونده یان گؤروم!

نه لاله بیتمه‌سین، نه ده سونبول، سن اولماسان

نه شاخ گول‌ده بولبول ایچون آشیان گؤروم

مستانه گؤزلرین كیمی سن مست سن هله

چوخ باخما، نازایله، گؤزه‌لیم، بیر اویان گؤروم!

من جهاندا هر گؤزه‌لین دوشسه‌م عشقینه

بیر خیر گؤرمه‌سه‌م ده، گره‌ك مین زیان گؤروم

ای گول، سنی آخر، بیلیرم اویره دن اولدو

سالدین منی هیجرانه، بو بیلمم، نه دن اولدو؟

دوزدوم نه قده ر زحمته، هر نازینی چكدیم

كونلوم غمی - عشقینله اسیرئ - محن اولدو

سن بویله وفاسیزدا دئییل دین، بیلیرم من

ظنیمجه، سنی بو ایشه تحریك ائدن اولدو

رسوایئ- جاهان ائیله دین آخر منی، گئتدین

ایندی منه بیگانه گلیب طعنه زن اولدو

بیر واخت پیشیمان اولاجاقسان بو عمل دن

سندن بو ایشین، بلكه حسابین چكه ن اولدو

گزدین، گوزلیم، غیرایله، من دردینی چكدیم

گلدی نه بلا باشیما، بو غصه دن اولدو

سن گئدندن آرتیق نئچه ایل كئچیب
هله ده اؤزومه گلمه میشم من
قلبیمه آدینی نئجه یازمیشام،
ائله ده قالیبدی،سیلمه میشم من
** ** **
سن گئتمك ایسته دین،من قوجاخلادیم
گئتمه یالواریرام،دئییب ساخلادیم
یادیندامی،او گون نئجه آغلادیم
او زاماندان بری،گولمه میشم من.
** ** **
هز آلیردین منی اله سالماقدان
ایچیمدن سیرریمی بیر-بیر آلماقدان
دئینده قورخورام تنها قالماقدان
قورورلا دئییردین اؤلمه میشم من؟

بیر قوجاق گول باغلادیم گوز یولدا گالدیم گلمدین

سن یوباندون انتظاردان سولدی بیر بیر گولریم

تز سولان گوللر كیمی سارالدیم سولدوم گلمدین

باغریما باسدیم سازی سنسیز دونن آخشام چاغی

آغلیب بیر آیریلیق آهنگی چالدم گلمدون

كیمده واردیر گؤزلیم سنده اولان جاذبه لر 

سنه دنیاده مگر عاشق اولاندا غم ائلر؟

بس دیر اولدورمه یه جكسن گؤزلیم دنیانی

هر یوزی گؤیچك اولاندا بو قدر چم خم ائلر

 

اینجیمه گؤز یاشیم آخسا سنی گؤزردوكده گولوم

گول آچیل دیكده باهار فصلی بولود شبنم ائلر

 

ناز وغمزه ن ،یئریشین ،شوخ باخئشین عالم ائلر

بیر ده زولفون اوزه توكسؤن اودا بیر عالم ائلر

حیف سن گزمه یاراشماز سنه بیگانه ایله

او آچیب سرینی دونیایه سنی محرم ائلر

واحدم عمرومو من عشقیله صرف ایله میشم 

عشق یا اؤلدورر اخیر یا منی آدم ائلر

دوران منه قان اوتدوراجاغمیش نه بیلیدیم



بیر گون یاشاماغدان یوراجاغمیش نه بیلیدیم



اولده گوزل صورتیله گونلومو آلدی



آخرده ایلان تك ووراجاغمیش نه بیلیدیم