موغانلی

بــاش یــازیـــچی : علٰـ ـﮯ مـوغـ ـاٰنــلٰـ ـﮯ

یئنه بو شهرده اوز اوزه گلدیك...

! یئنه بو شهرده اوز اوزه گلدیك...


نئیلیك آیرجا شهریمیز یوخ! ...

بلكه ده بیز خوشبخت اولا بیلردیك... 

بلكه ده خوشبختیك خبریمیز یوخ!

آرادان نه قدر ایل كئچیب گورن..............

تانییا بیلمدیم!

منی باغیشلا

من ائله بیلردیم

سنسیز اولرم

من سنسیز اولمدیم

منی باغیشلا

اولمدیم دئیرم

نه بیلیم آخی!

قبیر سیز...

كفن سیز...

اولموشم ائله...

یکشنبه 24 فروردین 1393
بؤلوملر : سئوگی,

گلمدین

...این شعر توركی رو تقدیم میكنم به همه چشم هایی كه در راه ماندند و دل هایی كه آنها را راندند


تقدیم به اشك هایی كه غرورشان شكست و عهدهایی كه كسی آنها را نبست

تقدیم به كسانی كه معنای چگونه زیستن را دریافته اند

تقدیم به عاشق ها و آرزوها و امیدها و انتظارها به كسانی كه عذاب می كشند و از عذاب عشق لذت می برند

تقدیم به اشك های سوزان و خنده های نا پیدا به فنا شده ها و تباه شده ها و سر انجام تقدیم به كسانی كه چون

اقیانوس ظاهری و باطنی شوریده دارند

اینجا فقط و فقط واژه می فروشم و سكوت می خرم...چه تجارت دردناكیست این تنهایی ها!

یکشنبه 24 فروردین 1393
بؤلوملر : سئوگی,

گوروم سنی

داغ باشــیندا بیر چیچك سن اجــــازه وئر دریم سنی
عطرینی دویماق اوچون سینه ام اوسته سریم سنی
چیچـــكه دون بهــــارمدا گونشـــه دون صـــــاباحیمدا
دور گوزومون قاباغیــــــندا گونده یوز یول گوروم سنی




