آیلار دولانیب

ایللرده كئچدی

و سن ...

منیم چون دونیایا گلدین

من ساندیم دونیا منیم دی

و سن بیر دوداق گولومسه دین

فصیللر دورمادان اؤتوشوب كئچدی

آنلادیم منیمسن آرتیق

و سن بیر دوداق گولومسه دین

كئچدی فصیللر

اؤتدوده ایللر

بیر منده خیاللار قالیب

بیرده سنده گولوشلر

ایندی ده هر آن دوشسن یادیما

او شیرین گولوشلر یاندیرار منی ...

و دونیام بیر كیچیك كؤرپه كیمی

سنین قوجاغیندا آغلایار مودام ...

هادی !

آت اللریندن كؤرپه لیییمی

بوراخ فصیللره دونه نیمیزی

دیرت ، داغیت

لاپ بوغدا بو گولوشلری ...

من سنی بیر دوداق

گولوشه سئودیم ...

XXXXXXXXXXXXXX

سنسیز اوره ییمده نغمه لر قالیب

سن یوخسان باشیمدا خاطیرن قالیب

اللریم الینه یامان داریخیب

گلسنه بورادا گؤروشه ریك بیز .

ائله سنسیز گزیرم

بو خیاوانلاری

دئیه سن ازلدن

بیر «سنیم !» یوخموش

كوچه ده ، شهرده منه داریخیر

قاپی لار باغلیدیر ، تانیشیم یوخدور ...

ائله سنسیزم بو آخشام یامان

تبریزده حالیما اوخشاییر سانكی

سن گئتدین دالینجا اینان سئوگیلیم

ایشیق سیز گؤزلریم تامارزی قالدی .

یوللار چاغلایاردا ، آیری دا سالار

حیات بویوندا مین ایفاده سی وار

سئوه نی سئوه نه وئرسه ده آنجاق

یوللارا تامارزی باخانلاردا وار

حیات نه غریبه

دونیامیز یامان

منه ده ، سنه ده قیسقاندی تانری !...

شهر منیم چون بیر قارا دوستاق ،

یوللار عزرائیل تك آلار جانیمی .

لاپ بئله قاییتماق ایسته مه سنده

منیمسه گؤزلریم یوللاردا قالار

بو اوجا بینالار آراسی منیم

گؤزوم سئوگیلیمین آددیمیندا قالار ...

XXXXXXXXXXXXXX

☪☪☪☪☪☪☪☪☪☪☪☪☪☪☪☪☪☪☪☪☪☪☪

ساواش گونو سـاوار اولــسا آتا تورك

آلقیش دییه ر تورك اوغلونا آتا تورك

داغ دره ده یئل تـوزونا چـاتانمــاز

ایر آتین بـئلی اؤستـــه یـاتا تورك

توتار بوغــار جایناغیـندا قوش كیمی

قاری دوشمن گیرمیش اولسا چاتار تورك

 بیر قانینا دوخسان دوققوز قان ائلر

بیر كادینا قویماز قانی باتا تــورك

باشدان آیاق شرف ، غیـرت كانی دیــر

كیم گؤروبدور اؤز ائلینی آتا تــورك

☪☪☪☪☪☪☪☪☪☪☪☪☪☪☪☪☪☪☪☪☪☪☪

 باغچامیزا گلدی باهار، یاشیل شالی سردی باهار

گل دئدیم گلمه دی یار ،گلمه دی یار

منی یادا سالسان اگر،اوره ییمی آلسان اگر

آی جئیران سئوگیلیم ، مهربان سئوگیلیم

سیریمی بیلمه دین ، بیلمه دین یار

اوزون دئدین گوزله منی،شیرین سوزله دینله منی

گوزله دیم گلمه دین یار، گلمه دین یار

آی جئیران سئوگیلیم ، مهربان سئوگیلیم

سیریمی بیلمه دین ، بیلمه دین یار

دیلیم سنی لال ائدرم ، نه دئـــــدین یار اینجیدی

زولفوندن اوْوسون گؤتوررم ، قورخورام مار اینجیدی

نئچه نـــاقه گتیــرین، خــالوار ایله گؤتــورون

بیر درده دوچار اولموشام درد مــنده زار اینجیدی

مین بیر یئرده یارام واردی باخ سینه‌مین داغیــنا

پروانه تك دولانــــایدیم هم سولــونا ، ساغیــنا

جان چیخدی، بوش قالدی قفس، وئرین یار قوجاغیــنا

یارسیز مزارا قویمایین گور اولــور دار، اینجیدی

(آشیق قوربانی)

