بومبالانمیش شهر كیمی دیر
خییالیم
ماهنیلار قیریق بیر كاسئت
توز توپراق باسیب
سؤزجوكلر سؤزسوز
باغیرتیلار توركو شئعیرلر!
نه داغدان سس گلیر
نه دنیزدن
***
ایزسیز یاشاماق اینتحار
ساعات قیشدیر بیتكیلر بیتیب
یوخلاییب باهار
كیمی سی آغلاییر
كیمی سی گولور
هرنه یین سونو گؤزل دیر اینسانین...!
گئت گئدلیم سئوگیلیم
آلیب خزان قوخوسون یامان خزانلاشیرام
دولوب- دولوب خزانادنیزله نیب داشیرام
دوروخسانیرخیالیم گؤزوم داشیر ایچیمه
یاشیل یاشیل باخیشیم گؤرورساری، چاشیرام
پاییزدولوباهارام نه گول گولور،نه ده یاز
اؤلوشكه میش چیچه یم سه ، اپریمیش یاشیرام
نه لاله وار نه چیمن نه نسترن گؤرونور
گولون سینیب گولوشو،سینیقلرین داشیرام
پاییزلاییب بوشهرنه بیرگولوش نه ده گول
شهردولو اؤلویم باخیر گؤزوم، یاشیرام!
گونشین یوخوسوندا دیرچه لن باشسیزقارالتیلار،
ایاق سسلری هؤرومجك تورو، توخونوربئینیمه
خیاوانلار كؤچموش اوبالارین یورد یئری
اولدوزلارین قولاقلارینی اولایان سرین سس سیز لیك
سحرین گؤزلرینده قارقیش یاغمورو
چیلپاق بیتكیلر قان ترایچینده
دؤنورم گؤزلریندن توستولو شهرین كوسكون اوداسینا
بیرباخیش گوزگویه اوره ییم اسیر
اییلمه دن سینابیلسان كؤورك جه سینه
اسمه یه جك اوره ییم
گوزگودن ساری!
سون باخیشیندا بیتمه یه جم
اووولاجام اووونتولاریمدان گؤیره سن
بوراسی اونودولاسی دئییل تبریز
بیرشیمشك نفسی منی دایاندیر
یالنیز،
بیرشیمشك نفسی.
دیلیمده دمیرگؤزلریمده سازاق
اوچ یولون آیریجیندا دیله نیرم سنی!
دونیانین هاراسیندا اولدوغومو بیلیرسن می ؟
بیر ایچیم سویا بیر دنیز اود دوتوب یانیرام
بورادا چیل ككلیكلر داشلی بولاغ ماهنی سی اؤتوشورلر
سئوگی آج بیر اوشاق، بارماغین سورور
قارقالیقدا بوغدا آختاران بیریسی!
حیات اؤلوم دن باشلانیر
سئوگی سیگارادان
بیرزمان وصل عاشقیدیم ایندی هجران قانلی سی
بیرزمان درد عاشقیدیم ایندی درمان یولچوسی
بیرزمان نوح عمری ائتمزدی كفاف عیشیمی
ایندی اما بیر عموردور عمرومون هر لحظه سی
بیرزمان عالم مددكاری دی یاری دی منه
ایندی یوخدورعالمین ته لیخدا من تك بیر كسی
بی كسم بیگانیم یوخودور بو دنیا ده كسیم
ای خدا تك قویما سن بو چولده من تك بی كسی
دوزدی چوخداندور كی سن نن كوسمیشم ای كوسمیین
سن منی ترد ائتمه كی سس سیز لرین سن سن سسی
یولدا قویما گوزلری ای گوزلرین نورین ویرن
گوز یاشیم سل تك اولوب آیا گلیر شاخ ماخ سسی
بو كونولده ده نور عشق و معرفت چوخدان سونوب
بو اورك یول گوزلوری تا جان ویره چاخماخ سسی
دیزجی جان اوسته دی یوخدور دییرسن طاقتی
گؤیده یاغیش اولوب یاغسان قلبیمه،
پارلاق گونش اولوب ساچسان قلبیمه،
سرین بولاق اولون آخسان قلبیمه،
قلبیمین آیناسی بیله‌رم سنی،
اولكی تك ایستر، سئوه‌رم سنی.