یکشنبه 24 فروردین 1393
بؤلوملر : سئوگی,

qara mahbas

قارا بیر محبس دیر قارا گؤزلرین
بوراخ گؤزلرینین حبسین‌دن منی

Qara bir məhbəs dir qara gözlərin
burax gözlərinin həbsindən məni



دوشنبه 18 فروردین 1393
بؤلوملر : سئوگی,

سهندیم

شاه داغیم، چال پاپاغیم،ائل دایاغیم، شانلی سهندیم

باشی توفانلی سهندیم

باشدا حئیدر بابا تك قارلا قیروولا قاریشیبسان

سون ایپك تئللی بولودلارلا اوفوقده ساریشیبسان

ساواشاركن باریشیبسان

گؤیده ن ایلهام آلالی سیرری سماواتا دییه رسن

هله آغ كوركو بورون، یازدا یاشیل دوندا گییه رسن

قورادان حالوا یییه رسن

دؤشلرینده سونالار تك شوخ ممه لرده

نه سرین چیشمه لرین وار

او یاشیل تئللری، یئل هؤرمه ده آینالی سحرده

ایشوه لی ایشمه لرین وار

قوی یاغیش یاغسادا یاغسین

سئل اولوب آخسادا آخسین

یانلاریندا دره لر وار

قوی قلم قاشلارین اوچسون فره لرله، هامی باخسین

باشلاریندا هره لر وار

سیلدیریملار، سره لر وار

او اتك لرده نه قیزلار یاناغی لاله لرین وار

قوزولار اوتلایاراق نئیده نه خوش ناله لرین وار

آی كیمی هله لرین وار

گول- چیچكدن بزه ننده، نه گلینلر كیمی نازین

یئل اسنده او سولاردا نه درین رازونیازین

اوینایار گوللو قوتازین

تیتره ییر ساز تئلی تك شاخه لرین چایدا چمنده

یئل او تئللرده گزه نده، نه كوراوغلو چالی سازین

اؤرده یین خلوت ائدیب گؤلده پری لرله چیمنده

قول-قاناددان اونا آغ هووله آچار قمزلی قازین

قیش گئده ر قوی گله یازین

هله نووروز گولو وار، قار چیچه یین وار، گله جكلر

اوزلرین تئز سیله جكلر

قیشده كهلیك هوه سیله چؤله قاچدیقدا جاوانلار

قاردا قاققیلدایاراق نازلی قلمقاشلارین اولسون

یاز، او دؤشلرده ناهار منده سین آچدیقدا چوبانلار

بوللو سودلو سورولر، دادلی قاوویتماشلارین اولسون

آد آلیر سنده ن او شاعیر كی سن اوندان آد آلارسان

اونا هر داد وئره سن، یوز او موقابیل داد آلارسان

تاریدان هر زاد آلارسان

آداق اولدوقدا، سن اونلا داها آرتیق اوجالارسان

باش اوجالدیقدا دماوند داغیندا باج آلارسان

شئر الینده ن تاج آلارسان

او دا شعرین، ادبین شاه داغیدیر، شانلی سهندیم

او دا سن تك آتار اولدوزلارا شعریله كمندی

او دا سیمرغیدان آلماقدادی فندی

شعر یازاندا قلمینده ن باخاسان دور سپه لندی

سانكی اولدوزلار الندی

سؤز دییه نده گؤره سن قاتدی گولو، پوسته نی قندی

یاشاسین شاعیر افندی

او نه شاعیر كی، داغین وصفینه میصداق اونو گؤردوم

من سنین تك اوجالیق مشقینه موششاق اونو گؤردوم

عشقه، عشق اهلینه موشتاق اونو گؤردوم

او نه شاعیر كی، خیال مركبینه شو شیغییاندا

او نهنگ آت، آیاغین توزلو بولودلاردا قویاندا

لوله لنمه كده دی یئر-گؤی، نئجه تومار سارییاندا

گؤره جكسن او زاماندا

نه زامان وارسا، مكان وارسا كسیب بیچدی بیر آندا

كئچه جكلر، گله جكلر نه بویاندا - نه او یاندا

باخ نه حورمت وار اونون اؤز دئمیشی توك پاپاغیندا

شهریارین تاج ایمیش باشی دورموش قاباغیندا

باشینا ساوریلان اینجی، چاریق اولموش آیاغیندا

وحی دیر شعری ملك لردی پیچیلدار قولاغیندا

آیه لردیر دوداغیندا

او دا داغلار كیمی شانینده نه یازسام یاراشاندیر

او دا ظالیم قوپاران قارلا-كوله كله دوروشاندیر

قودوزا، ظالیمه قارشی سینه گرمیش، ووروشاندیر

قودوزون كؤكونه، ظالیم بیره لر تك داراشاندیر

آمما واختیندا فقیر خالقی اییلمیش سوروشاندیر

