كیمده واردیر گؤزلیم سنده اولان جاذبه لر
سنه دنیاده مگر عاشق اولاندا غم ائلر؟
بس دیر اولدورمه یه جكسن گؤزلیم دنیانی
هر یوزی گؤیچك اولاندا بو قدر چم خم ائلر
اینجیمه گؤز یاشیم آخسا سنی گؤزردوكده گولوم
گول آچیل دیكده باهار فصلی بولود شبنم ائلر
ناز وغمزه ن ،یئریشین ،شوخ باخئشین عالم ائلر
بیر ده زولفون اوزه توكسؤن اودا بیر عالم ائلر
حیف سن گزمه یاراشماز سنه بیگانه ایله
او آچیب سرینی دونیایه سنی محرم ائلر
واحدم عمرومو من عشقیله صرف ایله میشم
عشق یا اؤلدورر اخیر یا منی آدم ائلر