دونوب گلسن، یئنه سئوسن نه اولار؟
اولدوزوم، آییمسان دئسن نه اولار؟
اورگینی بؤلوب وئرسن نه اولار؟
یالواریب تانریدان دیله‌رم سنی،
اولكی تك ایستر، سئوه‌رم سنی.
اومود وئریب منه، دؤنه‌جم دئسن ،
گلنده گؤزوندن اؤپه‌جم دئسن،
سنی عومروم بویو سئوه‌جم دئسن،
همیشه یانیمدا بیله‌رم سنی،
اولكی تك ایستر، سئوه‌رم سنی.
ایچیمی یاندیریب، باخسان گؤزومو،
دردیندن اؤلورم، دئسن اوزومه.
دؤزه‌رم وئردیگین عذابا، ظلمه،
عومرومون معناسی بیله‌رم سنی،
اولكی تك ایستر، سئوه‌رم سنی.
آیلی بیر گئجه‌ده توتسان ائلیمی،
اودلو آتش كیمی یاخسان ایچیمی،
ووران اورگیمین دویسان سسینی،
قلبیمین آیناسی بیله‌رم سنی
اولكی تك ایستر، سئوه‌رم سنی.
بو نه جور سئوگیدیر، بو نه جور عشقدیر؟
هله باشلامامیش سونو گؤرونور.
سنی سندن آیری دوشونن زامان
قلبیم پارچالانیب یوزه بؤلونور.
بو اورك بیر داها اؤزونه گلمز
حیات اونا آغیر ضربه ووروبدور
منی وورماق اوچون او گؤزللیگین
حیاتین الینده سلاح اولوبدور.
اگر مندن آیری گزسن بیر زامان
بو قملی گؤزلریم یاشلا دولاجاق
سئوگینه قلبیمده قوردوغوم سارای
ائله همین آندا ویران اولاجاق
بلكه‌ده بو سئوگی بیر طرفلیدیر
بلكه‌ده سن منی هئچ سئومه‌ییرسن
هر دقیقه سنین اوچون ووران قلبیمین
بلكه‌ده آغریسین حیسس ائتمه‌ییرسن
نئیله‌یك بیزیم كی، بورا قدرمیش
بؤیوك سئوگیلرین سونو كدرمیش،
نیسگیل حیاتیما ساكیت گلن یار،
بیر گون بو حیاتدان ساكیت گئدرمیش.
گؤرورسنمی؟ حیات چوخ قریبه‌دیر؟
حاقی حاقسیزلیقدا گوناهلاندیریر.
بیلمیرم هئچ منیم گوناهیم نه دیر؟
حیات منی بئله جزالاندیریر.
سنه قارشی اولان بؤیوك حیسسلریم،
حیاتدا ایكینجی محبتیمدیر.
اونو عذابلارلا چتین اونوتدوم،
سنی ایسه اونوتماق داها چتیندیر.
سن گئدندن آرتیق نئچه ایل كئچیب
هله ده اؤزومه گلمه‌میشم من
قلبیمه آدینی نئجه یازمیشام،
ائله ده قالیبدی، سیلمه‌میشم من.
سن گئتمك ایسته‌دین، من قوجاقلادیم
"گئتمه، یالواریرام" دئییب ساخلادیم
یادیندامی او گون نئجه آغلادیم؟
او زاماندان بری، گولمه‌میشم من.