قارا میلله تده هونر بولسا، هونرله آراشاندیر

قارالارلا قاریشاندیر

ساریشاندیر

گئجه حققین گؤزودور، تور تؤره تمیش اوجاغیندا

اریییب باغ تك اوره كلردی یانارلار چیراغیندا

مئی، محبتدن ایچیب لاله بیتیبدیر یاناغیندا

او بیر اوغلان كی، پری لر سو ایچه رلر چاناغیندا

اینجی قاینار بولاغیندا

طبعی بیر سئوگی لی بولبول كی، اوخور گول بوداغیندا

ساری سونبول قوجاغیندا

سولار افسانه دی سؤیلر اونون افسونلو باغیندا

سحه رین چنلی چاغیندا

شاعیرین ذووقو، نه افسونلو نه افسانه لی باغلار

آی نه باغلار كی "الیف لئیلی" دا افسانه ده باغلار

اود یاخیب داغلاری داغلار

گول گولورسه بولاغ آغلار

شاعیرین عالمی اؤلمز، اونا عالم ده زوال یوخ

آرزولار اوردا نه نه خاطیرله یه ایمكاندی، محال یوخ

باغ جنت كیمی اوردا "او حارامدیر، بو حالال" یوخ

او محبتده ملال یوخ

اوردا حالدیر، داها قال یوخ

گئجه لر اوردا گوموش دندی، قیزیلدان نه گونوزلر

نه زمرد كیمی داغلاردی، نه مرمر كیمی دوزلر

نه ساری تئللی اینه كلر، نه آلا گؤزلو اؤكوزلر

آی نئجه آی كیمی اوزلر

گول آغاجلاری نه طاووس كیمی چترین آچیب الوان

حله كروانیدی، چؤللر بزه نر سورسه بو كروان

دوه كروانی ده داغلار، یوكو اطلس دی بو جئیوان

صابیرین شهرینه دوغرو، قاتاری چكمه ده سروان

او خیالیمده كی شیروان

اوردا قار دا یاغار آمما داها گوللر سولا بیلمز

بو طبیعت او طراوتده ماحالدیر، اولا بیلمز

عؤمر پئیمانه سی اوردا دولا بیلمز

او اوفوقلرده باخارسان نه دنیزلر، نه بوغازلار

نه پری لر كیمی قولار، قونوب-اوچماقدا نه قازلار

گؤلده چیممه كده نه قیزلار

بالیق اولدوز كیمی گؤللرده، دنیزلرده پاریلدار

آبشار موروریسین سئل كیمی تؤكدوكده خاریلدار

یئل كوشولدار، سو شاریلدار

قصریلر واردی قیزیلدان، قالالار واردی عقیق دن

رافائیل تابلوسی تك، صحنه لری عهد-عتیق دن

دویماسان كؤهنه رفیق دن

جنتین باغلاری تك باغلارینین حورو قوصورو

الده حوریلری نین جامی بولوری

تونگونون گول كیمی صهبای تهوری

نه ماراقلار كی، آییق گؤزلره رؤیادی دئییرسن

نه شافاقلار كی، دیرن باخمادا دریادی دئییرسن

اویدوران جنت مأوادی دئییرسن

زوهره نین قصری بیریلیان، حصاری نرده سی یاقوت

قصری جادودی، موهندیس لری هاروت ایله ماروت

اوردا مانی دایانیب قالمیش او صورتلره مبهوت

قاپی قوللوقچوسو هاروت

اوردا شعرین موزیكین منبعی سرچئشمه دی قاینار

نه پری لر كیمی فواره دن افشان اولوب اوینار

شاعیر آنجاق اونو آنلار

دولو مهتاب كیمی ایستخریدی فواره لر ایله

ملكه اوردا چیمیر، آی كیمی مهپاره لر ایله

گوللو گوشواره لر ایله

شعر و موسیقی شاباش اولمادا، افشاندی پریشان

سانكی آغ شاهیدیر اولماقدا گلین باشینا افشان

نه گلینلر كی، نه انلیك اوزه سورترلر، نه كیرشان

یاخا نه تولكو نه دووشان

آغ پری لر، ساری كؤینه كلی بولودلاردان ائنیرلر

سود گؤلونده ملكه ایله چیمركن سئوینیرلر

سئوینیرلر، اؤیونورلر

قووزاناندا هله الده دولو بیر جام آپاریرلار

سانكی چنگی لره، شاعیرلره ایلهام آپاریرلار

دریا قیزلارینا پئیغام آپاریرلار

دنیزین اؤرتویو ماوی، اوفوقون سقفی سماوی

آینادیر هر نه باخیرسان: یئر اولوب گؤیله موساوی

غرق اونون شعرینه راوی

غورفه لر، آی، بولود آلتیندا اولار تك گؤرونورلر

گؤز آچیب-یومما، چیراغلار كیمی یاندیقدا سؤنورلر

صحنه لر چرخی فلك تك بورونوب، گاه دا چؤنورلر