☪☪☪☪☪☪☪☪☪☪☪☪☪☪☪☪☪☪☪

 ساچلارینـــا بنزتمیشــــــم گئــجه می 

 اوزاق گزمه یانـــیما گـــل ســـئوگیلیم 

 دوداغیندا ایتیــرمیشــــــم ســــؤزومو 

 گولوشــــونله جانیمی آل سئوگیلــیم

 
 ســـن او تایـــــدا مــن بو تایـــدا آرالی

 كؤنـــلوم درد ایلنـدن اولـوب یـــــارالی 

 یانیــما گــــل آذربــایجـــــان مــــارالی

گولوشـــــونله جانیــمی آل سئوگیلیم

 گولوشـــونله جانیمی آل سئـوگیلیم

☪☪☪☪☪☪☪☪☪☪☪☪☪☪☪☪☪☪☪

☪☪☪☪☪☪☪☪☪☪☪☪☪☪☪☪☪☪☪

چكیر وارلیغیمی دارا گؤزلری
آپاریر روحومو هارا گؤزلرین
قارا بیر محبس دیر قارا گؤزلرین
بوراخ گؤزلرینین حبسیندن منی

.....................................................

یاندیریب یاخماقدا اؤد قودرتی وار،
تكجه من بیلیرم نه حیددتی وار،
، آخی جزانین دا بیر مدتی وار،
گؤزلرینین حبسیندن منی.بوراخ
.....................................................

مرحمت گؤزله ین باخیش كیمی یم
قفسه سالینمیش بیر قوش كیمی یم
بوراخ گؤزلرینین حبسیندن منی

.....................................................

گونوم ائله سندن شیكایت اؤلوب،
بو سئوگی بیر داستان ،حئكایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
.....................................................

زیندانا كؤنوللو سالدیم اؤزومی
عیبی یوخ، پاییزا دؤندریازیمی
من گوناه ایشله دیم آرتیر جزامی
ساخلا گوزلرینین حبسینده منی
☪☪☪☪☪☪☪☪☪☪☪☪☪☪☪☪☪☪☪

★★★★★★★★★★★★★★★★★★★★★★

نه سنین اللرین توتور قلمی

نه منیم دیلیمده  سس وار دئمگه

سن بیلمیسن بو اورگین فریادین

منیسه قالمیشام سسیز صداسیز

بیر  آخشام اوستودو پاییز فصلیدی

دایانیب چنارا سنی دوشونن

هئجرینده اودلانان یانان منم من

حالیمی سوروشورسان  قاداسی

باشیم آغریمیردا داها

آمما

سن وئردیین دستمال  اوره ییمین كدریله دولودور .

بیلیمیرم اولدوزوم نئجولدو

داها

گؤزلرینین قاداسین آلیم قاداسی

اؤپوش قوش لاریم سنی تاپمادیلار

داها دا یاز دا گلمه یه جك  اینانمازسان؟

بیزده گلنده  بیزده گلرسن

اؤزونو ده گتیررسن

یازكی گلمه  یه جك

باری سن گل قاداسی ! ! !

مین عذاب دیر سن سیز كئچن هر گونوم

اونوتموشام یاخشی یامان فرقینی

بو سئوگینین داغ اریدن دردینی

من چكرم ایكیمیزین یئرینه

گول دئییرم گول قلبینه دییرم

من سنین چون تانری یازان شعیرم

دوداخلاری ایینجیمه سین دئییرم

من اوپه رم ایكیمیزین یئرینه

طالعیمده سن آچیلان گولوم سن

سوزوب قارا گوزلرینی گولومسه

بو سئوگی نین سونو اگر اولومسه

من اوله رم ایكیمیزین یئرینه

***رحمتلیك نصرت كسمنلی***

بوگون آخشام سنسیز منی آغلاتدی یاغیش

یادیما سالدی سنی , مطلبینه چاتدی یاغیش

كوچه لر اولدو گوزومده یئنه بیر آرپا چایی

منی سنسیز نئجه نیسگیل سئلینه آتدی یاغیش

طاقتیم یوخدی منیم اتش هیجرانه گوزل
بوندان ارتیق المه قلبیمی ویرانه گوزل
چرخی سینسین فلكین قویمادی گولسون اوزومی
ایلییب گور نجه مندن سنی بیگتنه گوزل

اولمویور ، اولمویور
نه یاپسام اولمویور
سنسیز یرین، دولمویور

اغلارام اخشام اولان وقتیده سنسیز گوزلیم
تك قالان دونیادا سن اغلاما منسیز گوزلیم
سن منیم نازلی گولوم سن گوزلیم دردین الیم
اوزون انصاف اله سنسیز نجه دونیاده قالیم