هز آلیردین منی اله سالماقدان
ایچیمدن سیرریمی بیر-بیر آلماقدان
دئینده "قورخورام تنها قالماقدان"
قورورلا دئییردین "اؤلمه‌میشم من
سنی گؤرمه‌ینده داریخیر قلبیم
دانیشا بیلمیرم توتولور دیلیم
همیشه یولونو گؤزله‌رم گولوم
یارسیز بو یئرلرده نئجه یاشاییم؟
سنسیزلیكده سنی هر آن آنمیشام
بیرلیكده اولاندا خوشبخت اولموشام
سن گئتدین یئنه‌ده تنها قالمیشام
تنها بو یئرلرده نئجه یاشاییم؟
سئویرم سئوگیلیم سن بونا اینان
دیلیم دئیه بیلمز بو سؤزو یالان
سنسیز حیاتیم بیل قارا زیندان
زیندان حیاتیندا نئجه یاشاییم؟
سنسیزلیك حسرتی منی بوغوبدور
باخاندا هر یانا قارا بولوددور
بولودلو حیاتیما قملر یاغیبدیر
قم یاغیشی آلتیندا نئجه یاشاییم؟
گینه آغلاتدی منی خان ننه نین آغلاماسی
سارانین سئللره بئل باغلاماسی
بتر آغلاتدی منی گؤیجه بئلین لاخلاماسی
یوخ ، قایید شهریار ، اصلاح ائله شعریوی بئله یاز :آلوار آلتیندان قوتولموش اوشاغین آغلاماسی
خسته یورقون مریضین یوللارا بئل باغلاماسی
دوزدو هر بیر یارانین درمانی وار اولسا طبیب
نئجه آرام اولار، آما اوغلو اؤلسه آناسی؟
فلك سالدی باشیمیزا قارانی
وئران قؤیدی نچَه كَندی ؛ آرانی
آغلادیبدی خان چؤبانی ؛ سارانی
اِئلیم آغلار ؛ مندَه اؤنلان آغلارام
اِئل غمیندَه سینه لَری داغلارام
نِئجَه گؤروم من اِئلیمین داغینی
خزان ویریب باغچاسینی ؛ باغینی
اؤلَن اؤلدی؛آغلار قؤیوب ساغینی
یارا بیتمَز عؤمور بؤیی اورَكدَه
زَهَر اؤلوب بال آغزیمدا چؤرَكدَه
چؤخ اِنسانین دامی اوچدی باشینا
یؤخ كؤچونی ساتیب؛هارا داشینا؟
كول اَلَه دی فلك اِئلین باشینا
آغلار قؤیوب آذربایجان اِئلینی
یادا دوشمور بیر داراسین تئلینی
تُپراق دؤلوب بالالارین گؤزونَه
قولاق وِئرون آنالارین سؤزونَه
اؤلوم ایستیر آللاهیندان اؤزونَه
پَر پَر اؤلان گول لَرینَه آغلاییر
بیر آه چكیب اورَكلَری داغلاییر
نَه بلایمیش بو زلزله آی آلله
اُروجلوقدا وِئردون بیزه پای آلله
ایستَمیریكپایوِئرَهسَن دای آلله
رحمت یاغدیر ائلیمیزین باشینا
كاش باخاسان گؤزلرینین یاشینا
هِریس ؛ اَهَر ؛ وَرزقانیم آغلاییر
بابك ایلَه ؛ سَتّار خانیم آغلاییر
دامارلاردا دؤنان قانیم آغلاییر
بو نَه یاشدی گؤزلَر دؤلوب قانیلان
آل وِئر اِئدیب فَلَكچؤخلی جانیلان
فلك گون لَرینی قارا اِیلَدون
داغلاییب سینه لَر ؛ یارا اِیلَدون
بوتؤی چؤرَك لَرین پارا اِیلَدون
بالالارین تؤپراق آلتدا ایتیردون
زلزلهیلَن سَن كامووی گؤتوردون
قُربان اؤلوم گؤزدَن آخان یاشوزا
نه گَتیردی فَلَك سیزین باشوزا
رَحم اِئتمَدی باجوزا ؛ قارداشوزا
دام ؛ داشوزی زلزلَیلَن اوچورتدی
خؤش گونلَری حَیاتوزدان قاچیرتدی
اومودی باغلایین تَك بیر آللاّها
تانری دان غیریلَر سالاجاق چاها
باش اَگمیون هئچ واخت سُلطانا ؛ شاها
قُربان اؤلوم غیرتوزه ؛ اِئلوزَه
تانری آدی هَر واخت گَلسین دیلوزَه
ظالیم فَلَك نِئجَه چیخدی اوجیا
گؤزویریبدیچؤخلی جَوان؛قؤجیا
شیرین لَرین دؤندَریبدی آجیا
(دهقان)آغلیریازدیقیجانسؤزل َری
((توركی یازدیم اؤخوسونلار اؤزلَری ))