كؤلگه لیكلر سورونورلر

زوهره ائیواندا الهه شینئلینده گؤرونركن

باخسان حافظی ده اوردا صلابتله گؤره رسن

نه سئورسن

گاه گؤره ن حافظ شیراز ایله بالكاندا دوروبلار

گاه گؤره ن اورتادا شطرنج قوراركن اوتوروبلار

گاه گؤره ن سازیله-آوازیله ایله نجه قوروبلار

سانكی ساغرده ووروبلار

خواجه الحان اوخویاندا، هامی ایشده ن دایانیرلار

او نوالرله پری لر گاه اویوبف گاه اویانیرلار

لاله لر شعله سی، الوان شیشه رنگی بویانیرلار

نه خومار گؤزلو یانیرلار

قاناد ایستر بو اوفوق، قوی قالا ترلانلی سهندیم

ائشیت اؤز قیصه می، دستانیمی، دستانلی سهندیم

سنی حئیدر بابا او نعره لر ایله چاغیراندا

او سفیل داردا قالان تولكو قووان شئر باغیراندا

شئیطانین شیللاغا قالخان قاتیری نوخدا قیراندا

بابا قورقور سسین آلدیم، دئدیم آرخامدی ایناندیم

آرخا دوردوقدا سهندیم ساوالان تك هاوالاندیم

سئله قارشی قووالاندیم

جوشقونون دا قانی داشدی، منه بیر هایلی سس اولدو

هر سسیز بیر نفس اولدو

باكی داغلاری دا، های وئردی سسه، قیها اوجالدی

او تایین نعره سی سانكی بو تایدان دا باج آلدی

قورد آجالدیقدا قوجالدی

راحیمین نعره سی قووزاندی دییه ن توپلار آتیلدی

سئی گلیب نهره قاتیلدی

روستمین توپلاری سسلندی دییه ن بوملار آچیلدی

بیزه گول-غونچه ساچیلدی

قورخما گلدیم دییه، سسلرده منه جان دئدی قارداش

منه جان-جان دییه رك، دوشمنه قان-قان دئدی قارداش

شهریار سؤیله مه دن گاه منه سولتان دئدی قارداش

من ده جانیم چیغیریب: جان سنه قوربان دئدی قارداش

یاشا اوغلان سیزه داغ-داش دلی جئیران دئدی قارداش

ائل سیزه قافلان دئدی قارداش

داغ سیزه آسلان دئدی قارداش

داغلی حئیدربابانین آرخاسی هر یئرده داغ اولدو

داغا داغلار دایاغ اولدو

آرازیم آینا-چیراق قویمادا،آیدین شافاق اولدو

او تایین نغمه سی قووزاندی، اوره كلر قولاغ اولدو

یئنه قارداش دییه رك قاچمادا باشلار آیاق اولدو

قاچدیق، اوزله شدیك آرازدا، یئنه گؤزلر بولاغ اولدو

یئنه غملر قالاق اولدو

یئنه قارداش سایاغی سؤزلریمیز بیر سایاق اولدو

وصل اییین آلمادا، ال چاتمادی عشقیم داماغ اولدو

هله لیك غم سارالاركن قارالار دؤندو آغ اولدو

آرازین سو گؤلو داشدی، قایالیقلاردا باغ اولدو

ساری سونبوللره زولف ایچره اوراقلار داراق اولدو

یونجالیقلار یئنه بیلدیرچینه یای-یاز یاتاغ اولدو

گؤزده یاشلار چیراغ اولدو

لاله بیتدی یاناغ اولدو

غونچا گولدو دوداق اولدو

نه سول اولدو، نه ساغ اولدو

ائلیمی آرخامی گؤردوكده ظالیم اووچو قیسیلدی

سئل كیمی ظولمو باسیلدی، زینه آرخ اولدو، كسیلدی

گول گؤزونده ن یاشی سیلدی

تور قوران اووچو آتبن قوومادا سیندی، گئری قالدی

اؤزو گئتدی تورو قالدی

آمما حئیدربابا دا بیلدی كی، بیز تك هامی داغلار

باغلانیب قول-قولا زنجیرده بولودلار اودور آغلار

نه بیلیم بلكه طبیعت اؤزو نامرده گون آغلار

ایری یوللاری آچاركن، دوز اولان قوللاری باغلار

صاف اولان سینه نی داغلار

داغلارین هر نه قوچو، ترلانی، جئیرانی، مارالی

هامی دوشگون، هامی پوزغون، سینه لر داغلی، یارالی

گول آچان یئرده سارالی

آمما ظن ائتمه كی، داغلار یئنه قالخان اولاجاقدیر

محشر اولماقدادی بونلار داها وولقان اولاجاقدیر

ظولم دونیاسی یاناركن ده تیلیت قان اولاجاقدیر

وای ...! نه توفان اولاجاقدیر

دردیمیز سانما كی، بیر تبریز و تهران دیر عزیزیم

یا كی، بیز توركه جهنم اولان ایراندا عزیزیم

یوخ بو دین دعواسیدیر دونیا تیلیت قاندیر عزیزیم

تورك اولا، فارس اولا دوزلوك داها تالاندیر عزیزیم

بیز آتان دیندیر، آتان دا بیزی ایماندیر عزیزیم

سامیری مروتد ائدیب هه نه موسلماندیر عزیزیم

اوممه تین هارونو من تك له له گیریاندی عزیزم

هر طرفدن قیلیج ائندیرسه له قالخاندیر عزیزیم

بیر بیزیم درمانیمیز موسی عمران دیر عزیزیم

گله جك شوبهه سی یوخ آیه ی قورآندیر عزیزیم

او هامی دردلره درماندیر عزیزیم

د.وقتور اولدوقدا بشر بو یارانی ساغلاماق اولماز

اولماسا آللاه الی دین مرضین چاغلاماق اولماز

داغلاماقدا علاج اولسا بیر ائلی داغلاماق اولماز

دینی آتمیش ائله یاوروم داها بئل باغلاماق اولماز

او گولوب آغلایا دا، اونلا گولوب آغلاماق اولماز

شئیطانی یاغلاماق اولماز

دئدین: آذر ائلینین بیر یارالی نیسگیلی یم من

نیسگیل اولسامدا گولوم بیر ابدی سئوگیلی یم من

ائل منی آتسادا اؤز گوللریمین بولبولو یم من

ائلیمین فارسیجادا دردینی سؤیلر دیلی یم من

دینه دوغرو نه قارانلیق ایسه ائل مشعلی یم من

ادبیات گولو یم من

نیسگیل اول چرچی یه قالسین كی جواهیر ندی قانمیر

مدنیت دبین ائیلیر بدویت، بیر اوتانمیر

گون گئدیر آز قالا باتسین گئجه سینده ن بیر اویانمیر

بیر اؤز احوالینا یانمیر

آتار اینسانلیغی آمما یالان انسابی آتانماز

فیتنه قووزانماسا بیر گون گئجه آسوده یاتانماز

باشی باشلارا قاتانماز

آمما منده ن ساری، سن آرخایین اول شانلی سهندیم

دلی جئیرانلی سهندیم

من داها عرش علا كؤلگه سی تك باشدا تاجیم وار

الده فرعونه قنیم بیر آغاجیم وار

حرجیم یوخ، فرجیم وار

من علی اوغلویام آزاده لرین مرد و مورادی

او قارانلیقلارا مشعل

او ایشیقلیقلارا هادی

حققه ایمانه مونادی

باشدا سینماز سیپه ریم، الده كوتلمز قیلیجیم وار

                                                                  استاد شهریار

یکشنبه 3 فروردین 1393
بؤلوملر : سئوگی,

آی قیز

من دئدیم عاشیقم آی قیز ، سن دئدین بوشلا آماندی
من دئدیم سن ده گؤزوم وار ، سن دئدین سئوگی یالاندی
من دئدیم شمعه تای اُول سن ، من ده پروانه تك اُوللام
سن دئدین بیر دایان اوغلان ، بول بو یول درده سالاندی
من دئدیم هئچ بولوسن كی نیه بو كونلوم اُولوب بیر كاسا قان
سن دئدین بَللیدی گؤز اُوخ دی قاشیمدا كی كاماندی
من دئدیم سئوگی منی بیر قوجا اوغلان الییب
سن دئدین آی قوجا مجنون یئری گئت لیلا جاواندی






دوشنبه 5 اسفند 1392
بؤلوملر : سئوگی,

رقاصه اوكسانــا و مغنی نازپـــری بیر یئرده

آزربایجان گوزللری میللی گئیم ده


رقاصه اوكسانــا و مغنی نازپـــری بیر یئرده


دوشنبه 5 اسفند 1392
بؤلوملر : فولكلور,

گوزلرین

♥گزدیم آذربایجانی تاپدیم سنین كیمین جئیرانی♥

♥گــل منه ناز ائیلمه اولوم گـــوزلریوین قــــوربانی♥ smiley

دوشنبه 5 اسفند 1392
بؤلوملر : سئوگی,

سئوگیلین

♥♥♥اوجاغین اودو كـــــئچدی،♥♥♥

♥♥♥یئــل ووردو، اودو كئچدی.♥♥♥

♥♥♥نه باخیرسان آی اوغلان،♥♥♥

♥♥♥سئوگیلین بـودو كئچدی.♥♥♥

پنجشنبه 24 بهمن 1392
بؤلوملر : فولكلور,

گوزل


▂▃▄▅▒  گُـــــوزلری فـَــتان گُوزل  ▒▅▄▃▂

▂▃▄▅▒  دَرده درد ڪــاتان گُوزل  ▒▅▄▃▂

▂▃▄▅▒  اَلیندن هــــــــارا گئدیم  ▒▅▄▃▂

▂▃▄▅▒  بیزه شِعر ساتان گُوزل  ▒▅▄▃▂


پنجشنبه 24 بهمن 1392
بؤلوملر : فولكلور,

yar

 

یار گونومی گؤی اسگییه توتدو كی دور منی بوشا

جوتچو گؤروبسه ن اؤكوزه اؤكوز قویوب بیزوو قوشا ؟

سن اللینی كئچیب یاشین ، من بیر اوتوز یاشیندا قیز

سؤیله گؤروم اوتوز یاشین نه نیسبتی اللی یاشا ؟

سن یئره قویدون باشیوی من باشیما نه داش سالیم ؟

بلكه من آرتیق یاشادیم نئیله مه لی ؟ دئدیم یاشا

بیرده بلالی باش نچون یانینا سوپورگه باغلاسین؟

بؤركو باشا قویان گرك بؤركونه ده بیر یاراشا

بیرده كبین كسیلمه میش سن منه بیر سؤز دئمه دین

یوخسا جهازیمدا گرك گلئیدی بیر حوققا ماشا

دئدیم : قضا گلیب تاپیب ، بیر ایشیدی اولوب كئچیب

قوربانام اول آلا گؤزه ، حئیرانان اول قلم قاشا

منكی اؤزومده بیر گوناه گؤرمه ییرم ، چاره ندیر ؟

پیس بشرین قایداسی دیر ، یاخشی نی گؤرسه دولاشا

دوستا مروت ائتمه لی دوشمه نیله كئچینمه لی

قایدا بودیر ، حئیف دئگیل بشر یولون آشیب چاشا ؟

من ده سنین دای اوغلونام سن ده منیم بی بیم قیزی

گؤنول باخیرسا گونه شه ، گؤزده گرك بیر قاماشا

ایندی بیزیم مارال كیمی ، اوچ بالامیز واردی ، گرك

آتا – آنا ساواشسادا ، بونلارا خاطیر باریشا

هر كیشی یه عیالی دا ، اؤز جانی تك هؤروكلنیب

هدیه ده اولماز ائله سین عیالی قارداش قارداشا

بو دونیا بیر یول كیمی دیر ، بیز آخرت مسافیری

كجاوه ده هاماش گرك اؤز هاماشینان یاناشا

آخیرتی اولانلارین ، دونیاسی غم سیز اولمویوب

سئل دی گله ر آخار كئچر ، آمما گرك آشیب – داشا

مثل دی : « یئر كی برك اولور ، اؤكوز اؤكوزدن اینجییور »

هی دارتیلیر ایپین قیرا ، یولداشیلا بیر ساواشا

بیزیم ده روزیگاریمیز یامان دی ، بیزده عیب یوخ

بلكه وظیفه دیر بشر قونشولاریلان قونوشا

حق حیات یوخ داها بیزلره ، چوخ بؤیوك باشی

زندانیمیزدا حققیمیز ، بیر باجا تاپساق ، تاماشا

آمما اونون شماتتی آللاها خوش گلمیوبن

گئتدی منیم حیاتیمی ووردی داشا چیخدی باشا

(شهریار)

 

جمعه 18 بهمن 1392
بؤلوملر : سئوگی,

آی بری باخ

“ آی بری باخ”

یكی از مشهورترین ملودی ها می باشد كه تا حال اجرا شده است. به احتمال زیاد محل به وجود آمدنش آغدام می باشد. اما در دیگر مناطق مثل تبریز هم فراگیر شده است.

" آی بری باخ " رقصی مخصوصی هم دارد كه اكثرا خانم ها اجرا كرده و یكی از رقص های قدیمی می باشد. در "شكی" بر حسب عادت این رقص را در لباس ملی قدیم اجرا می كردند. به نظر می رسد كه این رقص در اوایل به صورت یاللی اجرا می شده است.

بر طبق گفته یكی از موسیقی دانان بزرگ شكی " عباد فتح‌اللهئو "، تطبیق ماهنی با رقص " آی بری باخ " در اوایل " شئشه‌بیگ " نامیده شده است. متن این ماهنی به صورت زیر بوده است:

پنجره‌دن داش گلیر، آی بری باخ بری باخ؛

خومار گؤزده‌ن یاش گلیر، آی بری باخ بری‌باخ؛

شئشه بگین قیزلاری، آی بری باخ بری باخ» و …

اما الان " آی بری باخ " را بیشتر به صورت ماهنی در مناطق مختلف آذربایجان می توان یافت و تقریبا اثری از رقص آن نمانده است.



متن آهنگ " آی بری باخ "



پنجره دن داش گلیر... آی بری باخ... بری باخ...

خمار گوزدن یاش گلیر... آی بری باخ... بری باخ...

سنی منه ویرسلر... آی بری باخ... بری باخ...

ایللره ده خوش گلر... آی بری باخ... بری باخ...



بری باخ... آی بری باخ... بری باخ... آی بری باخ...

بری باخ... آی بری باخ... بری باخ...



پنجره نین میللری... آی بری باخ... بری باخ...

آچیب قیزیل گوللری... آی بری باخ... بری باخ...

اوغلانی یولدان ایلر... آی بری باخ... بری باخ...

قیزین شیرین دیللری... آی بری باخ... بری باخ...



بری باخ... آی بری باخ... بری باخ... آی بری باخ...

بری باخ... آی بری باخ... بری باخ...



معنی فارسی:

" به این طرف (از گوشه چشمت) نگاه كن "


از پنجره سنگ میاد ... به این طرف نگاه كن... به این طرف نگاه كن...
از چشم خمار اشك میاد... به این طرف نگاه كن... به این طرف نگاه كن...
تورو اگه به من بدهند... به این طرف نگاه كن... به این طرف نگاه كن...
به خدا هم خوش میاد... به این طرف نگاه كن به این طرف نگاه كن...

به این طرف نگاه كن... به این طرف نگاه كن ...
به این طرف نگاه كن... به این طرف نگاه كن ...

میله های پنجره... به این طرف نگاه كن... به این طرف نگاه كن...
گلهای رز شكوفا شده اند... به این طرف نگاه كن... به این طرف نگاه كن...
پسر رو از راه به در می كنه... به این طرف نگاه كن... به این طرف نگاه كن...
دختر با حرفای شیرینش... به این طرف نگاه كن... به این طرف نگاه كن...

به این طرف نگاه كن... به این طرف نگاه كن...
به این طرف نگاه كن... به این طرف نگاه كن...


دوشنبه 14 بهمن 1392
بؤلوملر : فولكلور,

منــی ده گــل آپــار قـــوربــانین اولـــــوم





























回回回回回回回回回回回回回回回回回回回回回回

ائلـه هارای چكـدیم سســــــیم گلـمه دی/

بیـرجه یــول سئوینیـــب اوزوم گـولمه دی/

اورییـــــــم داش اولــوب دینــه بیلمــه دی/

منــی ده گــل آپــار قـــوربــانین اولـــــوم...

بو یولون نه یـــامان سونســـوز اولــــوبدور/

سئــــوگیم حســــرتدن ساچین یولوبـــدور/

دیندیــــرمه اورییــــم یامـــان دولوبـــــــدور/

منــی ده گـــل آپــــار قـــوربانین اولـــــوم...

回回回回回回回回回回回回回回回回回回回回回回

جمعه 11 بهمن 1392

اللریم



گوزله رین .اورگیمین حسرتیدی

باخیشلارین .سون اومودوم

اللریم

سنسیزلیقده

یانیر

یالواریر

آغلایر

بیرآن باخیشینلا

توت الریمی

گوزله ریم حیاتدا

گولسون گوزه لیم.


پنجشنبه 10 بهمن 1392
بؤلوملر : سئوگی,

هارا گئتسن گلرم

هارا گئتسن گلرم، جان سنه قورباندی گئداخ

نه دئسن من ائله‌رم، گؤز سنه حیراندی گئداخ

جانیمی ایسته وئریم، جان نَدی سن وارسان اگر

نه واریم من قویارام بوردا كی ویراندی گئداخ

دوشنبه 7 بهمن 1392
بؤلوملر : فولكلور,